បន្ទាប់ពីបានបង្ហាញវត្តមាននៅក្នុងព្រឹត្តិការណ៌តាំងពិពណ៌រថយន្ត Geneva Motor Show រួចមក រថយន្តជំនាន់ថ្មី IM L6 ត្រូវបានការិយាល័យព័ត៌មានរបស់ប្រទេសចិន បញ្ចេញនូវព័ត៌មានលក្ខណៈសម្បត្តិជាច្រើន។ យោងតាមការទម្លាយនៅថ្ងៃនេះ បានបញ្ជាក់ថា រថយន្តជំនាន់ទី 4 របស់ IM ដែលគ្រប់គ្រដោយក្រុមហ៊ុន SAIC មួយនេះ នឹងមានការប្រកាសចេញជាផ្លូវការ នៅលើទីផ្សារនាខែឧសភាខាងមុខនេះ ហើយនឹងបន្តដាក់លក់នៅលើទីអាមេរិកខាងត្បូង និងទីផ្សារអឺរ៉ុបនៅឆ្នាំ 2025។
រថយន្តថ្មីនេះ ត្រូវបានគេបញ្ជាក់ថា នឹងមានវិមាត្រ 4931/1960/1474 mm និងមានគម្លាតកង់មុខក្រោយប្រវែង 2950mm ហើយនិងមានទម្ងន់ 2040kg សម្រាប់ម៉ូដែលដំណើរការកង់ក្រោយ និងទម្ងន់ 2250kg សម្រាប់ម៉ូដែលដំណើរការកង់ទាំង 4។ ចំពោះរថយន្តដែលដំណើរការកង់ក្រោយពីនែះ គឺមានការបំពាក់នូវម៉ូទ័រកម្លាំង 250kW electric motor។ ជាមួយនិងការប្រកាសចេញនេះ ក្រុមហ៊ុនក៏នឹងមានផ្តល់នូវជម្រើសអាគុយអគ្គិសនីកម្លាំង 90 ឬ 100 kWh ternary lithium (NCM) ដែលផលិតចេញដោយ CATL ផងដែរ។
សម្រាប់រថយន្តដំណើរការកង់ក្រោយ 2 គឺនឹងតរត់បានចម្ងាយ 720km CLTC range ខណៈដែលម៉ូដែលដំណើរការដោយ កង់ទាំង 4 គឺអាចធ្វើដណើរបាន 770km។ យោងតាមអ្នកនាំពាក្យនៅទីក្រុង Geneva បានបញ្ជាក់ថា រថយន្តនេះ ក៏មានម៉ូដែលប្រើប្រាស់ថាមពលថ្ម solid state ផងដែរ ដោយមានសមត្ថភាពអាចរត់បាន 800km (WLTP) range ឬ 1000 km CLTC។
ទាក់ទងនិងព័ត៌មាន មានការបង្ហោះនៅលើ Weibo ដោយលោក Liu Tao ដែលជានាយកប្រតិបត្តិរបស់ IM បាននិយាយទៅកាន់បណ្តាញផ្សព្វផ្សាយប្រទេសចិនថា រថយន្ត L6 នឹងក្លាយជាម៉ូដែលមួយ ដែលនឹងលក់ដាច់បំផុតសម្រាប់ម៉ាកយីហោរបស់ IM។ ជាមួយគ្នានេះក៏មានការបញ្ជាក់ថា រថយន្តនេះ ក៏នឹងប្រើប្រាស់បច្ចេកវិទ្យាថ្មីនៅលើកង់ទាំង 4 ដូចអ្វីដែលយើងបានឃើញនៅលើ Yangwang U8 អញ្ចឹងដែរ។ ជាពិសេសរថយន្តនេះ ក៏អាចនឹងមានមុខងារបើកបរដោយស្វ័យប្រវត្តិផងដែរ បន្ទាប់ IM Motors ទទួលបាននូវសិទ្ធិតេសាកល្បងមុខងារនេះនៅលើ L3 សម្រាប់ទីក្រុងសៀងហៃរួចមក។
