នៅក្នុងព្រឹត្តិការណ៍ពិពរណ៍ CES Asia ដែលបានធ្វើឡើងកាលពីម្សិលមិញនេះ ក្រុមហ៊ុន Huawei បានរៀបចំនូវ សន្និសីទមួយ ដោយបានបង្ហាញនូវមុខងារថ្មីៗ ជាច្រើនសម្រាប់ឧបករណ៍ជាច្រើនរបស់ខ្លួន រួមមានការប្រើប្រាស់ក្រាហ្វិកកាតប្រភេទ GPU Turbo ផងដែរ។ Huawei Mate 10 series នឹងក្លាយជាស្មាតហ្វូនដំបូងបំផុត ដែលនឹងប្រើប្រាស់នូវក្រាហ្វិកកាតប្រភេទ GPU Turbo នោះ។
សម្រាប់ក្រាហ្វិកកាត Huawei’s GPU Turbo នឹងបង្កើនកម្លាំងថាមពលទៅលើបន្ទះក្រាហ្វិកកាតដល់ទៅ 60% និងការកាត់បន្ថយការប្រើប្រាស់ថាមពល 30% ផងដែរ។ សម្រាប់មុខងារថ្មីនេះ បានប្រកាសបង្ហាញកាលពីសប្តាហ៍មុននេះ ហើយក៏បានប្រើប្រាស់នៅលើស្មាតហ្វូន Honor Play ផងដែរ។ស្របពេល ដែលស្មាតហ្វូនជាច្រើនរបស់ក្រុមហ៊ុន Huawei នឹងប្រើប្រាស់នូវបន្ទះឈីបដែលផលិតឡើងដោយខ្លួនឯងនោះដែរ។
បច្ចេកវិទ្យានេះ ក៏មានការពង្រឹងសមត្ថភាពតាមរយៈការ Update ទៅលើកម្មវិធី Software ផងដែរ។ ការអាប់ឌែតនេះ ធ្វើឡើងនៅលើស្មាតហ្វូន Mate 10 នៅចុងខែនេះ។ ក្រុមហ៊ុន Huawei បានប្រកាសថា ឧបករណ៍ជាច្រើននឹងទទួលនូវមុខងារថ្មីៗ និង Time Frame ។
នៅខាងក្រោមនេះ គឺជាឧបករណ៍ដែលទ្រទ្រង់នូវការ Update នេះ៖
-មិថុនា – Mate 10, Honor V10
-កក្កដា – P20 Series, Mate RS Porsche Design, Nova 2s, Honor 10, MediaPad M5
-សីហា – Nova 3e, Enjoy 8 Plus, Enjoy 7S, Maimang 6, Honor 9 Lite, Honor Play 7X
-កញ្ញា – Mate 9 Series
- តុលា – P10 Series, Honor 9, Honor V9
-វិច្ឆិកា – ស្មាតហ្វូន Huawei ជាច្រើនទៀតដែលមិនមាននៅក្នុងបញ្ជីខាងលើនេះ
ក្រុមហ៊ុន Huawei ក៏បង្ហាញនូវមុខងារថ្មីៗជាច្រើននៅលើស្មាតហ្វូន Mate 10 ផងដែរ ហើយសម្រាប់ស្មាតហ្វូន Mate 10 series នេះ នឹងអាចទ្រទ្រង់នូវ Cloud ដែលនឹងចាប់ផ្តើមនៅថ្ងៃទី 26 ខែមិថុនាខាងនេះ រួមជាមួយនឹង ការ Update ទៅលើ EMUI 8.1 ទៀតផង។ Mate 10 series នេះ នឹងក្លាយជាស្មាតហ្វូនដំបូងគេ ដែលទ្រទ្រង់នូវប្រព័ន្ធ 960fps slow-motion recording ផងដែរ៕
