នៅពេលនេះក្រុមហ៊ុនបច្ចេកវិទ្យា Samsung បានត្រៀមខ្លួនក្នុងការប្រកាសបង្ហាញនូវស្មាតហ្វូន Flagship series ចុងក្រោយបំផុតរបស់ខ្លួន ហើយស្មាតហ្វូននេះ នឹងបង្ហាញខ្លួននៅលើទីផ្សារនៅក្នុងពេលឆាប់ៗនេះផងដែរ។ នៅក្នុងរយៈពេលប៉ុន្មានកន្លងទៅនេះ អ្នកទម្លាយបច្ចេកវិទ្យា @evleaks បានចែករំលែករូបភាពផ្សព្វផ្សាយនៃការ pre-order ចំនួន 2 របស់ស្មាតហ្វូន Samsung Galaxy S23 series។
នៅក្នុងរូបភាពផ្សព្វផ្សាយនេះមិនបានទម្លាយច្រើនអំពីស្មាតហ្វូន series នេះទេ។ នៅក្នុងរូបភាពផ្សព្វផ្សាយទី 1 យើងអាចមើលឃើញនូវស្មាតហ្វូន Galaxy S23 និង Galaxy S23+ ប្រើប្រាស់នូវកាមេរ៉ាផ្សេងគ្នានៅផ្នែកខាងក្រោយ។ សម្រាប់ស្មាតហ្វូនGalaxy S23 គឺមានពណ៌ត្នោត Beige ហើយស្មាតហ្វូន Galaxy S23+ គឺមានពណ៌ផ្កាឈូក។
សម្រាប់រូបភាពផ្សព្វផ្សាយទី 2 នេះគឺជាការផ្សព្វផ្សាយរបស់ស្មាតហ្វូន Samsung Galaxy S23 Ultra។ ស្មាតហ្វូននេះ មើលទៅមិនមានអ្វីដែលខុសប្លែកគ្នាពីស្មាតហ្វូន Galaxy S22 Ultra នោះទេ បើមើលទៅលើការឌីស្សាញស្មាតហ្វូននេះ។ បន្ថែមពីលើ S Pen នោះ រូបភាពផ្សព្វផ្សាយនេះក៏ទម្លាយជាមួយនឹងពណ៌ Botanic Color green ថ្មីផងដែរ។ នេះប្រហែលជាមិនមែនជាព័ត៌មានថ្មីអំពីស្មាតហ្វូន Series នេះទេ។
របាយការណ៍នាពេលថ្មីៗនេះ ទម្លាយថា ស្មាតហ្វូន Samsung Galaxy S22 series មិនអាចឈានដល់គោលដៅរបស់ក្រុមហ៊ុន Samsung ដែលកំណត់ដល់ទៅ 30 លានគ្រឿងនោះទេ។ ហេតុផលនោះ គឺដោយសារតែការលក់មិនបានល្អនោះទេ ទៅលើស្មាតហ្វូន Galaxy S22 Flagship ។ សម្រាប់ហេតុផលនេះ ក្រុមហ៊ុន Samsung ក៏មិនកំណត់គោលដៅខ្លាំងទៅលើស្មាតហ្វូន Galaxy S23 series នោះទេ។ មានរបាយការណ៍ជាច្រើនទម្លាយថា ក្រុមហ៊ុននឹងមិនបង្កើនទៅលើតម្លៃរបស់ស្មាតហ្វូន Galaxy S23 series ។ ដើម្បីទាក់ទាញអោយមានអ្នកប្រើប្រាស់កាន់តែច្រើននោះ ក្រុមហ៊ុននេះ នឹងធ្វើការផ្លាស់ប្តូរទៅលើយុទ្ធសាស្រ្តនៃស្មាតហ្វូនរបស់ខ្លួនផងដែរ។ ក្រុមហ៊ុននេះ នឹងផ្តោតទៅលើការបង្កើនទៅលើសមត្ថភាពនសបន្ទះឈីប ដើម្បីប្រកួតប្រជែងជាមួយនឹង iPhone ៕
