ក្រុមហ៊ុន LG Electronic ប្រចាំសហរដ្ឋអាមេរិកបានធ្វើការប្រកាសចេញស្មាតធីវី OLED evo G4 និង C4 Series 2024 ហើយនៅពេលនេះក្រុមហ៊ុនក៏បានបើកទទួលការបញ្ជាទិញនៅលើគេហទំព័រផ្លូវការណ៍របស់ក្រុមហ៊ុន ចំនែកការនាំចេញនឹងត្រូវធ្វើឡើងនៅចុងខែមីនានេះ។ សម្រាប់អតិថិជនដែលធ្វើការបញ្ជាទិញដំបូងៗ គឺទទួលបានដូចជា LG Smart Cam, cashback rewards, និងសេវាកម្មដំឡើង complimentary setup services។
សម្រាប់ម៉ូដែល LG OLED evo G4 Series គឺមានជម្រើសទំហំអេក្រង់ដល់ 97-inch ខណៈម៉ូដែល LG OLED evo C4 Series មានជម្រើសអេក្រង់តូចបំផុតត្រឹម 42-inch។ បន្ថែមពីនេះ LG ក៏មានការបញ្ចុះតម្លៃសម្រាប់ឧបករណ៍ Soundbar ស៊េរីថ្មី នៅពេលដែលបានជាវស្មាតធីវីស៊េរីថ្មីទាំងពីរខាងលើណាមួយថែមទៀតផង ដើម្បីផ្តល់ជូនទាំងបទពិសោធន៍គុណភាពរូបភាពដ៏រស់រវ៉ើក ជាមួយបច្ចេកវិទ្យាសំឡេងដ៏អស្ចារ្យសម្រាប់ការកម្សាន្តនៅក្នុងគេហដ្ឋាន។ឋ LG OLED evo G4 Series 2024 ត្រូវបានក្រុមហ៊ុនធ្វើការបំពាក់នូវបច្ចេកវិទ្យាបន្ទះឈីប a11 (Alpha) AI Processor ដែលផ្តល់នូវគុណភាពរូបភាព និងសំឡេងគុណភាពខ្ពស់ ជាមួយបច្ចេកវិទ្យា Brightness Booster Max technology ដែលជួយបង្កើនគុណភាពកម្រិតពន្លឺភ្លឺច្បាស់ដល់ 150%។
ចំនែកម៉ូដែល OLED evo C4 Series គឺបានបំពាក់នូវបច្ចេកវិទ្យាបន្ទះឈីប a9 (Alpha) Processor Gen 7 ដែលផ្តល់នូវគុណភាពរូបភាព និងកម្រិតពន្លឺគុណភាពខ្ពស់បំផុត។ ស្មាតធីវីស៊េរីថ្មីឆ្នាំ 2024 របស់ LG ទាំងពីរនេះ បានបំពាក់នូវប្រព័ន្ធបច្ចេកវិទ្យា AI ដើម្បីជួយបង្កើនគុណភាពរូបភាព កម្រិតទឹកពណ៌ កាន់តែភ្លឺច្បាស់ ព្រមទាំងជួយដល់កម្រិតសំឡេងបានក្នុងគុណភាពខ្ពស់បំផុតសម្រាប់ការកម្សាន្ត។
សម្រាប់អតិថិជនដែលជា Gamer វិញ គឺពិតជាត្រូវចិត្តបំផុតសម្រាប់ការលេងហ្គេមនៅលើអេក្រង់ដ៏ធំច្បាស់ ដោយសារតែអេក្រង់ស្មាធីវី LG ជំនាន់ថ្មីទាំងពីរស៊េរីនេះ គឺកម្រិតបង្ហាញដល់ 4K ជាមួយល្បឿន refresh rate ដល់ 144Hz និងគាំទ្រប្រព័ន្ធមុខងារ NVIDIA G-SYNC និង AMD FreeSync ដើម្បីជួយបង្កើនលទ្ធភាពដំណើរការលើអេក្រង់កាន់តែមានភាពរលូន Smooth ល្អផ្តល់នូវបទពិសោធន៍ក្នុងការដំណើរការលេងហ្គេមកាន់តែអស្ចារ្យ។
LG OLED evo G4 និង C4 Series 2024 ដំណើរការដោយប្រតិបត្តិការ webOS Platform ដែលផ្តល់នូវកម្មវិធី និងមុខងារប្រើប្រាស់ថ្មីៗទំនើបៗដ៏សម្បូរបែបសម្រាប់ការកម្សាន្ត។ ស្មាតធីវីស៊េរីថ្មីនេះ ក៏គាំទ្រដំណើរការជាមួយឧបករណ៍ឆ្លាតវៃក្នុងផ្ទះក៏ដូចជាមុខងា Apple AirPlay និង Google Chromecast ថែមទៀតផង។ ជាពិសេស LG បានសន្យាក្នុងការផ្តល់នូវការធ្វើបច្ចុប្បន្នភាព webOS នៅលើស្មាតធីវីស៊េរីថ្មីរបស់ខ្លួនរយះពេលដល់ទៅ 5 ឆ្នាំ ដើម្បីផ្តល់ជូនអ្នកប្រើប្រាស់នូវមុខងារ និងកម្មវិធីថ្មីៗទាន់សម័យកាល។ LG OLED evo G4 និង C4 Series 2024 នឹងប្រកាសចេញលក់ផ្លូវការណ៍នៅថ្ងៃទី 17 ខែមីនា។
ក្នុងនោះម៉ូដែល LG OLED evo C4 Series មានជម្រើសទំហំអេក្រង់ចាប់ពី 42-inch/48-inch/55-inch/65-inch/77-inch ដល់ 83-inch ដោយម៉ូដែលអេក្រង់តូច(42-inch) គឺខ្ទង់ $1,499.99 និងម៉ូដែលអេក្រង់ធំបំផុត (83-inch) ខ្ទង់ $5,399.99។ ចំនែកម៉ូដែល LG OLED evo G4 Series មានជម្រើសទំហំចាប់ពី 55-inch/65-inch/77-inch/83-inch ដល់ 97-inch ជាមួយតម្លៃចាប់ពីខ្ទង់ $2,600 សម្រាប់ម៉ូដែលអេក្រង់តូចបំផុត (55-inch) និងខ្ទង់ $24,999.99 សម្រាប់ម៉ូដែលអេក្រង់ធំបំផុត (97-inch)៕
