នៅក្នុងនាមជាម៉ាកយីហោដែលឈានមុខគេទៅលើផ្នែក True Gaming hardware នោះ ក្រុមហ៊ុន MSI មានមោទកភាពក្នុងការបង្ហាញនូវក្រាហ្វិកកាតថ្មីរបស់ខ្លួនដែលដំណើរការដោយ NVIDIA® GeForce RTX™ 4080 SUPER, RTX 4070 Ti SUPER និង RTX 4070 SUPER series GPUs ។ សម្រាប់ក្រាហ្វិកកាតទាំងនេះ គឺមានការបញ្ចូលគ្នានូវបច្ចេកវិទ្យាក្រាហ្វិកកាតចុងក្រោយបំផុត ប្រព័ន្ធត្រជាក់កម្រិតខ្ពស់ និងការឌីស្សាញទៅលើបន្ទះ circuit board ដែលមានកម្លាំងខ្លាំងក្លានៅក្នុងការផ្តល់នូវមុខងារកាន់តែអស្ចារ្យសម្រាប់អ្នកដែលចូលចិត្តលេងហ្គេម និងតម្រូវការសម្រាប់អ្នកបង្កើតនូវគំនិតថ្មីៗបន្ថែមទៀត។
ក្រាហ្វិកកាត GeForce RTX SUPER GPUs ថ្មីនេះ គឹផ្តល់នូវបច្ចេកវិទ្យា AI កាន់តែខ្លាំងក្លាទៅលើកុំព្យូទ័រ PCs ។ នៅក្នុងការបំពាក់នូវអង្គគណនា AI Tensor Cores ផ្តល់នូវ 836 AI TOPS ដើម្បីផ្តល់នូវសមត្ថភាព AI កម្រិតខ្ពស់នៅក្នុងការលេងហ្គេម ការបង្កើតនូវភាពច្នៃប្រឌិតថ្មី និងផលិតភាពការងារប្រចាំថ្ងៃ។ អ្នកលេងហ្គេមនៅលើកុំព្យូទ័រត្រូវការគុណភាពនៃការទស្សនាច្បាស់ NVIDIA Deep Learning Super Sampling (DLSS) Super Resolution បំពាក់នូវ AI, Frame Generation និង Ray Reconstruction ដែលមានការបញ្ចូលគ្នានៃ ray tracing ដែលធ្វើអោយការលេងហ្គេមកាន់តែមានភាពអស្ចារ្យជាទីបំផុត។ ជាមួយនឹង DLSS នេះ ក្រាហ្វិកកាតនេះ អាចបង្កើនទៅលើបច្ចេកវិទ្យា Ray Tracing នេះ បានដល់ទៅ 4X នៅក្នុងការពង្រឹងទៅលើគុណភាពកាន់តែរលូនមួយកម្រិតថែមទៀត។
ទិដ្ឋភាពនៃក្រាហ្វិកកាតMSI GeForce RTX™ 40 SUPER series:
ក្រាហ្វិកកាត SUPRIM
សម្រាប់ក្រាហ្វិកកាត SUPRIM card នេះ ត្រូវបានឌីស្សាញយ៉ាងពិសេសដោយផ្តោតទៅលើសមត្ថភាព ប្រសិទ្ធិភាព និងកិត្យានុភាព។ ជាមួយនឹងការបំពាក់នូវប្រព័ន្ធត្រជាក់ TRI FROZR 3S ដែលជាប្រព័ន្ធ air cooling system កម្រិតខ្ពស់របស់ក្រុមហ៊ុន MSI នោះ ការបំភាយកំដៅបានយ៉ាងល្អចេញពី board ជាមួយនឹង TORX FAN 5.0, 10 Core Pipes, Airflow Control fins ដែលមាន Wave-curved 3.0 edges និងair antegrade fins ថែមទៀត។ ក្រាហ្វិកកាត RTX 4080 SUPER នេះ ក៏មាន vapor chamber រួមជាមួយនឹងភ្លើង RGB Mystic Light ដែលផ្តល់នូវពណ៌រាប់លាន និងជម្រើសនៃការកំណត់ទៅលើ dynamic lighting ថែមទៀត។ ជាមួយនឹងប្រព័ន្ធ Dual BIOS អ្នកប្រើប្រាស់អាចនឹងទទួលបាននូវសំលេងស្ងាត់ក្នុងការប្រើប្រាស់ថែមទៀត។
ក្រាហ្វិកកាត EXPERT
ក្រាហ្វិកកាត EXPERT វិញគឺមានការឌីស្សាញជាមួយនឹង push-pull airflow ដែលអាចបង្កើនទៅលើប្រព័ន្ធត្រជាក់បានយ៉ាងមានប្រសិទ្ធិភាពខ្ពស់់។ បន្ថែមពីនេះ ក្រាហ្វិកកាតនេះ ក៏មានការប្រើប្រាស់នូវ Aluminum Die-Casting ដែលមានភាពរឹងមាំ ហើយវាក៏មាន Core Pipe និង Vapor Chamber ដែលដំណើរការយ៉ាងមានប្រសិទ្ធិភាពខ្ពស់ក្នុងការបំភាយកំដៅថែមទៀតផង។ សម្រាប់កង្ហារ fan របស់វា ក៏មានការឌីស្សាញយ៉ាងល្អឥតខ្ចោះទៅលើលំហូរខ្យល់ផងដែរ។
ក្រាហ្វិកកាត GAMING TRIO
ក្រាហ្វិកកាត GAMING TRIO នេះ គឺមានពណ៌ខ្មៅ និងពណ៌ស ហើយវាក៏អាចរក្សានូវតុល្យភាពបានយ៉ាងល្អឥតខ្ចោះ រវាងកម្លាំងម៉ាស៊ីន ប្រព័ន្ធត្រជាក់ និងសំឡេងស្ងាត់ដែលអ្នកលេងហ្គេមគ្រប់រូបអាចជឿជាក់បាន។ នៅក្នុងការឌីស្សាញជាមួយនឹង TORX Fan 5.0 ពិសេស TRI FROZR 3 cooling system អាចបំភាយកំដៅបានយ៉ាងល្អ។ នៅលើម៉ូឌែល GeForce RTX 4080 SUPER និង RTX 4070 Ti SUPER នេះ វាក៏មានការប្រើប្រាស់នូវ nickel-plated copper baseplate ដែលអាចបំភាយកំដៅបានលឿនផងដែរ។ ក្រាហ្វិកកាត GAMING TRIO series នេះមាន Dual BIOS ដែលងាយស្រួលក្នុងការផ្លាស់ប្តូរពី Silent mode ឬ Gaming mode ដើម្បីបង្កើននូវសមត្ថភាពកាន់តែខ្លាំងក្លា។ វាក៏មានការប្រើប្រាស់នូវ Mystic Light ដែលផ្តល់នូវពណ៌កាន់តែសម្បូរបែបថែមទៀត។
ក្រាហ្វិកកាត GAMING SLIM
GAMING SLIM គឺជាក្រាហ្វិកកាតពណ៌ខ្មៅ និងពណ៌ស ហើយវាក៏មានប្រើប្រាស់នូវ RGB hues យ៉ាងស្រស់ស្អាតថែមទៀតដែលផ្តល់អោយក្រាហ្វិកកាតនេះមានរូបរាងស្លីមក្នុងការប្រើប្រាស់។ ទោះបីជាវាមានរូបរាងស្លីមក៏ដោយ ក្រាហ្វិកកាត GAMING SLIM នេះក៏មានប្រព័ន្ធ TRI FROZR 3 cooling system ដូចទៅនឹងក្រាហ្វិកកាត GAMING TRIO ដែលមានដូចជា TORX FAN 5.0, nickel-plated copper baseplate និង metal backplate ដែលអាចលំហូរខ្យល់បានយ៉ាងល្អ។
ក្រាហ្វិកកាត VENTUS
ក្រាហ្វិកកាត VENTUS series នេះផ្តល់នូវភាពជឿជាក់ និងតម្លៃសមរម្យសម្រាប់អ្នកលេងហ្គេមគ្រប់រូបជាមួយនឹងការផ្តោតទៅលើសមត្ថភាពខ្លាំងក្លាក្នុងការប្រើប្រាស់។ វាក៏មានការឌីស្សាញជាមួយនឹង no-frills Spartan នោះ ក្រាហ្វិកកាតVENTUS 3X និង VENTUS 2X នេះក៏អាចប្រើប្រាស់បានគ្រប់កាលៈទេសៈផងដែរ។ ក្រាហ្វិកកាតនេះក៏មានបំពាក់នូវ TORX Fan 4.0, reinforcing backplate ថែមទៀត។ ក្រាហ្វិកកាត VENTUS 2X WHITE cards នេះពិតជាសមត្ថភាពខ្ពស់ក្នុងការប្រើប្រាស់ និងរឹងមាំបំផុត។
