MSI Prestige 16 AI Series នឹងក្លាយជាឡែបថប់ដ៏ខ្លាំងក្លាបំផុតនៅក្នុងសករាជនៃកុំព្យូទ័រ AI

ជាមួយនឹងភាពខ្លាំងក្លានៃបច្ចេកវិទ្យា AI ដែលកំពុងតែវាយលុកខ្លាំងនៅពាសពេញពិភពលោកនោះ ក្រុមហ៊ុនបច្ចេកវិទ្យាMSI ដែលជាម៉ាកយីហោកុំព្យូទ័រប្រណិតនាំមុខគេរបស់ពិភពលោកបានបោះជំហានបន្តទៅមុខទៀតតាមរយៈនូវភាពជំនាញរបស់ខ្លួនទៅលើការឌីស្សាញរូបរាងកាន់តែប្រណិត សមត្ថភាពខ្លាំងក្លា និងបច្ចេកវិទ្យាជាច្រើនដែលមានភាពច្នៃប្រឌិតខ្ពស់បំផុត។

ជាមួយនឹងការបំពាក់នូវបន្ទះឈីប Intel® Core™ Ultra 9 processor នេះ កុំព្យូទ័រស៊េរីថ្មី Prestige 16 AI series នេះមានទម្ងន់ត្រឹមតែ 1.5Kg ជាមួយនឹងការប្រើប្រាស់នូវម៉ាញ៉េស្យូម-អាលុយមីញ៉ូម និងថាមពលថ្មទំហំ 99.9WHr ជាមួយនឹងបច្ចេកវិទ្យាសាកថ្មលឿន PD 3.1 140W Charging ដែលអាចប្រើប្រាស់បានយូរថែមទៀត។

តាមរយៈការប្រើប្រាស់នូវបន្ទះឈីប Intel® Core™ Ultra 9 processor ចុងក្រោយបំផុតនេះ កុំព្យូទ័រ Prestige 16 AI series ថ្មីនេះប្រើប្រាស់នូវបច្ចេកវិទ្យា NPU (Neural Processing Unit) technology ចុងក្រោយបំផុតរបស់ក្រុមហ៊ុន Intel រួំជាមួយនឹង AI acceleration core ដែលផ្តល់នូវប្រសិទ្ធិភាពកាន់តែប្រសើរជាងមុនទៅលើ CPU/GPU និងការបង្កើនទៅលើប្រសិទ្ធិភាពនៃថាមពលកុំព្យូទ័រថែមទៀត។ តាមរយៈរលកថ្មីនៃការពង្រឹងទៅលើសមត្ថភាពនៃការងារជាច្រើនដែលមានមុខងារ AI នោះ ក្រុមហ៊ុន intel ក៏បានសហការជាមួយនឹងកម្មវិធី AI-ready applications ច្រើនជាង 100 ដើម្បីបង្កើនទៅលើប្រសិទ្ធិភាពក្នុងការប្រើប្រាស់បានយ៉ាងល្អបំផុតថែមទៀត។

ម្យ៉ាងវិញទៀត ក្រុមហ៊ុនMSI ក៏បាននាំយកនូវបច្ចេកវិទ្យា MSI AI Engine ដែលអាចប្រើប្រាស់នូវសេណារីយ៉ូរបស់អ្នកប្រើប្រាស់ដោយស្វ័យប្រវត្តិបានក្នុងការកែប្រែទៅលើ hardware settings ដោយមិនចាំបាច់ចូលទៅកែដោយអ្នកផ្ទាល់នោះទេ ហើយវាក៏មានមុខងារពិសេសៗជាច្រើនទៀតដូចជា “Intelligent Gaming”, “Intelligent Work”, “Intelligent Meeting” និង “Intelligent Entertainment” ។ 

ជាមួយនឹងវិញ្ញាបនបត្រ Intel® Evo™ platform ដែលមានសមត្ថភាពខ្លាំងក្លានៅក្នុងការធ្វើការងារធំៗ និងស្រាលក្នុងការប្រើប្រាស់នោះ វិញ្ញាបនបត្រ NVIDIA Studio certification នេះក៏មានប្រយោជន៍ច្រើនក្នុងការប្រើប្រាស់ទៅលើកម្មវិធី Apps ជាច្រើនជាមួយនឹងការបង្កើនូវសមត្ថភាពនៃក្រាហ្វិកកាត NVIDIA® GeForce RTX™ 4070 Laptop GPU ។ ដើម្បីទទួលបាននូវភាពអស្ចារ្យតាមរយៈអ្វីដែល GPU បានផ្តល់អោយនេះ អេក្រង់ OLED ថ្មីនេះក៏ផ្តល់នូវបទពិសោធន៍នៃការទស្សនាយ៉ាងអស្ចារ្យបំផុតជាមួយនឹងកម្រិត 16:10 aspect ratio ។ បន្ថែមពីនេះ កុំព្យូទ័រនេះក៏មានរន្ធផត I/O portជាច្រើន និងបច្ចេកវិទ្យា Wi-Fi 7 ចុងក្រោយបំផុតដែលអាចបង្កើននូវសមត្ថភាពបានយ៉ាងប្រសើរ។ 

ក្រៅពីប្រភេទកុំព្យូទ័រ 16-inch version នេះ កុំព្យូទ័រ Prestige 13 AI Evo ស៊េរីថ្មីមួយទៀតគឺមានបន្ទះឈីប Intel® Core™ Ultra processor, ទម្ងន់ 990g ជាមួយនឹងថាមពលថ្មទំហំ 75WHrs ដែលនេះមានទំហំថាមពលថ្មធំជាងមុន 50% បើធៀបជាមួយនឹងកុំព្យូទ័រជាច្រើនម៉ូឌែលទៀតដែលមានកម្រិតដូចគ្នានៅលើទីផ្សារ។ 

*MSI AI Engine នឹងមានការអាប់ដេតបន្ថែមទៀតនៅក្នុងខែមករាខាងមុខនេះ៕