ក្រុមហ៊ុន DJI បានប្រកាសចេញនូវយន្តហោះ Drone ម៉ូឌែលចុងក្រោយបំផុតរបស់ខ្លួននោះគឺ Air 2S ដែលជាជំនាន់ថ្មីរបស់យន្តហោះគ្មានមនុស្សបើក Mavic Air 2 ដែលបានបង្ហាញខ្លួនកាលពីឆ្នាំមុននេះ ហើយវាក៏ទទួលបាននូវការគាំទ្រខ្លាំងមែនទែន។ សម្រាប់យន្តហោះ DJI Air 2S នេះ ផ្តល់នូវកាមេរ៉ាដ៏ខ្លាំងក្លា និងការពង្រឹងទៅលើសមត្ថភាពរបស់វាកាន់តែប្រសើរជាងមុនថែមទៀត។
បើនិយាយអំពីលក្ខណៈសម្បត្តិរបស់វានោះ សម្រាប់យន្តហោះ DJI Air 2S នេះ គឺមានសេនស័រ 1 អ៊ីង CMOS Sensor ហើយវាមានកម្រិតភាពច្បាស់ខ្ពស់ថែមទៀត។ សេនស័រនេះ គឺមាន 2.4μm pixels ដែលល្អជាង 0.5 អ៊ីង Sensor នៅលើ Mavic Air 2 និង 0.8μm pixels។ សម្រាប់សេនស័រនៅលើយន្តហោះ Air 2S អាចថតនៅក្នុងកម្រិតភាពច្បាស់ 5.4K ដែលល្អប្រសើរជាង Mavic Air 2។
យន្តហោះ Air 2S នេះ មានទម្ងន់ធ្ងន់ជាងយន្តហោះ Mavic Air 2 ដែលមានថាមពលថ្មទំហំ 3,500mAh ហើយវាប្រើប្រាស់បានរយៈពេល 31 នាទីថែមទៀត។ យន្តហោះដ្រូនម៉ូដែលថ្មី មានទម្ងន់ធ្ងន់ជាងមុនដល់ទៅ 25g បើធៀបជាមួយនឹងយន្តហោះ Mavic Air 2 ។
យន្តហោះដ្រូនម៉ូដែលថ្មី DJI Air 2S នេះ អាចគេចចេញពីឧបសគ្គជាច្រើននៅពេលដែលហោះទៅមុខទៅក្រោយ ឬទៅលើទៅក្រោមនោះ។ ជាមួយនឹងមុខងារ OcuSync នៅលើឧបករណ៍នេះ អាចដឹកបានទម្ងន់ដល់ទៅ 12km ដែលច្រើនជាងយន្តហោះ Air 2។ យន្តហោះដ្រូនម៉ូដែលថ្មីនេះ ក៏មានមុខងារ MasterShot ដែលអាចជួយអ្នកថតរូបភាពបានយ៉ាងស្រស់ស្អាតថែមទៀត។ យន្តហោះ DJI Air 2S នេះ ដាក់លក់នៅលើវេបសាយផ្លូវការរបស់ក្រុមហ៊ុន DJI ។ យន្តហោះដ្រូនម៉ូដែលថ្មី នេះចាប់ផ្តើមជាមួយនឹងតម្លៃ $999 ៕
