និយាយពីការប្រើប្រាស់កាមេរ៉ាវីដេអូខ្នាតតូច គិតមកដល់នេះ មានតែ DJI Osmo Pocket 3 ប៉ុណ្ណោះ ដែលអាចធ្វើអោយមនុស្សគ្រប់គ្នាមានការពេញចិត្តជាងជាងគេ។ សម្រាប់ម៉ូដែល Osmo Pocket 3 គឺបានបង្ហាញវត្តមាននៅលើទីផ្សារកាលពីឆ្នាំ 2023 មកម្លេះ ហើយវាបានក្លាយជាជម្រើសមួយដ៏មានប្រជាប្រិយភាពបំផុតសម្រាប់អ្នកផលិតមាតិកា vloggers ឬ YouTubers ដោយសារតែនៅកាមេរ៉ានេះ គឺមានមុខងារពិសេសដែលជួយអោយការថតវីដេអូមានគុណភាពខ្ពស់ ហើយនិងមាន gimbal stabilization ជួយទប់លំនឹងបានយ៉ាងល្អ ជាពិសេស គឺមានទំហំតូចងាយស្រួលយកតាមខ្លួន។
ផ្អែកតាមព័ត៌មានថ្មីៗនៅមុនេះ មានការបង្ហើបថា ក្រុមហ៊ុនផលិតកាមេរ៉ា DJI គឺគ្រោងនឹងធ្វើការបញ្ចេញនូវជំនាន់ថ្មីរបស់ Osmo Pocket 3 នេះឆាប់ៗនេះហើយ ដោយម៉ូដែលថ្មីនេះ គឺនឹងមានការអាប់ដែតសមត្ថភាពខ្លាំងជាងមជំនាន់មុនថែមទៀតផង។ តាមរយៈនៃព័ត៌មានខាងលើនេះ នៅពេលនេះ មានការទម្លាយថា DJI នឹងមានគូរប្រជែងឆាប់ៗនេះហើយ។
យោងតាមការចែកចាយព័ត៌មាននៅប្រទេសចិននាពេលថ្មីនេះ បាននិយាយថា vivo បាននឹងកំពុងធ្វើការនៅលើកាមេរ៉ាប្រភេទថ្មីនេះ សម្រាប់បំពេញតម្រូវការអ្នកផលិតមាតិកានេះដែរហើយ។ សម្រាប់ម៉ូដែលដំបូងរបស់ក្រុមហ៊ុននេះ ត្រូវបានគេរំពឹងថា នឹងមានសមត្ថភាពខ្ពស់ ដែលអាចនឹងប្រជែងជាសមួយនិង DJI Osmo Pocket 4 ដែលត្រៀមនឹងប្រកាសចេញនាពេលខាងមុខនេះទៀតផង។
ប្រភពព័ត៌មានខាងលើនេះបន្តថា ក្រុមហ៊ុន vivo នឹងប្រើប្រាស់នូវបទពិសោធន៌ដ៏ជោគជាំរបស់ខ្លួនជាមួយនិងកាមេរ៉ាស្មាតហ្វូនមកបំពាក់នៅលើកាមេរ៉ាដ៏តូចនេះផងដែរ។ vivo ត្រូវបានគេរាយការណ៌ថា បានចាប់ផ្តើមធ្វើការលើគម្រោងនេះ តាំងពីឆ្នាំមុនមកម្លេះ ដូច្នេះមានការព្យាករណ៍ថា ការប្រកាសចេញកាមេរ៉ាថ្មីនេះ អាចនឹងមកដល់ចុងឆ្នាំនេះហើយ។
