ថ្មីៗនេះក្រុមហ៊ុន Xiaomi បានប្រកាសថា ខ្លួននឹងមានរៀបចំនូវព្រឹត្តិការណ៌ប្រកាសចេញនូវស្មាតហ្វូន Xiaomi 14 series នៅលើទីផ្សារសកលនាថ្ងៃទី 25 ខែកុម្ភៈនេះហើយ គឺនៅក្នុងព្រឹត្តិការណ៌សមាជទូរស័ព្ទពិភពលោក MWC 2024 នាទីក្រុងបាសេឡូណា។ ក្រុមហ៊ុននេះបានបញ្ជាក់ថា ស្មាតហ្វូននេះ នឹងមាន 2 ម៉ូដែល រួមមានដូចជា Xiaomi 14 និង Xiaomi 14 Pro។ ប៉ុន្តែបើមើលទៅលើការទម្លាយព័ត៌មានថ្មីៗនេះ បានការបង្ហាញថា ក្រុមហ៊ុននេះក៏នឹងមានការប្រកាសចេញនូវស្មាតហ្វូនស៊េរីថ្មី Xiaomi 14 Ultra នៅលើទីផ្សារសកលក្នុងព្រឹត្តិការណ៌ជាមួយគ្នានេះដែរ។
នៅថ្ងៃនេះមានការបញ្ជាក់ថា ស្មាតហ្វូនម៉ូដែស្តង់ដាររបស់ Xiaomi 14 ដែលនឹងមានលក់នៅលើទីផ្សារសកលនោះ បានឆ្លងកាត់ការចុះបញ្ជីនៅលើស្ថាប័ន EMVCo រួចរាល់ហើយ ដោយថែមទាំងមានការបង្ហញចេញនូវព័ត៌មានមួយចំនួនថែមទៀតផង។ យោងតាមការបញ្ជាក់នៅលើស្ថាប័នខាងលើនេះ បានអោយដឹងថា Xiaomi 14 គឺនឹងមានការប្រើប្រាស់នូវប្រព័ន្ធប្រតិបត្តិការ Android 14 ផ្អែកនៅលើស្បែកមុខកម្មវិធី HyperOS 1.0 ហើយនិងមានការគាំទ្រនូវបច្ចេកវិទ្យា NFC ថែមទៀតផង។ សូមជំរាបថា HyperOS គឺជាប្រព័ន្ធប្រតិបត្តិការថ្មីរបស Xiaomi ដែលទើបតែនឹងអភិវឌ្ឍន៍ឡើង ដើម្បីធ្វើការងារជំនួស MIUI ដែលផ្អែកលើ Android 14។
ខណៈដែលនៅមិនទាន់មានព័ត៌មានច្បាស់ពីស្មាតហ្វូនជំនាន់ថ្មីនេះ មានការព្យាករណ៌ថា ស្មាតហ្វូននេះ នឹងមានការប្រើប្រាស់នូវលក្ខណៈសម្បត្តិមួយចំនួនដូចគ្នាជាមួយនិងម៉ូដែលចេញលក់នៅលើទីផ្សារប្រទេសចិនផងដែរ។ ស្មាតហ្វូនថ្មីនេះ អាចនឹងមានអេក្រង់ទំហំ 6.36-អ៊ីង កម្រិត 1.5K និងអេក្រង់របស់ TCL CSOT C8 OLED កម្រិត 12bit display មានសមត្ថភាពអាចរត់បានល្បឿន 120Hz refresh rate ហើយនិងមានកម្រិតពន្លឺ peak brightness of 3000 nits។
ស្មាតហ្វូននេះ នឹងរត់នៅលើបន្ទះឈីប Snapdragon 8 Gen 3 ហើយនិងមានមរ៉េម LPDDR5X RAM រួមនិង UFS 4.0 storage។ នៅលើស្មាតហ្វូននេះ នឹងមានការបំពាក់នូវកាមេរ៉ាគោលទំហំ 50MP LYT-900 OIS និងគ្រាប់ទីពីរទំហំ 50MP JN1 ultrawide camera, ហើយនិងគ្រាប់ទីបីក៏មានទំហំ 50MP ផងដែរ ដែលនេះជា telephoto JN1 camera។ សម្រាប់កាមេរ៉ាមុខមានទំហំ 32MP។ ស្មាតហ្វូននេះមានថ្មទំហំ 4610mAh និងមានការគាំទ្រនូវកម្លាំងសាក 90W wired charging ហើយនិង 50W wireless charging។
