ថ្មីៗនេះ ក្រុមហ៊ុន MSI ទើបតែនាំយកនូវកុំព្យូទ័រម៉ូដែលស៊េរីថ្មី Raider 18 HX AI A2XW ដែលជាកុំព្យូទ័រលេងហ្គេមដ៏មានសមត្ថភាពខ្លាំងក្លា មានបំពាក់នូវបន្ទះឈីប Intel® Core™ Ultra 9 Processor 285HX ហើយនិងមានការគាំទ្រដោយក្រាហ្វិកកាតជំនាន់ចុងក្រោយបំផុត NVIDIA® GeForce RTX™ 5080 Laptop GPU ថែមទៀតផង។
យោងតាមការបញ្ជាក់ពីក្រុមហ៊ុន MSI នៅកម្ពុជា បានអោយដឹងថា កុំព្យូទ័រ MSI Raider 18 HX AI RTX 5080 នេះ គឺបានមកដល់ទីផ្សារប្រទេសកម្ពុជាយើងហើយ។ សូមជំរាបថាជាមួយនឹងការប្រើប្រាស់នូវក្រាហ្វិកកាតថ្មីនេះ បានធ្វើអោយកុំព្យូទ័រស៊េរីថ្មីនេះ មានសមត្ថភាពខ្ពស់អាចបង្កើននូវកម្លាំងដល់ទៅ 260W ដែលផ្តល់នូវល្បឿនលឿន និងមានប្រសិទ្ធិភាពខ្ពស់បំផុតក្នុងការប្រើប្រាស់។ អ្វីដែលកាន់តែអស្ចារ្យជាងនេះទៀតនោះ កុំព្យូទ័រនេះ គឺមានអេក្រង់ទំហំធំដល់ 18 អ៊ីង ដែលងាយស្រួលក្នុងការទស្សនា និងការកម្សាន្តកាន់តែសម្បូរបែបផងដែរ។ ខាងក្រោមនេះ គឺជាលក្ខណៈពិសេសរបស់ MSI Raider 18 HX AI RTX 5080
កម្លាំងម៉ាស៊ីនដ៏ខ្លាំងក្លាបំផុត
ជាមួយនឹងការបំពាក់នូវបន្ទះឈីប Intel® Core™ Ultra 9 Processor 285HX បានធ្វើអោយកុំព្យូទ័រនេះ អាចធ្វើការនាំយកនូវភាពលឿនអស្ចារ្យមួយកម្រិតទៀតតាមរយៈស្ថាបត្យកម្មនៃ P-core & E-core ថ្មី ដែលបង្កើនល្បឿនកាន់តែលឿនក្នុងការប្រើប្រាស់ ហើយវាធ្វើអោយការលេងហ្គេមរបស់អ្នកកាន់តែរលូន និងសំឡេងស្ងាត់ផងដែរក្នុងការប្រើប្រាស់។ តាមរយៈ NVIDIA Blackwell នោះ ក្រាហ្វិកកាត GeForce RTX™ 50 Series Laptop GPUs នេះបាននាំយកនូវភាពអស្ចារ្យមួយកម្រិតទៀតទៅកាន់អ្នកបង្កើតមាតិកា និងអ្នកលេងហ្គេមផងដែរ។
ជាមួយនឹងការបំពាក់នូវបច្ចេកវិទ្យា AI ថ្មី ក្រាហ្វិកកាត RTX 50 Series នេះផ្តល់នូវបទពិសោធន៍ថ្មីកាន់តែអស្ចារ្យតាមរយៈការប្រើប្រាស់នូវ NVIDIA DLSS 4 ក្នុងការបង្កើតរូបភាពបានលឿន និងភាពច្នៃប្រឌិតថ្មីតាមរយៈការប្រើប្រាស់ NVIDIA Studio ថែមទៀត។ ការប្រើប្រាស់នូវ DLSS 4 អាចបង្កើនទៅលើកម្លាំងម៉ាស៊ីន និងគុណភាពរូបភាពនៅក្នុងហ្គេមតាមរយៈការប្រើប្រាស់ AI។ បន្ថែមពីនេះ ការប្រើប្រាស់នូវ NVIDIA Reflex 2 ជាមួយនឹង Frame Warp ក៏បង្កើននូវល្បឿន responsive បានយ៉ាងល្អថែមទៀត។ ការបង្ហាញរូបភាពនៅលើអេក្រង់ពិតជារស់រវើក និងស្រស់ស្អាតមែនទែន។
អ្វីដែលកាន់តែអស្ចារ្យទៀតនោះ វាក៏មានការប្រើប្រាស់នូវបច្ចេកវិទ្យា MSI Overboost Ultra Technology ដែលពង្រឹងនូវល្បឿនលឿនបំផុតទៅលើ CPU និង GPU ផងដែរ។ កុំព្យូទ័រ Raider 18 HX AI នេះ បំពាក់នូវកង្ហារចំនួន 2 និងបំពង់បំភាយកំដៅចំនួន7 ដែលអាចផ្តល់នូវភាពត្រជាក់ដល់ម៉ាស៊ីនបានល្អបំផុត។ ប្រព័ន្ធត្រជាក់ 3D Cooling នេះអាចធានាបាននូវការប្រើប្រាស់ប្រកបដោយប្រសិទ្ធិភាព និងមិនឡើងកំដៅនោះទេទៅលើម៉ាស៊ីនរបស់អ្នក។
កុំព្យូទ័រ Raider 18 HX AI ក៏ប្រើប្រាស់នូវនូវ Mystic Light ដែលឌីស្សាញជាទម្រង់ Matrix Lightbar ដែលផ្តល់ភាពងាយស្រួលក្នុងការផ្លាស់ប្តូរទៅលើពណ៌ RGB lighting ទៅតាមតម្រូវការរបស់អ្នកប្រើប្រាស់។ វាអាចធ្វើការកែប្រែទៅលើពណ៌បានដល់ទៅ 16.8 លានពណ៌ ដែលបង្កើតនូវបរិយាកាសនៃការលេងហ្គេមកាន់តែអស្ចារ្យមួយកម្រិតថែមទៀត។
អេក្រង់ច្បាស់រស់រវើក 18-អ៊ីង 4K Mini LED 120Hz Display
អ្នកប្រើប្រាស់នឹងរីករាយជាមួយនឹងភាពរស់រវើកនៃអេក្រង់ទំហំ 18-អ៊ីង ជាប្រភេទ Mini LED 4K ដែលផ្តល់នូវកម្រិតភាពច្បាស់ខ្ពស់មិនថាអ្នកប្រើប្រាស់នៅខាងក្នុង ខាងក្រៅ ឬក្រោមពន្លឺព្រះអាទិត្យនោះទេ។ កម្រិតពន្លឺរបស់អេក្រង់នេះគឺមានដល់ទៅ DisplayHDR 1000 និងពណ៌កូល័រច្បាស់បំផុត។ ការលេងហ្គេមគឺកាន់តែអស្ចារ្យជាមួយនឹងកម្រិត 120Hz refresh rate ដែលគ្មានអ្វីប្រៀបបាននោះទេ។
កុំព្យូទ័រ Raider 18 HX AI នេះក៏បង្កើននូវផលិតភាពការងារកាន់តែឆ្លាតវៃជាងមុនតាមរយៈការប្រើប្រាស់នូវ Copilot និង MSI AI Engine សម្រាប់ការងារ multitasking ផងដែរ។ បច្ចេកវិទ្យា AI Tools កម្រិតខ្ពស់ទាំងអស់នេះនឹងជួយបង្កើនទៅលើល្បឿនក្នុងការប្រើប្រាស់ និងប្រសិទ្ធិភាពការងារកាន់តែរលូនជាងមុន។ មួយវិញទៀត កុំព្យូទ័រនេះបំពាក់នូវ 2 SSDs និងម៉េមូរីប្រភេទ DDR5-6400MHz ដែលពិតជាផ្តល់នូវល្បឿនលឿនអស្ចារ្យមែនទែនសម្រាប់អ្នកប្រើប្រាស់។ កុំព្យូទ័រស៊េរីថ្មីនេះក៏ប្រើប្រាស់នូវ Thunderbolt™ 5 Technology ដែលមានល្បឿន 120 Gbps តាមរយៈបច្ចេកវិទ្យា Thunderbolt™ Bandwidth Boost ដែលធ្វើអោយការតភ្ជាប់កុំព្យូទ័រនេះទៅកាន់ម៉ូនីទ័របានកម្រិតភាពច្បាស់ខ្ពស់ទាំង resolutions និង refresh rate ថែមទៀត។
ប្រព័ន្ធសំឡេង 6X Speakers Sound System ដ៏ពិរោះ និងរន្ធផតច្រើនក្នុងការប្រើប្រាស់
កុំព្យូទ័រស៊េរីថ្មី Raider 18 HX AI នេះបំពាក់នូវប្រព័ន្ធសំឡេង 6-speaker surround sound system លំដាប់ពិភពលោករបស់ក្រុមហ៊ុន Dynaudio ។ វាផ្តល់នូវសំឡែងពិរោះរណ្តំចិត្តជាការបញ្ចូលគ្នានៃបច្ចេកវិទ្យា Nahimic និង Hi-Res Audio។ បន្ថែមពីនេះ Raider 18 HX AI ក៏បំពាក់នូវរន្ធ I/O ports ជាច្រើនក្នុងការភ្ជាប់ទៅកាន់ឧបករណ៍ផ្សេងៗ ឬម៉ូនីទ័រថែមទៀតផង។ សម្រាប់ផតនៅលើកុំព្យូទ័រនេះមានដូចជា Thunderbolt™ 5, Audio Combo Jack, RJ45, HDMI™ 2.1 (8K@60Hz / 4k@120Hz), SD Card Reader និង USB 3.2 Gen2 Type-A ជាដើម។
លក្ខណៈសម្បត្តិរបស់កុំព្យូទ័រ Raider 18 HX AI A2XW
•បន្ទះឈីបចុងក្រោយបំផុត Intel® Core™ Ultra 9 processor 285HX
•ប្រព័ន្ធប្រតិបត្តិការ Windows 11 Home / Windows 11 Pro
•ក្រាហ្វិកកាត NVIDIA® GeForce RTX™ 5090 Laptop GPU 24GB GDDR7
•ការប្រើប្រាស់ស្ថាបត្យកម្ម NVIDIA Blackwell architecture, DLSS 4 និងបច្ចេកវិទ្យា Max-Q
•OverBoost Ultra Technology បង្កើនល្បឿនកាន់តែខ្លាំងក្លាដល់ទៅ 260W
•អេក្រង់ 18" UHD+ (3840x2400), 16:10, MiniLED, 120Hz Refresh Rate, 100% DCI-P3 (Typ.), VESA DisplayHDR™ 1000 Certified, IPS-Level panel
•Mystic Light ជាមួយនឹងការឌីស្សាញ matrix lightbar
•ប្រព័ន្ធ Cooler Boost 5 ជាមួយនឹងកង្ហារ 2 និងបំពង់បំភាយកំដៅចំនួន 7 និងប្រ័ព័ន្ធ PCIe Gen5 SSD cooling
•ថាមពលថ្ម 99.9Whr
•ប្រព័ន្ធសំឡេង 6 Speakers sound system ឌីស្សាញដោយ Dynaudio
•រន្ធផត Dual Thunderbolt™ 5 ដែលមានកម្រិតដល់ទៅ 120Gbps transmit bandwidth ជាមួយឹនងបច្ចេកវិទ្យា bandwidth boost
