no-alternative title

គំរូនៃការឌីស្សាញរបស់ iPhone 16 Series ត្រូវបានបង្ហាញចេញជាលើកដំបូងជាមួយការផ្លាស់ប្តូរម៉ូឌុលកាមេរ៉ាថ្មីទាំងស្រុង

ទូរស័ព្ទ iOS ជំនាន់ថ្មីស៊េរីឆ្នាំ 2024 គឺ iPhone 16 Series ដែលនឹងបង្ហាញវត្តមាននៅខែកញ្ញា ត្រូវបានគេរាយការណ៍ថា ទំនងជានឹងមានការផ្លាស់ប្តូរទម្រង់នៃការរចនាថ្មីមួយចំនួនដូចជាប្រព័ន្ធម៉ូឌុលកាមេរ៉ា និងលក្ខណៈពិសេសថ្មីជាច្រើនទៀតខុសពីជំនាន់មុន។

 

រូបភាពពាណិជ្ជកម្ម
no-alternative title

បើតាមរយះគំរូរូបភាពលេចធ្លាយចុងក្រោយបង្អស់ពីគណនី Majin Bu គឺបានបង្ហាញពីការផ្លាស់ប្តូរពីការដំឡើងកាមេរ៉ាផ្តេកមុំចង្រ្កានដែលប្រើជាច្រើនឆ្នាំ ទៅជាការតំរៀបបែបបញ្ឈរដែលស្រដៀងគ្នានឹងកាមេរ៉ារបស់ Galaxy S24 Series របស់ Samsung ដែរ។ ការកែប្រៃឌីស្សាញថ្មីនេះមិនត្រឹមតែផ្តល់នូវភាពស្រឡះ និងបង្កើននៅសោភ័ណភាពជាងមុនបន្តិច ប៉ុន្តែ ហាក់បាត់អត្តសញ្ញាណសំគាល់របស់ទូរស័ព្ទ iPhone  ព្រោះថា ការរៀបម៉ូឌុលកាមេរ៉ា iPhone 16 Series ដូចនេះ វាមានភាពស្រដៀងគ្នាខ្លាំងមែនទែនទៅនឹងការរចនារបស់កាមេរ៉ាស្មាតហ្វូន Android បច្ចុប្បន្នជាពិសេសស្មាតហ្វូន Galaxy S-Series ជំនាន់ថ្មីរបស់ Samsung មែនទែន។

 

បើតាមប្រភពដែលបានទម្លាយរូបភាពបានបង្ហាញថា iPhone 16 Series គឺមានរហូតដល់ទៅជំនួន 5 ម៉ូដែលមានដូចជា iPhone 16 SE, iPhone 16 Plus SE, iPhone 16, iPhone 16 Pro និង iPhone 16 Pro Max។ ដោយប្រភពបានបញ្ជាក់ទៀតថា ការបន្ថែមម៉ូដែល iPhone SE ចូលក្នុងស្រឡាយ iPhone 16 Series គឺនឹងជួយឲ្យ Apple បង្កើនជម្រើសសម្រាប់អ្នកប្រើប្រាស់ទៅតាមតម្លៃផ្សេងៗគ្នា។ សម្រាប់ម៉ូដែល iPhone 16 SE និង iPhone 16 Plus SE នឹងបំពាក់នូវបច្ចេកវិទ្យាអេក្រង់ Dynamic Island កម្រិត 60Hz, មានកាមេរ៉ាក្រោយតែមួយ ហើយអាចកាត់បន្ថយបរិមាណទំហំថ្ម។ ម៉ូដែលទាំងពីរនេះ អាចស្ថិតក្នុងស្រឡាយទូរស័ព្ទស្មាតហ្វូន ឬ iPhone  កម្រិតថវិកា (Budget-range)។

 

ចំនែកម៉ូដែល iPhone 16 វិញត្រូវបានគេដឹងថានឹងបំពាក់បច្ចេកវិទ្យាអេក្រង់ Dynamic Island ល្បឿន 120Hz, មានកាមេរ៉ាក្រោយពីរគ្រាប់ និងបង្កើនទំហំថ្មធំជាងមុន។ ម៉ូដែលនេះ គឺសម្រាប់ទីផ្សារស្មាតហ្វូនលំដាប់ថវិកា (Mid-range)។ ដោយឡែកសម្រាប់ម៉ូដែល iPhone 16 Pro និង iPhone 16 Pro Max គឺស្ថិតក្នុងលំដាប់ថ្នាក់ស្មាតហ្វូន Premium ដែលនឹងបំពាក់នូវបច្ចេកវិទ្យា និងមុខងារប្រើប្រាស់កម្រិតខ្ពស់បំផុត។ ទាំងពីរម៉ូដែលនេះ ត្រូវបានគេដឹងថា នឹងមានទំហំថ្មធំជាងជំនាន់មុន។

 

ក្រុមហ៊ុន Apple បានរក្សាការរចនា iPhone ដដែលអស់រយៈពេលជាច្រើនឆ្នាំដោយគ្មានការធ្វើឱ្យទាន់សម័យគួរឱ្យកត់សម្គាល់ ការមិនពេញចិត្តក្នុងចំណោមអ្នកប្រើប្រាស់ទាក់ទងនឹងការរក្សារូបរាងស្រដៀងគ្នាជាច្រើនឆ្នាំនៃទូរស័ព្ទ iPhone ត្រូវបានបង្ហាញឱ្យឃើញក្នុងអំឡុងពេលនៃការដាក់លក់កាលពីឆ្នាំមុន។ ជាមួយនឹងការកើនឡើងនៃការលក់ជាសកល ក្រុមហ៊ុន Apple ទំនងជាយល់ថា ដល់ពេលក្នុងការបង្ហាញការចេញនូវរចនាថ្មីដើម្បីផ្គាប់ចិត្តអតិថិជនរបស់ខ្លួន ដោយរំពឹងថាការផ្លាស់ប្តូរនេះ នឹងមិនត្រឹមតែបំពេញតាមការចង់បានរបស់អ្នកប្រើប្រាស់ប៉ុណ្ណោះទេ ប៉ុន្តែថែមទាំងជំរុញកំណើនប្រាក់ចំណូលបន្ថែមពីការលក់ iPhone ថ្មីរបស់ខ្លួនផងដែរ។ យ៉ាងណាមិញនេះគ្រាន់តែជាការបែកធ្លាយប៉ុណ្ណោះ ដូចនេះចំពោះអារម្មណ៍របស់អ្នកតើយល់យ៉ាងណាដែរប្រសិនបើ iPhone 16 Series ពិតជាមានការឌីស្សាញម៉ូឌុលកាមេរ៉ាថ្មីដូចនេះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Changan E07 រថយន្តអគ្គិសនីប្រភេទ SUV ស៊េរីថ្មីនឹងបង្ហាញវត្តមាននៅក្នុងព្រឹត្តិការណ៍ពិព័រណ៌រថយន្ត Beijing Auto Show

Changan E07 រថយន្តអគ្គិសនីប្រភេទ SUV ស៊េរីថ្មីនឹងបង្ហាញវត្តមាននៅក្នុងព្រឹត្តិការណ៍ពិព័រណ៌រថយន្ត Beijing Auto Show

ដោយ ប៉េងលីន
ការលក់ថ្ងៃដំបូងរបស់ស្មាតហ្វូន Huawei Pura 70 Ultra និង Pro អស់ស្តុករលីង នៅក្នុងពេលតែមួយនាទីប៉ុណ្ណោះ!

ការលក់ថ្ងៃដំបូងរបស់ស្មាតហ្វូន Huawei Pura 70 Ultra និង Pro អស់ស្តុករលីង នៅក្នុងពេលតែមួយនាទីប៉ុណ្ណោះ!

ដោយ ប៉េងលីន
កាមេរ៉ានៅលើ iPhone 16 Pro នឹងមានសមត្ថភាពខ្ពស់អាចដោះស្រាយបានទៅលើបញ្ហា Flare និង Ghosting

កាមេរ៉ានៅលើ iPhone 16 Pro នឹងមានសមត្ថភាពខ្ពស់អាចដោះស្រាយបានទៅលើបញ្ហា Flare និង Ghosting

ដោយ ប៉េងលីន
Huawei Nova 13 Series ក៏អាចនឹងបំពាក់នូវបន្ទះឈីបជំនាន់ថ្មី Kirin 9010 ដូច Pura 70 Series អញ្ចឹងដែរ

Huawei Nova 13 Series ក៏អាចនឹងបំពាក់នូវបន្ទះឈីបជំនាន់ថ្មី Kirin 9010 ដូច Pura 70 Series អញ្ចឹងដែរ

ដោយ ប៉េងលីន
Samsung ឡើងឈរលើកំពូលតារាងនៅក្នុងត្រីមាសទី 1 ឆ្នាំ 2024 បន្ទាប់ពីការនាំចេញទៅលើ iPhone មានការធ្លាក់ចុះ

Samsung ឡើងឈរលើកំពូលតារាងនៅក្នុងត្រីមាសទី 1 ឆ្នាំ 2024 បន្ទាប់ពីការនាំចេញទៅលើ iPhone មានការធ្លាក់ចុះ

ដោយ ប៉េងលីន
បញ្ហាការផលិត Huawei Pura 70 Series អាចនឹងធ្វើអោយការផ្គត់ផ្គង់ទៅលើម៉ូដែល Pro មានការលំបាក

បញ្ហាការផលិត Huawei Pura 70 Series អាចនឹងធ្វើអោយការផ្គត់ផ្គង់ទៅលើម៉ូដែល Pro មានការលំបាក

ដោយ ប៉េងលីន