Blackmagic PYXIS 12K ដែលជាប្រភេទ Full-Frame 12K Cinema Camera នឹងដាក់លក់នៅខែកក្កដា

នៅក្នុងព្រឹត្តិការណ៍ NAB 2025 ដែលប្រារព្ធធ្វើឡើងនៅទីក្រុង Las Vegas ក្នុងពេលថ្មីៗនេះ ក្រុមហ៊ុន Blackmagic Design បានធ្វើការប្រកាសចេញកាមេរ៉ាថតខ្សែភាពយន្តស៊េរីថ្មីម៉ូដែល PYXIS 12K ជាប្រភេទ Full-Frame Digital Cinema Camera ដែលបំពាក់នៅសែនស័រប្រភេទ 12K RGBW sensor, ភ្ជាប់ជាមួយមុខងារ modular build, និង cloud-based workflow tools។ ម៉ាស៊ីនកាមេរ៉ាស៊េរីថ្មីនេះ ត្រូវបានក្រុមហ៊ុនប្រកាសដាក់លក់ក្នុងតម្លៃខ្ទង់ $4,995 ហើយនិងមានវត្តមានលក់នៅលើទីផ្សារក្នុងខែកក្តដា ឆ្នាំ 2025។

Blackmagic PYXIS 12K មានភ្ជាប់មកជាមួយសែនស័រខ្នាត 36 x 24mm full-frame RGBW sensor ដែលជាសែនស័រប្រើនៅលើម៉ូដែល URSA Cine 12K LF។ កាមេរ៉ាស៊ែរីថ្មីនេះ មានសមត្ថភាពអាចចាប់យករូបភាពបានក្នុងកម្រិត 16 stops of dynamic range ជាមួយមុខងារ low noise និងអាចថតវីដេអូបានក្នុងកម្រិត resolution 12,288 x 8,040px។ ចំពោះកម្រិត Frame rate នៃវីដេអូវិញ គឺអាចធ្វើបានដល់ 12K ល្បឿន 40fps, 8K ល្បឿន 60fps និង 4K ល្បឿន 112fps។

ជាមួយគ្នានេះ PYXIS 12K ក៏មានសមត្ថភាពផលិតវីដេអូបានក្នុងនៅខ្នាត full-frame 3:2 open-gate recording រួមជាមួយនឹងមុខងារ uncropped 6:5 anamorphic ហើយនិង Super 35mm modes។ ជាមួយប្រព័ន្ធសែនស័រ RGBW មានសមត្ថភាពខ្ពស់ក្នុងការជួយសម្រួលដល់កម្រិតទឹកពណ៌បានកាន់តែច្បាស់ដិតត្រឹមត្រូវ និងដំណើរការបានកាន់តែប្រសើរនៅក្នុងស្ថានភាពពន្លឺទាប low-light performance។

តួរខ្លួនរបស់ Blackmagic PYXIS 12K ត្រូវបានស្រោបឡើងពីលោហៈធាតុប្រភេទ aerospace aluminum ដែលធ្វើឲ្យកាមេរ៉ាមួយនេះមានទំងន់ស្រាលប្រមាណជា 1.36kg។ បន្ថែមពីនេះ PYXIS 12K ក៏មានភ្ជាប់មកជាមួយ mounting point ខ្នាត 1/4-inch និង 3/8-inch ដែលភ្ជាប់ធ្វើការជាមួយនឹងឧបករណ៍ដូចជា Dron, gimbal និង handheld rig ថែមទៀតផង។

ហើយសម្រាប់ការភ្ជាប់តាមរយះ Lens mount វិញអាចភ្ជាប់ជាមួយនឹងប្រភេទ  L-Mount, PL, និង locking EF ដែលផ្តល់ឲ្យការគាំទ្រជាមួយនូវមុខងារ wide range សម្រាប់ប្រភេទ lenses របស់ Leica L-glass ទៅ ARRI primes។ Blackmagic PYXIS 12K មានភ្ជាប់មកជាមួយអេក្រង់ទំហំ  5” HDR touchscreen monitor ដែលមានតម្លៃខ្ទង់ $995 និងអេក្រង់ URSA Cine EVF រួមនឹងអេក្រង់ទំហំ 4” HDR LCD មានកម្រិតពន្លឺ 1500-nit ក៏មានមកជាមួយផងដែរ។

Blackmagic PYXIS 12K មានភ្ជាប់មកជាមួយរន្ធដាក់ម៉េមូរីប្រភេទ CFexpress ចំនួនពីរសម្រាប់ការថតវីដេអូកម្រិត 12-bit Blackmagic RAW recording, រន្ធ USB សម្រាប់ភ្ជាប់ជាមួយថាសរឹងផ្ទុកទិន្នន័យពីក្រៅប្រភេទ SSD។ ជាពិសេស PYXIS 12K មានភ្ជាប់មកជាមួយមុខងារ generate real-time H.264 proxies សម្រាប់បញ្ចូនទិន្នន័យទៅផ្ទុកនៅលើ Blackmagic Clous តាមរយះការរន្ធ Ethernet ទំហំ  10GB ឬតាមរយះទូរស័ព្ទដែលគាំទ្រសេវា 5G។ ជាមួយគ្នានេះ PYXIS 12K មានភ្ជាប់មកជាមួយប្រព័ន្ធ streaming engine ដែលគាំទ្រនូវ RTMP និង SRT សម្រាប់មុខងារ lives Streaming។

កាមេរ៉ា Full-Frame digital cinema camera ស៊េរីថ្មីនេះ មានភ្ជាប់មកប្រព័ន្ធ  12G-SDI (HDR) និង mini XLR ដែលគាំទ្រនូវថាមពលភ្លើងកម្រិត 48V phantom power, រន្ធ 10G Ethernet និងគាំទ្រការប្រើប្រាស់ជាមួយថ្មស៊េរី Sony BP-U batteries ផងដែរ។ Blackmagic PYXIS 12K នឹងមានការនាំចេញទៅកាន់ទីផ្សារជាផ្លូវការណ៍នៅក្នុងខែកក្តដា ឆ្នាំ 2025 ខាងមុខនេះជាមួយលែនតប្រភេទ  L-Mount, PL, និង EF options។ ចំនែកគ្រឿងបរិក្ខាបំពាក់បន្ថែមខាងក្រៅផ្សេងទៀតដូចជា HDR monitor និង EVF នឹងមានលក់ដាច់ដោយឡែក៕