នៅក្នុងលិខិតចំហរមួយទៅកាន់បុគ្គលិកជាច្រើននោះ នាយកប្រតិបត្តិរបស់ក្រុមហ៊ុន Nvidia លោក Jensen Huang បានបញ្ជាក់ទៅកាន់ពាក្យចចាមអារ៉ាមជាច្រើន ដែលមានខ្លឹមសារថា ក្រុមហ៊ុនរបស់អង់គ្លេសនេះ នឹងទិញយកក្រុមហ៊ុនផលិតបន្ទះឈីប Arm ។ តាមការបញ្ជាក់នៅក្នុងរបាយការណ៍ជាច្រើននេះ កិច្ចព្រមព្រៀងនេះគឺមានតម្លៃ 40 ពាន់លានដុល្លារអាមេរិក។
ក្រុមហ៊ុន Arm នឹងក្លាយជាផ្នែកមួយផ្សេងទៀតរបស់ក្រុមហ៊ុន Nvidia ហើយទីស្នាក់ការកណ្តាលរបស់ក្រុមហ៊ុននេះគឺនៅក្នុងទីក្រុង Cambridge របស់ចក្រភពអង់គ្លេស។ បន្ថែមពីនេះទៀតនោះ ក្រុមហ៊ុន Arm នឹងធ្វើការបើកចំហរទៅលើអាជ្ញាបណ្ណរបស់ខ្លួនផងដែរ។ Arm គឺជាក្រុមហ៊ុនឌីស្សាញទៅលើបន្ទះឈីបដ៏អស្ចារ្យបំផុតនៅក្នុងពិភពលោក ហើយបន្ទះឈីប SoC chips របស់វា គឺការផ្តល់នូវអាជ្ញាបណ្ណជាច្រើនសម្រាប់ស្មាតហ្វូនទំនើបៗផងដែរ។ បន្ថែមពីលើកូដ និងទម្រង់នៃបន្ទះឈីបរបស់វា គឺមានការប្រើប្រាស់នៅលើផលិតផលជាច្រើនផងដែរ ចាប់តាំងពីផលិតផលប្រើប្រាស់នៅក្នុងគេហដ្ឋាន ដល់កុំព្យូទ័រ។
នៅក្នុងការទិញដូរនេះ ត្រូវបានគេនិយាយថា ក៏អាចនឹងឧបសគ្គនៃបទបញ្ញត្តិមួយចំនួន នឹងកើតឡើងផងដែរ ដោយសារតែកិច្ចព្រមព្រៀងនេះ ខណៈពេលដែលក្រុមហ៊ុន Arm នេះ ក៏ជាអ្នកផ្គត់ផ្គង់ទៅលើក្រុមហ៊ុនជាច្រើនដូចជា Qualcomm, AMD និង Apple នោះ។ ក្រុមហ៊ុនបច្ចេកវិទ្យាយក្សនេះ ក៏នឹងធ្វើការផ្លាស់ប្តូរនូវបន្ទះឈីបដែលផ្អែកនៅលើ Arm នេះនៅក្នុងរយៈពេលប៉ុន្មានខែខាងមុខនេះផងដែរ សម្រាប់កុំព្យូទ័ររបស់ខ្លួន ហើយក្រុមហ៊ុននេះ ក៏បានបញ្ឈប់ការប្រើប្រាស់នូវក្រាហ្វិកកាត Nvidia GPU អស់រយៈពេលជាច្រើនឆ្នាំមកហើយផងដែរ៕
