Asus X415 និង X515 កុំព្យូទ័រយួរដៃស៊េរីថ្មី ដែលសក្តិសមបំផុតសម្រាប់ការសិក្សា និងការងារប្រចាំថ្ងៃ

ក្រោយពីទទួលបានជោគជ័យលើការចេញលក់ម៉ាស៊ីនកុំព្យូទ័រយួរដៃស៊េរីថ្មីៗក្នុងទីផ្សារប្រទេសកម្ពុជាកន្លងមក ឥលូវនេះក្រុមហ៊ុន Asus Cambodia បានប្រកាសថា នឹងនាំយកម៉ាស៊ីនកុំព្យូទ័រយួរដៃស៊េរីថ្មីចំនួនពីរម៉ូដែលបន្ថែមទៀតមកប្រកាសចេញលក់ក្នុងទីផ្សារប្រទេសកម្ពុជាក្នុងពេលឆាប់ៗខាងមុខនេះ។

 

no-alternative title

កុំព្យួទ័រយួរដៃទាំងពីរម៉ូដែលនោះរួមមាន Asus X415 និង X515។ Asus X415 និង X515 គឺជាម៉ាស៊ីនកុំព្យួទ័រយួរដៃស៊េរីថ្មីដែលនឹងផ្តល់នូវជម្រើសដ៏ល្អប្រសើរបំផុតសម្រាប់ការប្រើប្រាស់បំពេញកិច្ចការងារប្រចាំថ្ងៃ។

ល្បឿនប្រើការលឿន និងមានប្រសិទ្ធិភាពខ្ពស់

 Asus X415 និង X515 គឺជាម៉ាស៊ីនកុំព្យូទ័រយួរដៃដែលបំពាក់នូវបន្ទះអេក្រង់ដែលត្រូវបានឌីស្សាញឡើងបែប Nano-Edge Display មានទំហំ 14 អ៊ីញ និង 15.6 អ៊ីញ ដែលផ្តល់នូវផ្ទៃបង្ហាញចេញបានធំទូលាយដល់ទៅ 83% ធៀបនឹងផ្ទៃអេក្រង់សរុប។ ម៉ាស៊ីនកុំព្យូទ័រយួរដៃស៊េរីថ្មីទាំងពីរនេះត្រូវបាន Asus បំពាក់មកជាមួយអង្គគណនា Intel-core i7 Processor ភ្ជាប់ជាមួយអង្គក្រាហ្វិចស៊េរី Nvidia MX330 និងមានថាសរឹងទុកដាក់ឯកសារសំខាន់ៗប្រភេទ SSD ទំហំធំដល់ទៅ 1TB។ Asus X415 មានទំងន់ស្រាលល្មមត្រឹម 1.5 គីឡូក្រាម និងម៉ូដែល X515 មានទំងន់ត្រឹម 1.8 គីឡូក្រាមប៉ុណ្ណោះ។

ផ្តល់នូវភាពងាយស្រួលប្រើជាមួយបទពិសោធន៍ថ្មីទំនើបអស្ចារ្យ

ម៉ាស៊ីនកុំព្យូទ័រយួរដៃ Asus X415 និង X515 ផ្តល់នូវភាពងាយស្រួលដល់ការប្រើប្រាស់ និងរក្សាបាននូវសុវត្ថិភាពខ្ពស់បំផុត។ នៅលើម៉ាស៊ីនកុំព្យូទ័រយួរដៃស៊េរីថ្មីទាំងពីរនេះត្រូវបាន Asus បំពាក់នូវបច្ចេកវិទ្យាស្កែនក្រយ៉ៅម្រាមដៃដោះសោរសុវត្ថិភាពដ៏ទំនើបភ្ជាប់នៅលើបន្ទះក្តារ TouchPad ដែលគាំទ្រជាមួយមុខងារ Windows Hello ដែលផ្តល់អោយការប្រើប្រាស់កាន់តែមានភាពងាយស្រួល និងសុវត្ថិភាពខ្ពស់។ ជាងនេះទៅទៀតសម្រាប់ផ្ទាំងក្តារ LED-illuminated NumberPad នៅលើម៉ូដែល Asus X415 គឺរឹតតែផ្តល់នូវភាពទំនើប និងភាពងាយស្រួលទ្វេរឡើងដល់ការវាយបញ្ចូលតួលេខ។ ជាមួយគ្នានេះ Asus X415 និង X515 មានផ្ទាំងក្តារ Keyboard ជាប្រភេទ Full-size backlit keyboard មានគ្រាប់ចុចទំហំ 1.4 mm ផ្តល់នូវភាពងាយស្រួលជាមួយល្បឿនរហ័សដល់ការវាយឯកសារបានគ្រប់កាលៈទេសៈ។

គុណសម្បត្តិពិសេសៗផ្សេងៗទៀត

ចំពោះគុណសម្បត្តិផ្សេងៗទៀតដែលមាននៅលើកុំព្យូទ័រយួរដៃទាំងពីរម៉ូដែលនេះរួមមានបច្ចេកវិទ្យា dual-band WiFi5(802.11ac), Bluetooth v5, រន្ធដោត USB-C3.2, USB-A 3.2, USB-A2.0, HDMI និង microSD card reader។ ហើយអ្វីដែលពិសេសជាងនេះទៀតនោះគឺ Asus X415 និង X515 មានភ្ជាប់នូវបច្ចេកវិទ្យាសាកភ្លើងល្បឿនលឿនដែលមានសមត្ថភាពសាកពីចំនុច 0% ដល់ 60% ចំនាយពេលប្រមាណ 47 នាទី។

ហើយកាន់តែអស្ចារ្យគឺ Asus X415 និង X515 មានបំពាក់នូវបច្ចេកវិទ្យា ASUS Battery Health Charging technology ដើម្បីរក្សាតុលយភាពនៅពេលការសាកថ្មមានសុវត្ថិភាពខ្ពស់ កាត់បន្ថយអត្រាប៉ោងថ្មនៅពេលសាក ជួយរក្សាគុណភាព និងអាយុកាលប្រើប្រាស់ថ្មបានយូរជាងមុនថែមទៀតផង៕

អាចស្វែងរកទិញបាននៅតាមហាងដែលជាតំណាងចែកចាយខាងក្រោម/You can purchase the products through our dealers below:

- ភ្នំពេញ (Phnom Penh): https://bit.ly/3wutiLh  

- សៀមរាប (Siem Reap): https://bit.ly/2XA2RFO  

- បាត់ដំបង (Battambong): https://bit.ly/2FGi120  

- ខេត្តផ្សេងៗ (Other Province): https://bit.ly/2KQsCvG  

 

no-alternative title

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Find X 3 Pro Limited Edition នឹងក្លាយជាស្មាតហ្វូនកំពូល OPPO ដំបូងដែលប្រើសែនស័រកាមេរ៉ាភ្លោះទំហំ 50MP ដែលផលិតដោយ Kodak

Find X 3 Pro Limited Edition នឹងក្លាយជាស្មាតហ្វូនកំពូល OPPO ដំបូងដែលប្រើសែនស័រកាមេរ៉ាភ្លោះទំហំ 50MP ដែលផលិតដោយ Kodak

ដោយ ប៉េងលីន
vivo X70 Pro+ នឹងចេញលក់នៅចិនខែក្រោយនេះ ដែលមានតម្លៃ $850 សម្រាប់រ៉េមទំហំ 8GB និង $1,038 សម្រាប់រ៉េមទំហំ 12GB

vivo X70 Pro+ នឹងចេញលក់នៅចិនខែក្រោយនេះ ដែលមានតម្លៃ $850 សម្រាប់រ៉េមទំហំ 8GB និង $1,038 សម្រាប់រ៉េមទំហំ 12GB

ដោយ ប៉េងលីន
ឈីប Snapdragon 898 រត់មិនរួចជាមួយឈីប Exynos 2200 និង Bionic A15 នោះទេ នេះបើយោងតាមការធ្វើតេស្តបន្ទះឈីបនេះនៅលើ GFXBench

ឈីប Snapdragon 898 រត់មិនរួចជាមួយឈីប Exynos 2200 និង Bionic A15 នោះទេ នេះបើយោងតាមការធ្វើតេស្តបន្ទះឈីបនេះនៅលើ GFXBench

ដោយ ប៉េងលីន
ចង់ដឹងថា សមិទ្ធិផលថ្មីៗរបស់ក្រុមហ៊ុន Apple មានរូបរាង និងបច្ចេកវិទ្យាថ្មីៗអ្វីខ្លះ តោះទស្សនាវីដេអូខាងក្រោម!

ចង់ដឹងថា សមិទ្ធិផលថ្មីៗរបស់ក្រុមហ៊ុន Apple មានរូបរាង និងបច្ចេកវិទ្យាថ្មីៗអ្វីខ្លះ តោះទស្សនាវីដេអូខាងក្រោម!

ដោយ ប៉េងលីន
Xiaomi 11T និង11T Pro បំពាក់នូវសែនស័រកាមេរ៉ាទំហំ 108MP និងមានអេក្រង់ទំហំ 6.67 អ៊ីង AMOLED 120Hz Display បានមកដល់ជាផ្លូវការណ៍ហើយ

Xiaomi 11T និង11T Pro បំពាក់នូវសែនស័រកាមេរ៉ាទំហំ 108MP និងមានអេក្រង់ទំហំ 6.67 អ៊ីង AMOLED 120Hz Display បានមកដល់ជាផ្លូវការណ៍ហើយ

ដោយ ប៉េងលីន
តោះៗ មកដឹងពីផលិតផល Apple ថ្មីៗណាខ្លះ ដែលនឹងមានការបង្ហាញវត្តមាននៅក្នុងពឹ្រតិ្តការណ៍ 14 កញ្ញានៅថ្ងៃស្អែកនេះ

តោះៗ មកដឹងពីផលិតផល Apple ថ្មីៗណាខ្លះ ដែលនឹងមានការបង្ហាញវត្តមាននៅក្នុងពឹ្រតិ្តការណ៍ 14 កញ្ញានៅថ្ងៃស្អែកនេះ

ដោយ ប៉េងលីន