ត្រឹមតែ 1 សប្តាហ៍ប៉ុណ្ណោះ! ប្រព័ន្ធប្រតិបត្តិការ HarmonyOS ត្រូវបានតម្លើងនៅលើឧបករណ៍ច្រើនជាង 10 លានគ្រឿង

កាលពីដើមខែនេះ ក្រុមហ៊ុន Huawei បានបង្ហាញនូវ version ចុងក្រោយបំផុតនៃប្រព័ន្ធប្រតិបត្តិការ HarmonyOS 2.0 របស់ខ្លួន។ សម្រាប់ពេលនេះ ចំនួននៃផលិតផលជាច្រើនដែលបានធ្វើការ Upgrade ទៅកាន់ OS ថ្មីនេះ គឺមានចំនួន 10 លានគ្រឿងហើយ គិតត្រឹមរយៈពេលត្រឹមតែ 1 សប្តាហ៍ប៉ុណ្ណោះ។ ជាមួយនឹងការបង្ហាញនូវប្រព័ន្ធប្រតិបត្តិការ HarmonyOS នោះ ក្រុមហ៊ុនបច្ចេកវិទ្យាយក្សរបស់ចិននេះ ក៏បានបង្ហាញចេញនូវស្មាតហ្វូនជាច្រើនម៉ូដែល និងផលិតផលជាច្រើនទៀត ដែលនឹងទទួលបាននូវការអាប់ដេតនេះផងដែរ។ 

យោងតាមការបញ្ជាក់នៅក្នុងរបាយការណ៍របស់ QQ បានអោយដឹងថា ក្រុមហ៊ុន Huawei បានតម្លើងនូវប្រព័ន្ធប្រិតបត្តិការនេះ បាននៅលើឧបករណ៍ប្រើប្រាស់ជាង 10 លានគ្រឿងហើយ។ សម្រាប់ពេលនេះ ក្រុមហ៊ុន Huawei ក៏បានបញ្ជាក់ជាផ្លូវការណ៍អំពីព័ត៌មាននេះផងដែរ។ 

នៅពេលនេះ មានការព្យាករណ៍ថា នឹងមានស្មាតហ្វូនជាង 200 លានគ្រឿងដែលប្រើប្រាស់នៅជុំវិញពិភពលោក។ បន្ថែមពីនេះទៀតនោះ ស្មាតហ្វូនទាំងនោះ សុទ្ធតែអាច upgrade ទៅកាន់ HarmonyOS ឬ HongMengOS បាននៅក្នុងប្រទេសចិន។ គួរបញ្ជាក់ផងដែរថា ប្រព័ន្ធប្រតិបត្តិការ HarmonyOS នេះ គឺនឹងប្រើប្រាស់នៅលើផលិតផលជាច្រើន ដែលក្នុងនោះគឺមានផលិតផល IoT ផងដែរ៕