នៅថ្ងៃនេះ ក្រុមហ៊ុន ASUS បានប្រកាសបង្ហាញនូវកុំព្យូទ័រយួរដៃ 14-inch M415 ដែលមានកម្លាំងម៉ាស៊ីនខ្លាំងក្លា រូបរាងទាន់សម័យ និងសមត្ថភាពកាន់តែប្រសើរជាមួយនឹងបន្ទះឈីប AMD Ryzen processors ។ ជាមួយនឹងការប្រើប្រាស់នូវបន្ទះឈីប AMD Ryzen™ 3 3250U Mobile Processor និងការឌីស្សាញ dual-storage នោះ កុំព្យូទ័រ M415 នេះមានកម្លាំងម៉ាស៊ីនខ្លាំងក្លាដែលអាចដំណើរការប្រតិបត្តិការការងារប្រចាំថ្ងៃបានយ៉ាងរលូន។ កុំព្យូទ័រនេះមានអេក្រង់ slim-bezel NanoEdge ដែលធ្វើអោយវាមានរូបរាងតូចងាយស្រួលក្នុងការកាន់ ហើយកុំព្យូទ័រ M415 នេះមានភ្ជាប់ជាមួយនឹង LED-illuminated ASUS NumberPad ដែលងាយស្រួលក្នុងការវាយបញ្ចូលលេខផងដែរ។
រូបរាងស្រស់ស្អាត សមត្ថភាពខ្លាំងក្លា
កុំព្យូទ័រ ASUS M415 នេះមានសមត្ថភាពខ្លាំងក្លាជាមួយនឹងរូបរាងស្តើង និងទាន់សម័យក្នុងការប្រើប្រាស់ជាទីបំផុត។ កុំព្យូទ័រនេះប្រើប្រាស់នូវបន្ទះឈីប AMD Ryzen™ 3 3250U Mobile Processor ហើយវាមានភ្ជាប់ជាមួយនឹង dual-storage ដែលមានភ្ជាប់ជាមួយនឹង 256 GB SSD ជាមួយនឹង 4GB RAM ដែលពិតជាល្អឥតខ្ចោះក្នុងការធ្វើអោយម៉ាស៊ីនដំណើរការលឿនក្នុងការប្រើប្រាស់។ កុំព្យូទ័រ M415 នេះមានអេក្រង់ slim-bezel NanoEdge ដែលមានកម្រិតអេក្រង់ 83% screen-to-body ratio ។ បន្ថែមពីនេះទៀតនោះ ការឌីស្សាញទៅលើអេក្រង់ NanoEdge នេះគឺបានធ្វើអោយកុំព្យូទ័រនេះមានទម្ងន់ត្រឹមតែ 1.5Kg ប៉ុណ្ណោះ។
ភាពរឹងមាំ និងធន់ក្នុងការប្រើប្រាស់
ជាមួយនឹងការឌីស្សាញថ្មីទៅលើកុំព្យូទ័រ ASUS M415 នេះដែលមើលទៅពិតជាមានភាពធន់រឹងមាំក្នុងការប្រើប្រាស់ ជាមួយនឹងការប្រើប្រាស់នូវលោហធាតុនៅខាងក្រោម keyboard ដែលផ្តល់នូវភាពរឹងមាំនៅពេលដែលវាយទៅលើតួអក្សរ ឬការប្រើប្រាស់ទៅលើ Touchpad ហើយសម្រាប់ lid, hinge និងអេក្រង់របស់កុំព្យូទ័រនេះពិតជារឹងមាំបំផុត។ សម្រាប់ HDD គឺប្រើប្រាស់នូវបច្ចេកវិទ្យា E-A-R® anti-shock technology ដែលល្អក្នុងការប្រើប្រាស់។ វាអាចធ្វើការការពារនៅពេលដែលមានការធ្លាក់ ឬញ័រនៅលើជ្រុងណាមួយនៃកុំព្យូទ័រ។ ដូចនេះ អ្នកប្រើប្រាស់អាចប្រើប្រាស់កុំព្យូទ័រនេះដោយគ្មានការព្រួយបារម្ភ ឬនៅពេលដែលចល័តទៅលើកុំព្យូទ័រនេះ។
ភាពល្អឥតខ្ចោះទៅលើផលិតភាពការងារនិងការកម្សាន្ត
សម្រាប់កុំព្យូទ័រ ASUS M415 នេះមានភាពងាយស្រួល និងសុវត្ថិភាពក្នុងការប្រើប្រាស់ ហើយវាក៏មានប្រព័ន្ធស្កេនក្រយ៉ៅដៃនៅក្នុង Touchpad ដែលមានភ្ជាប់ជាមួយនឹង one-touch ដែលអាចប្រើប្រាស់តាមរយៈ Windows Hello ផងដែរ។ សម្រាប់ LED-illuminated NumberPad នៅលើកុំព្យូទ័រ M415 នេះអនុញ្ញាតិ្តអោយអ្នកមានភាពងាយស្រួលក្នុងការវាយបញ្ចូលទិន្នន័យ ហើយម៉ូឌែលទាំងពិរនេះមានភ្ជាប់ជាមួយនឹង full-size backlit keyboard ដែលពិតជាល្អឥតខ្ចោះនៅក្នុងការធ្វើការងារបំផុត។ សម្រាប់ keyboard នេះមានការឌីស្សាញយ៉ាងសក្តិសម ហើយវាមានចន្លោះ 1.4mm ដែលផ្តល់នូវបទពិសោធន៍នៃការវាយតួអក្សរយ៉ាងល្អ និងផាសុកភាពបំផុត។
សម្រាប់ការតភ្ជាប់នៅលើឧបករណ៍នេះគឺមានភ្ជាប់ជាមួយនឹង dual-band WiFi 5 (802.11ac)និង Bluetooth® 5 សម្រាប់ការតភ្ជាប់ wireless ។ សម្រាប់ I/O ports របស់វាមាន USB 3.2 Type-C® (USB-C®), USB 3.2 Type-A, two USB 2.0 Type-A ports, HDMI output និង microSD card reader ។ ថាមពលថ្មរបស់វាគឺមានសមត្ថភាពប្រើប្រាស់បានយូរជាងថ្ម lithium-ion ធម្មតាដល់ទៅ 3 ដង។ បច្ចេកវិទ្យាសាកថ្មលឿន Fast-charge technology អនុញ្ញាតអោយអ្នកប្រើប្រាស់អាចទទួលបានថ្ម 60% នៅក្នុងពេល 49 នាទី។ វាក៏មានបច្ចេកវិទ្យា ASUS Battery Health Charging ដែលផ្តល់នូវសុវត្ថិភាពខ្ពស់នៅក្នុងការសាកថ្ម។
ការលក់ និងតម្លៃ
កុំព្យូទ័រ ASUS M415 អាចរកទិញបាននៅក្នុងប្រទេសកម្ពុជានៅគ្រប់ហាងចែកចាយជាមួយនឹងតម្លៃត្រឹមតែ $419 ។ សម្រាប់ព័ត៌មានបន្ថែម សូមទាក់ទងទៅកាន់ក្រុមហ៊ុន ASUS ៕
