ក្រុមហ៊ុនបច្ចេកវិទ្យា ASUS Republic of Gamers (ROG) មានមោទនភាពក្នុងការប្រកាសបង្ហាញនូវកុំព្យូទ័រលេងហ្គេមស្តើង និងស្រាលរបស់ខ្លួនម៉ូឌែល Zephyrus ស៊េរីថ្មីឆ្នាំ 2023 ដែលមានការបំពាក់នូវបន្ទះឈីបថ្មី Intel®, AMD និង NVIDIA® ប្រព័ន្ធត្រជាក់ឆ្លាតវៃ Intelligent Cooling ជំនាន់ថ្មី និងការពង្រឹងទៅលើអេក្រង់កាន់តែល្អប្រសើរជាងមុនថែមទៀត។
បន្ទះឈីបថ្មីផ្តល់នូវការលេងហ្គេមដ៏អស្ចារ្យ
កុំព្យូទ័រម៉ូឌែល Zephyrus នេះមានការ upgrade ទៅលើបន្ទះឈីបកាន់តែខ្លាំងក្លារបស់ក្រុមហ៊ុន Intel, AMD និង NVIDIA ដែលធ្វើអោយកុំព្យូទ័រនេះមានសមត្ថភាពកាន់តែខ្លាំងក្លាក្នុងការប្រើប្រាស់។ កុំព្យូទ័រ 2023 Zephyrus M16 នេះបំពាក់នូវបន្ទះឈីប Intel Core™ i9-13900H និងក្រាហ្វិកកាត NVIDIA® GeForce RTX™ 4070 Laptop GPU ជាមួយនឹង TGP145 W និង MUX Switch ជាមួយនឹង NVIDIA Advanced Optimus ថែមទៀត។
សម្រាប់កុំព្យូទ័រ Zephyrus G16 នេះមានបន្ទះឈីប Intel Core i9-13900H និងក្រាហ្វិកកាត NVIDIA GeForce RTX 4070 Laptop GPU ជាមួយនឹង MUX Switch ដែលមានបំពាក់នូវ NVIDIA Advanced Optimusនិង TGP120 W ។ បន្ថែមពីនេះទៀតនោះ កុំព្យូទ័រ Zephyrus Duo 16 នេះក៏មានអេក្រង់ភ្លោះ ដែលអេក្រង់ទី 2 ទំហំកម្រិត 4K touchscreen ដែលពិតជាទាក់ទាញមែនទែន។ បន្ទះឈីប ថ្មីរបស់ក្រុមហ៊ុន AMD នេះក៏កាន់តែធ្វើអោយម៉ាស៊ីននេះខ្លាំងក្លាជាមួយនឹងបន្ទះឈីប AMD Ryzen 9 Zen 4 ដែលមានអង្គគណនា 16 cores ជាមួយនឹង Precision Boost Overdrive ថែមទៀត។ នៅពេលដែលមានការប្រើប្រាស់ជាមួយនឹង NVIDIA GeForce RTX 4090 GPU និង Active Aerodynamic cooling system របស់ ROG កុំព្យូទ័រនេះក៏មានកម្លាំងខ្លាំងក្លា និងស្តើងក្នុងការប្រើប្រាស់ថែមទៀត។
កុំព្យូទ័រស៊េរីថ្មី Zephyrus M16
នៅក្នុងការបង្កើតឡើងសម្រាប់អ្នកលេងហ្គេម និងអ្នកបង្កើតមាតិកាថ្មីនោះ កុំព្យូទ័រ Zephyrus M16 នេះក៏ត្រូវបានឌីស្សាញជាថ្មីជាមួយនឹងរូបរាងកាន់តែទាក់ទាញ និងការពង្រឹងទៅលើសមត្ថភាពកាន់តែប្រសើរ។ ការឌីស្សាញថ្មីនេះផ្តល់នូវកន្លែងប្រព័ន្ធត្រជាក់កាន់តែធំជាងមុនជាមួយនឹងបច្ចេកវិទ្យា Tri-Fan របស់ក្រុមហ៊ុន ROG ដែលផ្តល់នូវការបំភាយកំដៅបានយ៉ាងល្អថែមទៀត។
កុំព្យូទ័រ 2023 Zephyrus M16 នេះអាចឈានដល់កម្រិត 20W ខ្ពស់ជាងម៉ូឌែលជំនាន់មុននេះ។ ក្រុមហ៊ុន ROG ក៏ចាប់ផ្តើមដាក់អោយប្រើប្រាស់នូវបន្ទះឈីប Intel Core i9-13900H និងក្រាហ្វិកកាត NVIDIA GeForce RTX 4090 Laptop GPU ថែមទៀត។ កុំព្យូទ័រ Zephyrus M16 នេះគឺជាកុំព្យូទ័រយួរដៃទី ២ ដែលមានអេក្រង់ ROG’s iconic AniMe Matrix™ Display ។ជាមួយនឹងអេក្រង់ទំហំ 16-inch នៅលើកុំព្យូទ័រ M16 នេះធំជាងមុនងាយស្រួលក្នុងការប្រើប្រាស់បំផុត។
អេក្រង់ភ្លឺច្បាស់ និងទាក់ទាញក្នុងការទស្សនា
កុំព្យូទ័រ Zephyrus M16 នេះគឺមានអេក្រង់ Nebula HDR displays ជាមួយនឹងការប្រើប្រាស់នូវ Mini LED backlight ដែលភ្លឺជាងមុន និងអស្ចារ្យបំផុតក្នុងការទស្សនា។ កុំព្យូទ័រ Zephyrus M16 នេះប្រើប្រាស់នូវអេក្រង់ Nebula HDR display ចុងក្រោយបំផុតរបស់ ROG ជាមួយនឹង 1,024 dimming zones, ពន្លឺអេក្រង់ 1100 nits និងកម្រិតអេក្រង់ QHD resolution240 Hz refresh rate ។ សម្រាប់កុំព្យូទ័រ Zephyrus G14 នេះមានអេក្រង់ Nebula HDR Display ដែលមានពន្លឺអេក្រង់ 600 nits នៅក្នុងកម្រិត 240 Hz refresh rate និង 504 dimming zones ។ នេះគឺជាអេក្រង់ដ៏អស្ចារ្យមិនធម្មតានោះទេ។
តម្លៃ និងកាលបរិច្ឆេទនៃការលក់
កុំព្យូទ័រ ROG Zephryus M16 អាចរកទិញបាននៅគ្រប់ហាងចែកចាយរបស់ក្រុមហ៊ុន ASUS នៅក្នុងតម្លៃ $2599 ៕
