Xiaomi Civi 4 គឺជាស្មាតហ្វូនជំនាន់ថ្មីមួយរបស់ក្រុមហ៊ុន Xiaomi ត្រូវបានគេទម្លាយថា នឹងបង្ហាញខ្លួនឆាប់ៗនេះហើយ។ ស្មាតហ្វូននេះ មានការបែកធ្លាយព័ត៌មានតាំងពីប៉ុន្មានខែមុនមកម្លេះ ដោយមានការបញ្ជាក់ពីការប្រើប្រាស់បន្ទះឈីបរបស់ MediaTek ហើយបន្ទាប់មកក៏មានពាក្យចចាមអារ៉ាមបន្តថា នឹងមានការប្រើប្រាស់នូវបន្ទះឈីប Snapdragon 7 series ផងដែរ។ ថ្មីៗនេះ ក៏មានការបញ្ជាក់ជាថ្មីថា ស្មាតហ្វូននេះ ក៏អាចនឹងមានការបំពាក់នូវបន្ទះឈីប Snapdragon 8 series SoC ថែមទៀតផង។ សម្រាប់ថ្ងៃនេះវិញ គឺមានការទម្លាយព័ត៌មានថ្មី ពីផ្នែកផ្សេងដែលមានប្រើប្រាស់នៅលើស្មាតហ្វូននេះវិញម្តង។
យោងតាមការទម្លាយចេញពី Digital Chat Station បានបង្ហាញថា ស្មាតហ្វូនស៊េរីថ្មី Xiaomi Civi 4 នឹងមានការប្រើប្រាស់នូវបន្ទះឈីបដែលមានលេខកូដ Qualcomm SM8635។ ប៉ុន្តែមកដល់ពេលនេះ នៅមិនទាន់មានការបញ្ជាក់ពីលក្ខណៈសម្បត្តិនៅលើបន្ទះឈីប Snapdragon 8 series នោះទេ។ អ្នកទម្លាយរូបនេះ ក៏បានបង្ហើបនូវព័ត៌មានថ្មីនៃផ្នែកខាងមុខនេះស្មាតហ្វូននេះផងដែរ។ ស្មាតហ្វូននេះ នឹងមានអេក្រង់រាបស្មីរ មានសមត្ថភាពបង្ហាញចេញបានកម្រិត 1.5K។ អេក្រង់នេះ ក៏មានភាពកោង 2.7D micro ដូចក្នាជាមួយនិងអេក្រង់គែមកោងដែលប្រើប្រាស់នៅលើស្មាតហ្វូន Xiaomi 14 series អញ្ចឹងដែរ។
អ្វីដែលគួរអោយចាប់អារម្មណ៌ខ្លាំងនោះ គឺស្មាតហ្វូននេះ ក៏មានការបំពាក់នូវកាមេរ៉ាដែលការគាំទ្រនូវបច្ចេកវិទ្យារបស់ Leica ជាមួយនិងការប្រើប្រាស់នូវសិនស័រកាមេរ៉ាទំហំ 50MP។ ជាមួយនិងដំណើរកាមេរ៉ាថ្មីនេះ បញ្ជាក់ថា នេះគឺជាស្មាតហ្វូនដំបូងរបស់ម៉ូដែលមិនមែនស្ថិតក្នុង Xiaomi series ដែលទទយលបាននូវការបំពាក់នូវប្រព័ន្ធកាមេរ៉ារបស់ Leica branding។ ស្មាតហ្វូននេះក៏នឹងមានការឌីស្សាញស៊ុមជុំវិញពីលោហៈ និងមានខ្នងក្រោយឌីស្សាញពីកញ្ចក់ដូចម៉ូដែលប្រណិតអញ្ចឹងដែរ។ ស្មាតហ្វូននេះ នឹងមានថ្មទំហំ 5,000mAh និងមានការគាំទ្រនូវកម្លាំងសាក 100W charging (possibly 120W)។
ផ្អែកលើព័ត៌មានថ្មីនៅថ្ងៃនេះ បញ្ជាក់ថា Xiaomi Civi 4 នឹងមានការលក្ខណៈសម្បត្តិខុសពីជំនាន់មុន ដោយសារតែម៉ូដែលដំបូងគេ គឺមាអេក្រង់កោង និងមានកាមេរ៉ាមុខភ្លោះ ហើយនិងប្រើប្រាស់បន្ទះឈីបស្មាតហ្វូនថ្នាក់កណ្តាល។Civi 4 ត្រូវបានគេរំពឹងថា នឹងប្រកាសចេញនៅក្នុងខែឧសភាខាងមុខនេះ។