នៅពេលនេះ មើលទៅស្មាតហ្វូនស៊េរីថ្មី Galaxy Note 10 មិនមែនជាផលិតផលលំដាប់កំពូលនៅឡើយទេ ខណៈពេលដែលក្រុមហ៊ុន Samsung មានគម្រោងក្នុងការបង្ហាញនូវស្មាតហ្វូននេះ នៅខែសីហាខាងមុខនេះដោយសារតែមានថេប្លេតលំដាប់កំពូលរបស់ក្រុមហ៊ុន Samsung ទើបតែបង្ហាញខ្លួននៅលើ Geekbench ហើយលក្ខណៈសម្បត្តិរបស់វា គឺខ្លាំងក្លាជាងនៅលើថេប្លេត Galaxy Tab S5e ។
ខុសប្លែកពីថេប្លេត Galaxy Tab S5e ដែលប្រើប្រាស់នូវបន្ទះឈីបថ្នាក់កណ្តាលគឺ Snapdragon 670 នោះ សម្រាប់ម៉ូដែលនេះ គឺមានភ្ជាប់ជាមួយនឹងបន្ទះឈីប Qualcomm Snapdragon 855 CPU ។ នៅក្នុងបញ្ជីរបស់ Geekbench បញ្ជាក់ថា ថេប្លេតនេះនឹងភ្ជាប់ជាមួយនឹងរ៉េមទំហំ 6GB ដូចគ្នាទៅនឹងម៉ូដែល Galaxy Tab S5e។ មកទល់នឹងពេលនេះ Geekbench នៅមិនទាន់បញ្ជាក់អំពីព័ត៌មានលម្អិតនៃអេក្រង់របស់ថេប្លេតនេះនៅឡើយទេនោះ ព័ត៌មាននេះ នៅក្នុងភាពជាអាថ៌កំបាំងនៅឡើយ។
ថេប្លេត Galaxy Tab S5 នេះ អាចនឹងមានអេក្រង់ទំហំ 10.5-inch Super AMOLED display និងម៉េមូរីក្នុងម៉ាស៊ីនទំហំ 64GB-128GB ។ ក្រុមហ៊ុន Samsung ប្រហែលជាប្រើប្រាស់នូវថាមពលថ្មទំហំ 7,000 mAh នៅលើថេប្លេតនេះ។ មានពាក្យចចាមអារ៉ាមជាច្រើនបានបញ្ជាក់ថា ក្រុមហ៊ុន Samsung មានគម្រោងក្នុងការបង្ហាញនូវស្មាតហ្វូន Galaxy Note 10 នៅក្នុងខែសីហាខាងមុខនេះ ប៉ុន្តែយើងនៅមិនទាន់ច្បាស់នោះទេថា ក្រុមហ៊ុនរបស់ប្រទេសកូរ៉េខាងត្បូងនេះ នឹងប្រើប្រាស់ឱកាសនេះ នៅក្នុងការបង្ហាញថេប្លរតនេះដែរឬយ់ាណាទេ។ យើងអាចនឹងដឹងអំពីព័ត៌មានរបស់ថេប្លេតនេះ នៅដើមខែកញ្ញានេះ នៅក្នុងព្រឹត្តិការណ៍ពិពរណ៍ IFA ផងដែរ៕
