ថ្មីៗនេះ ក្រុមហ៊ុន MSI បានប្រកាសចេញនូវហ្គេមីងម៉ូនីទ័រជំនាន់ថ្មីរបស់ខ្លួនម៉ូដែល MPG 274URF QD ប៉ុន្តែនៅមិនទាន់មាន ការបញ្ចេញនូវតម្លៃនៅឡើយទេ។ ហ្គេមីងម៉ូនីទ័រជំនាន់ថ្មីនេះ មានអេក្រង់ទំហំ 27-អ៊ីងនិងមានសមត្ថភាពអាចបង្ហាញចេញ បានកម្រិត high-resolution 4K Rapid IPS ទំហំ 3840x2160 នៅលើខ្នាត 16:9 Aspect Ratio ហើយថែមទាំងរត់បានជា មួយល្បឿន 160Hz refresh rate ថែមទៀតផង។ ហ្គេមីងម៉ូនីទ័រជំនាន់ថ្មីនេះ ទ្រទ្រង់ជាមួយកម្រិតឆ្លើយតបអេក្រង់ 0.5ms មានសមត្ថភាពកាត់បន្ថយនូវភាពព្រឹលបានខ្ពស់នៅពេលដែលឯកសារចាក់លើអេក្រង់មានចលនា។
នៅលើហ្គេមីងម៉ូនីទ័រជំនាន់ថ្មី MSI MPG 274URF QD នេះ គឺមានការបំពាក់នូវបច្ចេកវិទ្យាអេក្រង់ជំនាន់ថ្មី Quantum Dot backlighting និងមានការបង្ហាញចេញនូវកម្រិតពណ៌បានច្បាស់ ជាមួយនិង wider color gamut exceeding 145% នៅលើ sRGB spectrum។ អេក្រង់នេះ មានសមត្ថភាពផ្តល់នូវការទស្សនារូបភាព និងវីដេអូ បានច្បាស់ ប្រៀបធៀបជាមួយ និងអេក្រង់ ម៉ូនីទ័រធម្មាតា។ ហ្គេមីងម៉ូនីទ័រជំនាន់ថ្មីនេះ មានការទ្រទ្រង់នូវកម្រិតពណ៌ 10-bit color depth (8-bit + FRC), និងមានពន្លឺ contrast ratio កម្រិត 1000:1 ហើយនិងមានមុខងារ VESA DisplayHDR 400 រួមជាមួយនិងកម្រិតពន្លឺ peak brightness 400 nits ដែលធានាថា នឹងផ្តល់នូវបទពិសោធន៌នៃការទស្សនាបានច្បាស់ជាងមុនៗ។
សម្រាប់ការតភ្ជាប់វិញ នៅលើហ្គេមីងម៉ូនីទ័រជំនាន់ថ្មីនេះ គឺមានបំពាក់នូវរន្ធ USB Type-C port គាំទ្រជាមួយនិងកម្លាំងសាក ចេញ 65W ដែលអនុញាតអោយអ្នលប្រើប្រាស់សាកថ្មចូលទៅកាន់ Laptops ឬក៏ស្មាតហ្វូនបាន នៅពេលដែលភ្ជាប់ជាមួយ និងហ្គេមីងម៉ូនីទ័រជំនាន់ថ្មីនេះ។ បន្ថែមពីនេះ នៅលើហ្គេមីងម៉ូនីទ័រជំនាន់ថ្មី ក៏មានការទ្រទ្រង់ជាមួយនូវ DisplayPort 1.4, រន្ធ HDMI 2.1 ចំនួន 2 គ្រាប់ សម្រាប់ភ្ជាប់ជាមួយឧបករណ៌លេងហ្គេមផ្សេងៗបានថែមទៀតផង។ ជាមួយគ្នានេះ ក៏មានរន្ធ headphone jack ផងដែរ។
ហ្គេមីងម៉ូនីទ័រជំនាន់ថ្មីនេះ ក៏មានការទ្រទ្រង់ជាមួយនិងបច្ចេកវិទ្យា AdaptiveSync ដែលដំណើរការបានទាំង NVIDIA G-SYNC និង AMD FreeSync variable refresh rate ថែមទៀតផង។ បន្ថែមពីនេះ ក៏មានភ្ជាប់នូវ MSI’s G.I. Smart Gaming features ផងដែរ ដោយមុខងារនេះ នឹងផ្តល់អោយអ្នកប្រើប្រាស់អាចធ្វើការកំណត់មុខងាលេងហ្គេមបាន ដោយ ការប្រើប្រាស់ keyboard shortcuts និងធ្វើការ switch ទៅលើការលេងហ្គេមបាន។ នៅផ្នែកខាងក្រោយនៃម៉ូនីទ័រនេះ ក៏មានការបំពាក់នូវមុខងារ Mystic Light RGB lighting ដែលបញ្ជាបានតាមកម្មវិធីស្មាតហ្វូន និងកម្មវិធីនៅ PC ថែមទៀតផង។
