ក្រុមហ៊ុន Samsung ត្រូវបានគេមើលឃើញថា មានការប្រកាសចេញនូវកាលបរិច្ឆេតនៃការសម្ពោធស្មាតហ្វូនជំនាន់ថ្មីម៉ូដែល Samsung Galaxy S23 series រួចរាល់ហើយស្របពេលជាមួយគ្នានេះ ព័ត៌មានស្មាតហ្វូនននេះ ក៏មានការលេចធ្លាយចេញជាបន្តបន្ទាប់ផងដែរ។ បើមើលទៅលើរូបភាពផ្សព្វផ្សាយថ្មីៗនេះ បានបង្ហាញថា ការឌីស្សាញស្មាតហ្វូន Galaxy S23 Ultra ថ្មីនៃត្រកូល S-Series នេះ គឺមានរូបរាងដូចគ្នាជាមួយនិងម៉ូដែលមុនអញ្ចឹង។ នៅថ្ងៃនេះមានរបាយការណ៌ថ្មីបាននិយាយថា Galaxy S23 Ultra បំពាក់នូវកាមេរ៉ាថ្មីផ្តល់នូវសមត្ថភាពហ៊្សូមកាន់តែអេមបើទោះបីជាប្រើប្រាស់នូវ Hardware ដដែលក៏ដោយ។
បើតាមព័ត៌មាននេះ គឺបានបញ្ជាក់ថា កាមេរ៉ាដែលប្រើនៅលើស្មាតហ្វូនថ្មីនេះ គឺមិនមានការផ្លាស់ប្តូរនោះទេ គឺដូចមុនអញ្ចឹង។ទាំងឡែន telephoto និង periscope lenses ក៏នឹងប្រើប្រាស់នូវប្រភេទឡែនដូចគ្នាជាមួយនិង Galaxy S22 Ultra ផងដែរ។ សម្រាប់ស្មាតហ្វូនជំនាន់ថ្មីម៉ូដែល Galaxy S23 Ultra ត្រូវបានគេទម្លាយជាយូរមកហើយថា នឹងមានការប្រើប្រាស់កាមេរ៉ាទំហំ 200-megapixel lens ហើយនឹងមានការអមដំណើរមកជាមួយនូវកាមេរ៉ាមុខទំហំ 12-Megapixel។ នៅពេលនេះក៏មានការទម្លាយរូបភាពថ្មីនៅលើបណ្តាញ Twitter ផងដែរ ដែលរូបភាពនេះ គឺបង្ហាញពីរូបភាពថ្មី ដែលផ្តិតដោយកាមេរ៉ា Galaxy S22 Ultra និងGalaxy S23 Ultra ជាមួយនិងមុខខងារហ៊្សូម។
ជាមួយនិងរូបភាពដែលបានចែកចាយខាងលើនេះ គឺត្រូវបានគេបញ្ជាក់ថា គឺថតជាមួយនិងមុខងារហ៊្សូមកម្រិត 10x និង 30x zoom ដោយបានធ្វើការប្រៀបធៀបគ្នាពីមួយទៅមួយតែម្តង។ បើមើលទៅលើរូបភាពដែលថតដោយ Galaxy S23 Ultra Galaxy S23 Ultra គឺផ្តល់នូវសមត្ថភាពហ៊្សូមអេមជាង Galaxy S22 Ultra ដោយរូបភាពរបស់ស្មាតហ្វូនជំនាន់ថ្មីនេះ គឺបង្ហាញបានច្បាស់ជាង។ Galaxy S23 Ultra ត្រូវគេរាយការណ៌ថា នឹងប្រើប្រាស់សិនស័រកាមេរ៉ាគោលជាមួយកម្រិត F1.7 apertures ប្រភេទISOCELL HP2 sensor គាំទ្រមុខងារ OIS និងមានការប្រើប្រាស់នូវ Super QPD autofocus ដែមទៀតផង។
