នៅពេលនេះ Xiaomi Pad 6S Pro បានប្រកាសចេញជាផ្លូវការនៅលើទីផ្សារសកលហើយជាមួយនិងស្មាតហ្វូន Xiaomi 14, Xiaomi 14 Ultra រួមនិងផលិតផលថ្មីៗមួយចំនួនទៀត។ ការបបង្ហាញវត្តមានរបស់ថេប្លេតថ្មីនេ ត្រូវបានធ្វើឡើងនៅក្នុងព្រឹត្តិការណ៌ MWC 2024 ដែលរៀបចំនៅទីក្រុងបាសេឡូណាប្រទេសអេស្ប៉ាញ។ ថេប្លេតនេះ ដំណើរការនៅលើបន្ទះឈីបជំនាន់ថ្មីរបស់ Qualcomm និងមានអេក្រង់ទំហំ 12.4-អ៊ីង ហើយនិងមានការគាំទ្រដោយស្បែកមុខកម្មវិធី HyperOS។
បើតាមការបញ្ជាក់ពីក្រុមហ៊ុន Xiaomi បានអោយដឹងថា ថេប្លេតនេះ គឺមានអេក្រង់ទំហំ 12.4-អ៊ីង បង្ហាញចេញបាននៅលើខ្នាត 3:2 display។ អេក្រង់នេះ គឺជាកញ្ចក់ LCD បង្ហាញចេញបានទំហំ 3048x2032 pixels (3K) ហើយនិងមានកម្រិត 294 PPI ល្បឿន 144Hz refresh rate រួមនិងកម្រិតនៃការចាក់ពណ៌ 12-bit color depth។ អេក្រង់នេះគាំទ្រដោត Dolby Vision និងមានទ្រទ្រង់ដោយកម្រិតនៃការឆ្លើយតបបាន 240Hz touch sampling rate ហើយនិងមានពន្លឺ 900 nits peak brightness។
ថេប្លេតនេះដំណើរការនៅលើបន្ទះឈីប Qualcomm Snapdragon 8 Gen 2 SoC និងមានរ៉េម LPDDR5x រួមជាមួយនិងអង្គចងចាំ UFS 4.0។ ថេប្លេតនេះ រត់នៅលើស្បែកមុខកម្មវិធី HyperOS ផ្អែកលើ Android 14 និងមានថ្មទំហំ 10000mAh ដែលគាំទ្រនូវកម្លាំងសាកដល់ទៅ 120W wired charging។ ថេប្លេងនេះ បំពាក់នូវបច្ចេកវិទ្យា WiFi 7, Bluetooth 5.3 និងមានរន្ធ USB 3.2 Gen 1។ សម្រាប់ការថតរូប គឺមានកាមេរ៉ាក្រោយភ្លោះទំហំ 50MP + 2MP (depth) និងមានកាមេរ៉ាមុខទំហំ 32MP។ នៅលើថេប្លេតនេះ គឺមានឧបាល័រ 6 គ្រាប់ និងមានភ្ជាប់នូវ official accessories ចំនួន 2 រួមមានដូចជា Touchpad Keyboard និង Focus Pen។
Xiaomi Pad 6S Pro មានតម្លៃ €699 សម្រាប់ទំហំ 8GB+256GB និងមានជម្រើសមួយពណ៌ប៉ុណ្ណោះ គឺពណ៌ខ្មៅ។ សម្រាប់ Touchpad Keyboard និង Focus Pen មានតម្លៃ €169 និង €99។ ចំពោះតម្លៃខាងលើនេះ មានភាពខុសគ្នាអាស្រ័យលើទីផ្សារខុសៗគ្នា។
