no-alternative title
no-alternative title
no-alternative title

OPPO Find X7 និង Find X7 Ultra ទទួលបាននូវការ Pre-Order កើនឡើងជាង 1 លានគ្រឿងត្រឹម 4 សប្តាហ៌

ក្រុមហ៊ុន OPPO ត្រូវបានគេមើលឃើញថា ទើបតែធ្វើការបង្ហាញចេញនូវស្មាតហ្វូនជំនាន់ថ្មីរបស់ខ្លួនម៉ូដែល Find X7 Ultra ដែលស្មាតហ្វូនលំដាប់ថ្នាក់ប្រណិត កាលពីដើមឆ្នាំនេះ។ គិតត្រឹមថ្ងៃនេះ គឺមានរយៈពេល 4 សប្តាហ៍ហើយ។ យោងតាមការរបាយការណ៍ថ្មីដែលបញ្ជាក់នៅថ្ងៃនេះ បាននិយាយថា ស្មាតហ្វូន OPPO Find X7 និង Find X7 Ultra ថ្មីនេះ គឺទទួលបាននូវការ Pre-Order បានដល់ទៅជាង 1 លានគ្រឿងហើយ។ 

 

រូបភាពពាណិជ្ជកម្ម
no-alternative title

ការប្រកាសចេញនូវតួរលេខខាងលើនេះ គឺត្រូវបានធ្វើឡើងដោយលោក Billy Zhang អគ្គនាយកផ្នែកទីផ្សារក្រៅប្រទេស លក់ និងសេវាកម្មរបស់ក្រុមហ៊ុន OPPO ដោយលោកបានសសេរនៅលើ Twitter ថា នេះ គឺជាស្មាតហ្វូនដ៏ពិតប្រាកដសម្រាប់អ្នកប្រើប្រាស់។ ប៉ុន្តែអ្វីដែលគួរអោយសោកស្តាយនោះ ការ pre-order នេះ គឺធ្វើឡើងតែនៅក្នុងប្រទេសចិនប៉ុណ្ណោះ ខណៈពេលដែលស្មាតហ្វូននេះ មិនទាន់មានវត្តមាននៅក្នុងប្រទេសជាច្រើនទៀតនោះទេ។

ស្មាតហ្វូន OPPO Find X7 Ultra នេះ គឺមានប្រព័ន្ធកាមេរ៉ាភ្លោះ Dual-periscope និងបន្ទះឈីប Snapdragon 8 Gen 3 ជំនាន់ចុងក្រោយបំផុត។ ស្មាតហ្វូននេះ ត្រូវបានក្រុមហ៊ុន OPPO គឺកំណត់តែលក់នៅក្នុងទីផ្សាររបស់ប្រទេសចិនប៉ុណ្ណោះ។ នៅពេលដែលស្មាតហ្វូននេះ បង្ហាញខ្លួនជាផ្លូវការនោះ ក្រុមហ៊ុន OPPO នៅតែត្រូវបានប្លុកដោយក្រុមហ៊ុន Nokia ពីការលក់ស្មាតហ្វូននេះនៅក្នុងទីផ្សាររបស់អ៊ឺរ៉ុប ដែលជាហេតុធ្វើអោយក្រុមហ៊ុននេះ នៅមិនទាន់បានចេញលក់នៅលើទីផ្សារជាច្រើន ប៉ុន្តែតាមដំនឹងចុងក្រោយនោះ បានទម្លាយថា បញ្ហារវាងក្រុមហ៊ុនធំៗទាំងពីរនេះ អាចនឹងមានការផ្លាស់ប្តូរនៅក្នុងពេលឆាប់ៗនេះផងដែរ។ 

ថ្មីៗនេះ ក្រុមហ៊ុនទាំងពីរនេះ ក៏ទើបតែចុះកិច្ចព្រមព្រៀងក្នុងការឆ្លងដែនទៅលើប៉ាតង់ 5G ដែលនេះ មានន័យថា ស្មាតហ្វូន Find X7 Ultra នេះ អាចនឹងមានដាក់លក់លើទីផ្សារអន្តរជាតិបាន នៅក្រៅពីទីផ្សារចិន ៕

 

ព័ត៌មានពាណិជ្ជកម្ម