Infinix Smart 8 Plus បានធ្វើការប្រកាសចេញលក់ផ្លូវការណ៍នៅទីផ្សារប្រទេសឥណ្ឌា បន្ទាប់ពីបានធ្វើការប្រកាសចេញនៅលើទីផ្សារសកលកាលពីខែមករា។ ស្មាតហ្វូនកម្រិតបង្គួរស៊េរីថ្មីមួយនេះ ត្រូវបានក្រុមហ៊ុនធ្វើការឌីស្សាញឡើងជាមួយភាពស្រស់ស្អាតទាក់ទាញជាមួយស៊ុមជុំវិញទាលជាមួយនឹងកញ្ចប់លែនកាមេរ៉ាធំដ៏ទាក់ទាញ។
ស្មាតហ្វូនធុនបង្គួរស៊េរីថ្មីមួយនេះបំពាក់អេក្រង់ IPS LCD Display ទំហំ 6.6-inch គាំទ្រកម្រិតបង្ហាញ HD+ (720 x 1612px) នៅលើខ្នាត 20:9 ratio ជាមួយរន្ធទំលុះអេក្រង់មួយគ្រាប់។ អេក្រង់ស្មាតហ្វូននេះគាំទ្រកម្រិតល្បឿន refresh rate 90Hz និងមានកម្រិតពន្លឺ 500nits។ អេក្រង់ស្មាតហ្វូននេះ គាំទ្របច្ចេកវិទ្យាអេក្រង់ Dynamic Island ដូច iPhone ជំនាន់ចុងក្រោយដែរ ដោយ Infinix ហៅថា Magic Ring ដែលបង្ហាញមុខងារជាច្រើនដូចជាសារជូនដំណឹង ថាមពលថ្ម និងភាគរយនៅពេលសាកថ្មជាដើម។ Infinix Smart 8 Plus ក៏គាំទ្រមុខងារស្កែនមុខដោះសោរថែមទៀតផង ហើយក៏មានបច្ចេកវិទ្យាស្កែនម្រាមដៃនៅលើស៊ុមខាងស្តាំផងដែរ។
ស្មាតហ្វូនធុនបង្គួរស៊េរីថ្មីនេះប្រើនូវបន្ទះឈីប MediaTek Helio G36 ល្បឿន 2.2GHz ភ្ជាប់ដោយរ៉េមប្រភេទ LPDDR4x ទំហំ 4GB និងម៉េមូរី eMMC5.1 ទំហំ 128GB។ បន្ថែមពីនេះក៏មានមុខងារពង្រីកទំហំរ៉េមបានទំហំ 4GB បន្ថែមទៀត និងអាចដាក់បន្ថែមម៉េមូរីក្រៅបានដល់ 2TB។ Infinix Smart 8 Plus ដំណើរការដោយ XOS 13 ដែលគាំទ្រដោយ Android 13 Go។ ស្មាតហ្វូនស៊េរីថ្មីនេះ មានកាមេរ៉ាក្រោយទំហំ 50MP ជាមួយកាមេរ៉ា AI Len និងអំពូល Quad-LED Flash ហើយនិងមានកាមេរ៉ាមុខទំហំ 8MP។
Infinix Smart 8 Plus មានថ្មទំហំ 6000mAh និងគាំទ្របច្ចេកវិទ្យាសាកភ្លើងល្បឿន 18W តាមរយះរន្ធ USB-C។ ស្មាតហ្វូននេះមានកម្រាស់ 8.95mm ជាមួយទំងន់ 204ក្រាម និងមានរន្ធដោតកាសខ្នាត 3.5mm។ Smart 8 Plus មានជម្រើសពណ៌ស ទឹកមាស និងខ្មៅ ហើយនិងមានតម្លៃខ្ទង់ប្រហែល $94 ដែលនឹងត្រូវចេញលក់នៅទីផ្សារប្រទេសឥណ្ឌានៅថ្ងៃទី 9 ខែមីនាខាងមុខនេះ៕