ASUS Republic of Gamers ប្រកាសចេញនូវព្រឹត្តិការណ៍អនឡាញសម្រាប់កម្មវិធីពិពរណ៍បច្ចេកវិទ្យា CES 2024

នៅថ្ងៃនេះ ក្រុមហ៊ុន ASUS Republic of Gamers (ROG) បានប្រកាសពីការរៀបចំនូវព្រឹត្តិការណ៍អនឡាញ (និម្មិត) For Those Who Dare: Transcendence ដើម្បីបង្ហាញចេញនូវផលិតផលលេងហ្គេមជាច្រើន ដែលមានសមត្ថភាពខ្លាំងក្លានៅក្នុងពិពរណ៍បច្ចេកវិទ្យា CES® 2024។ សូមជំរាបថា ROG គឺជាក្រុមហ៊ុនឈានមុខគេនៅក្នុងឧស្សាហកម្មបច្ចេកវិទ្យាលេងហ្គេមនេះ បានត្រៀមខ្លួនក្នុងការប្រកាសចេញនូវរបកបច្ចេកវិទ្យាថ្មីប្រកបដោយភាពច្នៃប្រឌិតចុងក្រោយបំផុត (cutting-edge) នៅក្នុងទីក្រុង Las Vegas ដើម្បីជម្រុញនូវព្រំដែនថ្មីកាន់តែអស្ចារ្យនៅក្នុងពិភពលេងហ្គេម រួមជាមួយសេវាកម្មជាច្រើនទៀត។

ព្រឹត្តិការណ៍នេះ នឹងធ្វើការចាប់ផ្តើមជាមួយនឹងកម្មវិធីសម្ពោធអនឡាញ (និម្មិត) ដែលនឹងធ្វើឡើងនៅថ្ងៃទី 8 ខែមករាឆ្នាំ 2024 នេះនៅលើវេបសាយរបស់ក្រុមហ៊ុន ROG ផ្ទាល់តែម្តង។ ឆ្នាំនេះ នឹងមានផលិតផលជាច្រើនរបស់ក្រុមហ៊ុន ROG បង្ហាញនៅក្នុងព្រឹត្តិការណ៍អនឡាញ (និម្មិត) នេះ ក្នុងនោះក្រុមហ៊ុននេះ ក៏នឹងមានការដាក់តាំងបង្ហាញនូវបច្ចេកវិទ្យានៃភាពច្នៃប្រឌិតជាច្រើនដែលអស្ចារ្យ និងច្នៃប្រឌិតខ្ពស់បំផុត ដែលក្រុមហ៊ុននេះទើបតែរកឃើញថែមទៀតផង។ 

ផលិតផលថ្មីៗទាំងនេះ នឹងមានការដាក់បង្ហាញ ហើយនិងមានការដាក់អោយធ្វើតេស្តនៅស្តង់ ASUS & ROG CES 2024 Media Showroom នៅជាន់ទី 3 នៃ The Venetian Expo ហើយក៏នឹងមានបន្ទប់ប្រជុំ Meeting Room #3102 ដែលចាប់់ផ្តើមនៅថ្ងៃទី 8 ខែមករានេះ ចាប់ពីម៉ោង 10 ព្រឹកដល់ម៉ោង 6 ល្ងាច PST និងនៅថ្ងៃទី 09 ដល់ទី 11 ខែមករា គឺនឹងចាប់ផ្តើមមពីម៉ោង 9 ព្រឹកដល់ម៉ោង 6 ល្ងាច។ ខណៈពេលដែលក្រុមហ៊ុន ROG ជាម៉ាកយីហោហ្គេមលេខ 1 នោះ ក្រុមហ៊ុននេះបានប្តេជ្ញាចិត្តនៅក្នុងការផ្តល់នូវភាពល្អឥតខ្ចោះសម្រាប់អ្នកប្រើប្រាស់នោះក៏នាំយកនូវផលិតផលលេងហ្គេមដ៏អស្ចារ្យខ្លាំងក្លាជាច្រើនដូចជាកុំព្យូទ័រ ROG Zephyrus series ស្មាតហ្វូន ROG Phone 8 អេក្រង់ សមាសភាគកុំព្យូទ័រ ឧបករណ៍បន្ទាប់បន្សំ និងជាច្រើនទៀតនៅក្នុងព្រឹត្តិការណ៍នេះ។ 

ROG Phone 8 គឺជាស្មាតហ្វូនដែលមានកាមេរ៉ាអស្ចារ្យ និងមុខងារជាច្រើនសម្រាប់ការលេងហ្គេម។ ផលិតផលជាច្រើននៅក្នុងឆ្នាំនេះនឹងផ្តល់អោយអ្នកលេងហ្គេមជាមួយនឹងបទពិសោធន៍នៃការលេងហ្គេមកាន់តែអស្ចារ្យនៅផ្ទះ និងកន្លែងដែលអ្នកធ្វើដំណើរទៅដល់។  ត្រៀមខ្លួនរួចរាល់ក្នុងការផ្តល់នូវបទពិសោធន៍ដ៏អស្ចារ្យនៅក្នុងបាតដៃរបស់អ្នក!

ក្រុមហ៊ុន ROG ក៏បានត្រៀមខ្លួនក្នុងការប្រកាសចេញនូវផលិតផលថ្មីៗជាច្រើនដែលមានការឌីស្សាញយ៉ាងពិសេស កុំព្យូទ័រលើតុ Desktop PCs ដែលមានសមត្ថភាពខ្លាំងក្លា និងស្ទាយទាន់សម័យដែលនេះ គឺជាការបង្ហាញអំពីស្ថាបត្យកម្មថ្មីកាន់តែអស្ចារ្យបំផុត។ នៅក្នុងការអបអរសាទរនេះ ក្រុមហ៊ុន ROG ក៏ចាប់ផ្តើមនូវយុទ្ធនាការផ្តល់នូវរង្វាន់ផ្តាច់មុខជាច្រើននៅក្នុងកំឡុងពេលនៃការ live-stream នៅលើ YouTube នេះ។ នៅក្នុងផ្នែកនៃគំនិតផ្តួចផ្តើមដ៏អស្ចារ្យនេះ ក្រុមហ៊ុន ROG ក៏នឹងផ្តល់នូវរង្វាន់ ROG Allyជាច្រើនផងដែរ។ 

ជាមួយគ្នានេះ ក្រុមហ៊ុន ROG ក៏បានអញ្ចើញនូវអ្នកដែលចូលចិត្តលេងហ្គេម និងអ្នកដែលចូលចិត្តបច្ចេកវិទ្យាទាំងអស់នៅជុំវិញពិភពលោកក្នុងការតាមដាននូវព្រឹត្តិការណ៍ដ៏អស្ចារ្យនេះ និងការចូលរួមនៅលើអនឡាញតាមរយៈគេហទំព័រ https://rog.asus.com/event/ces ដើម្បីទស្សនានូវការដាក់តាំងបង្ហាញនេះដែលក្រុមហ៊ុន ROG នឹងបង្ហាញនូវផលិតផលលេងហ្គេមចុងក្រោយបំផុតជាច្រើន។ បន្ថែមពីនេះ ក្រុមហ៊ុន ROG ក៏បានអញ្ចើញពួកគេអោយចូលរួមជាមួយនឹងក្រុមហ៊ុនទៅកាន់ទីក្រុង Las Vegas ដើម្បីមើលឃើញកាន់តែច្បាស់ជាមួយនឹងបច្ចេកវិទ្យាច្នៃប្រឌិតខ្ពស់បំផុតរបស់ ROG ថែមទៀតផង៕