មានពាក្យចចាមអារ៉ាមអស់រយៈពេលជាយូរណាស់មក ហើយដែលនិយាយពីក្រុមហ៊ុន Apple នឹងប្រ់ប្រាស់អេក្រង់ OLED ទៅលើ iPad Series។ នៅពេលនេះ មានដំណឹងថ្មីពីរឿងនេះទៀតហើយ ដោយនិយាយថា ក្រុមហ៊ុន Apple បាននឹងកំពុងតែធ្វើការងារទៅលើគំរូ iPad Pro ដែលប្រើប្រាស់នូវអេក្រង់ OLED ហើយ។ គួរបញ្ជាក់ថា កន្លងមក ក៏មានរបាយការណ៍ជាច្រើនបានបញ្ជាក់ថា ក្រុមហ៊ុនបច្ចេកវិទ្យាយក្សដែលមានមូលដ្ឋាននៅ Cupertino គឺមានបញ្ជាទិអេក្រង់ជាច្រើនពីសម្រាប់ iPad រប ស់ខ្លួន ដែលអេក្រង់ទាំងនេះគឺជារបស់ Samsung និង LG។
.jpg)
សម្រាប់ទំហំអេក្រង់ទាំងនេះ មានដូចជា ទំហំ 11 អ៊ីង និងទំហំ 12.9 អ៊ីងសម្រាប់ប្រើប្រាស់ជាមួយ iPad Pro ហើយផលិតផលថ្មីនេះ គឺត្រូវបានគេរំពឹងថា នឹងមានការបង្ហាញខ្លួននៅឆ្នាំ 2024 ខាងមុខ។ បើតាមរបាយការណ៌ ETNews report, បាននិយាយថា ក្រុមហ៊ុនផលិត iPhone នេះ គឺមានគម្រោងនៅក្នុងការផលិតចេញនូវគំរូ iPad Pro ជាមួយនិងកញ្ចក់ OLED ដែលមានប្រភពចេញពីក្នុងស្រុកផងដែរ។
របាយការណ៌ខាងលើបានបន្ថែមថា ថេប្លេតជំនាន់ក្រោយទាំងនេះ ត្រូវបានគេរំពឹងថា នឹងមានការឌីស្សាញថ្មី ហើយនិងមានការបន្ថយទម្ងន់កាន់តែស្រាលជាងមុន និងមានសមត្ថភាពអាចបង្ហាញនចេញនូវរូបភាពដែលមានគុណភាពខ្ពស់ ហើយកាន់តែប្រសើរឡើងជាងម៉ូដែលមុនៗផងដែរ។ ជាមួយគ្នានេះសម្រាប់ការផ្លាស់ប្តូរមកប្រើប្រាស់បន្ទះ OLED ក៏មានការបញ្ជាក់ថា Apple នឹងប្រើដំណើរការបច្ចេកវិទ្យាថ្មី Dry etching process ជាលើកដំបូងបំផុតទៅលើការផលិត iPad នេះផងដែរ ។
