នៅក្នុងព្រឹត្តិការណ៍ Samsung Unpacked នៅថ្ងៃអង្គារ៍នេះ ស្មាតហ្វូនស៊េរីថ្មី Galaxy Flip Z Thom Browne Edition បានប្រកាសបង្ហាញខ្លួនជាផ្លូវការដែលជាផ្នែកមួយនៃព្រឹត្តិការណ៍នេះ ហើយវា ក៏បានបង្ហាញខ្លួននៅក្នុងព្រឹត្តិការណ៍ New York Fashion Week នៅថ្ងៃបន្ទាប់ផងដែរ។
ស្មាតហ្វូន Galaxy Flip Z Thom Browne Edition នេះមិនត្រឹមតែមានការរាប់បញ្ចូលនូវ Pebble Gray version របស់ស្មាតហ្វូននេះ ដែលមានភ្ជាប់ជាមួយនឹងឆ្នូត Thom Browne និងម៉ាកយីហោនេះ ប៉ុន្តែវាក៏មាននាឡិកា Galaxy Watch Active2 និងកាសស្តាប់ Galaxy Buds+ ដែលមានពណ៌ដូចគ្នាថែមទៀត។ សម្រាប់នាឡិកា Watch Active2 នេះ មានពីរជំរើសនោះគឺ Thom Browne straps ខ្សែស្បែកពណ៌ប្រផេះ និងខ្សែស្បែកពណ៌ខ្មៅ។ អ្នកក៏នឹងទទួលបាននូវមុខនាឡិកាជាច្រើនទៀតផងដែរ។
ក្រុមហ៊ុន Samsung ក៏មានដាក់បញ្ចូលនូវ Thom Browne theme ផ្ទាល់ខ្លួន ដែលរួមមានដូចជា wallpapers, sounds, icons និងជាច្រើនទៀត។ វាក៏មានកម្មវិធី Thom Browne app ផ្តាច់មុខនៅលើស្មាតហ្វូននេះថែមទៀតផង។ នៅក្នុងសេចក្តីប្រកាសនេះ គឺមានការចេញផ្សាយដោយក្រុមហ៊ុនបច្ចេកវិទ្យា Samsung នោះ លោក Thom Browne ដែលជាស្ថាបនិកម៉ាកយីហោស្មាតហ្វូននេះនិយាយថា នៅក្នុងការសហការជាមួយនឹងក្រុមហ៊ុនបច្ចេកវិទ្យា Samsung ក្នុងការបង្កើតនូវស្មាតហ្វូន Galaxy Z Flip Thom Browne Edition គឺផ្តល់នូវឱកាសដែលមិនគួរអោយជឿក្នុងការស្រម៉ៃឡើងវិញអំពីរបៀបដែលអ្នកប្រើប្រាស់បញ្ចេញនូវឥរិយាបទរបស់ពួកគេតាមរយៈស្មាតហ្វូននេះ។
តើស្មាតហ្វូនម៉ូឌែលពិសេសនេះមានតម្លៃប៉ុន្មាននោះទេ? រូបភាពមួយដែលមានការចែករំលែកចេញពី Max Weinbach របស់ XDA Developers បានបង្ហាញថា ស្មាតហ្វូន Galaxy Flip Z Thom Browne នេះនឹងមានតម្លៃដល់ទៅ $2480!!! ទោះជាយ៉ាងណាក៏ដោយនោះ វាក៏មានការចុះតម្លៃ $440 ផងដែរដែលតម្លៃនេះគឺនៅត្រឹមតែ $2040 ប៉ុណ្ណោះ។ ស្មាតហ្វូន Galaxy Flip Z Thom Browne Edition នេះអាចធ្វើការPre-order បាននៅថ្ងៃទី 14 ខែកុម្ភៈនេះនៅលើគេហទំព័រ Samsung.com, Thombrowne.com, NET-A-PORTER និង MR PORTER ។វានឹងមានការប្រកាសបង្ហាញជាផ្លូវការនៅក្នុងខែមីនាខាងមុខនេះ៕
