no-alternative title

ហេតុផលចំនួន 5 នេះហើយ ដែលបានធ្វើអោយរថយន្តអគ្គិសនី Xiaomi បង្កើតនូវរលកថ្មីនៅក្នុងទីផ្សាររថយន្តប្រទេសចិន

នៅពេលនេះ រថយន្តអគ្គិសនី Xiaomi SU7 គឺមានការកើនឡើងនូវការចាប់អារម្មណ៍យ៉ាងខ្លាំងនៅលើទីផ្សារប្រទេសចិន ដែលរហូតដល់អតិថិជនខ្លាំងបានរង់ចាំអស់ជាច្រើនម៉ោងនៅក្រៅហាងលក់រថយន្តនេះ ដើម្បីបានការបញ្ជាទិញរថយន្តនេះថែមទៀតផង។ ការបង្ហាញវត្តមាននៃរថយន្តអគ្គិសនីនេះ គឺមានការបញ្ជាទិញខ្ពស់មែនទែនដល់ទៅ 88,000 គ្រឿង នៅក្នុងពេលត្រឹមតែ 24 ម៉ោង ដែលចំនួននេះ នៅតែបន្តកើនឡើងជាបន្តរទៀតមកដល់ពេលនេះ។ ភាគហ៊ុនរបស់ក្រុមហ៊ុននេះ គឺបានកើនឡើងដល់ទៅ 16% ដែលបង្ហាញអំពីភាពរឹងមាំ និងការចាប់អារម្មណ៍ខ្លាំងក្លាទៅលើរថយន្តដ៏ប្រណិតនេះ។ ស្ទើរតែគ្រប់ផ្នែកទាំងអស់នៅក្នុងប្រទេសចិន មនុស្សជាច្រើន បាននិយាយអំពីរថយន្តអគ្គិសនីនេះ។

 

រូបភាពពាណិជ្ជកម្ម
no-alternative title

សូមជំរាបថា នៅពេលនេះ នៅក្នុងទីផ្សាររបស់ចិន មានរថយន្តអគ្គសនីប្រណិតជាច្រើន ដែលរួមមានដូចជា ដូចជា BYD, Tesla, Geely និងម៉ូដែលជាច្រើនទៀត ប៉ុន្តែហេតុអ្វីបានជាពួកគេចាប់អារម្មណ៍ខ្លាំងទៅលើរថយន្ត Xiaomi SU7 នេះវិញ។ ខាងក្រោមនេះ គឺជាហេតុផលសំខាន់ ចំនួន 5 ដែលរថយន្តអគ្គិសនីរបស់ក្រុមហ៊ុន Xiaomi ទទួលបាននូវការចាប់អារម្មណ៍ខ្លាំងបែបនេះ។

1. យុទ្ធសាស្រ្តការប្រកួតប្រជែងទៅលើតម្លៃ

ក្រុមហ៊ុន Xiaomi គឺកំពុងតែលេងហ្គេមនៅក្នុងទីផ្សារនៃតម្លៃរថយន្តអគ្គិសនី។ រថយន្ត SUV នេះ គឺប្រើប្រាស់នូវការប្រកួតប្រជែងទៅលើតម្លៃ។ រថយន្តនេះ អាចប្រកួតប្រជែងបានជាមួយនឹងក្រុមហ៊ុនអគ្គិសនីជាច្រើនដូចជា Tesla និង BYD ខណៈពេលដែលក្រុមហ៊ុន Xiaomi បានលក់រថយន្ត SUV នៅក្នុងតម្លៃមួយដែលទាប។ រថយន្តនេះ គឺមាន 3 ម៉ូដែលដូចជា ម៉ូដែលស្តង់ដារ Standard, Pro និងម៉ូដែល Max ហើយនឹងមានតម្លៃចន្លោះពី RMB 215,900 ($29,870) និង RMB 299,900 ($41,500)។

2. ការធ្វើដំណើរបានដល់ទៅ 800km

រថយន្ត Xiaomi SU7 នេះ មានបំពាក់នូវបច្ចេកវិទ្យាដ៏ប្រណិត និងលក្ខណៈសម្បត្តិជាច្រើន ដែលទទួលបាននូវការចាប់អារម្មណ៍ខ្លាំងពីអ្នកប្រើប្រាស់នៅក្នុងប្រទេសចិន។ រថយន្តជំនាន់ថ្មីនេះ មានការចាប់អារម្មណ៍ជាងរថយន្ត Model 3 របស់ Tesla ដោយសារតែរថយន្តនេះអាចធ្វើដំណើរបានច្រើនជាង 700km ក្នុងការសាកថ្មម្តង ហើយវាពិសេសរថយន្ត SUV នេះផ្តល់នូវបទពិសោធន៍នៃការធ្វើដំណើរដ៏អស្ចារ្យបំផុត។ 

3. កេរិ្តឈ្មោះដ៏ខ្លាំងក្លា

សម្រាប់កេរិ្តឈ្មោះដ៏ខ្លាំងក្លារបស់ក្រុមហ៊ុន Xiaomi នៅក្នុងទីផ្សាររបស់ប្រទេសចិននោះ គឺពិតជាសំខាន់មែនទែនក្នុងការជម្រុញទៅលើការលក់នៃរថយន្ត SU7 នេះ។ ផលិតផលរបស់ក្រុមហ៊ុននេះ មានភាពធន់ក្នុងការប្រើប្រាស់ ហើយវាក៏ជឿជាក់ថែមទៀត ក្រុមហ៊ុន Xiaomi ទទួលបាននូវការទុកចិត្ត និងភាពស្មោះត្រង់ពីអតិថិជនជាច្រើនរបស់ Xiaomi អស់ជាច្រើនឆ្នាំ មកហើយ។ ដូចនេះ ការលក់ទៅលើរថយន្ត SU7 នេះ ក៏ទាក់ទាញអ្នកប្រើប្រាស់ដែលជាអ្នកគាំទ្ររបស់ Xiaomi ថែមទៀតផង។

4. ផលិតកម្មរហ័ស និងតម្រូវការទីផ្សារខ្ពស់

ដំណើរការនៃការផលិតមានភាពរហ័ស និងតម្រូវការទីផ្សារខ្ពស់សម្រាប់រថយន្ត Xiaomi SU7 នៅក្នុងប្រទេសចិន ដែលមានការបញ្ជាទិញច្រើនជាង 50,000 គ្រឿង នៅក្នុងពេលការលក់ត្រឹមតែ 27 នាទី រថយន្ត SU7 នេះ ទទួលបាននូវការចាប់អារម្មណ៍ខ្លាំងក្លានៅក្នុងប្រទេសចិន និងអ្នកប្រើប្រាស់សកលថែមទៀត។ កេរិ្តឈ្មោះរបស់រថយន្តSUV នៅក្នុងប្រទេសចនេះ គឺដោយសារតែប្រវត្តិដ៏រុងរឿងរបស់ក្រុមហ៊ុន Xiaomi ផងដែរ។

5. ភាពជាអ្នកដឹកនាំប្រកបដោយចក្ខុវិស័យ និងគោលដៅស្របទៅតាមមហិច្ឆិតា

ភាពជាអ្នកដឹកនាំប្រកបដោយចក្ខុវិស័យខ្ពស់របស់ក្រុមហ៊ុន Xiaomi ក្រោមការដឹកនាំដោយនាយកប្រតិបត្តិលោក Lei Jun បានបញ្ជាក់អំពីគោលដៅនៃមហិច្ឆិតាសម្រាប់រថយន្ត SU7 និងមហិច្ឆិតាធំជាងនេះ ទៀតរបស់ក្រុមហ៊ុន Xiaomi នៅក្នុងឧស្សាហកម្មរថយន្តនេះ។ ជាមួយនឹងការជម្រុញក្នុងការឈានទៅចាប់ចំណាត់ថ្នាក់ Top 5 នៅក្នុងទីផ្សាររថយន្តស្វ័យប្រវត្តិនេះនៅក្នុងពេល 15ឆ្នាំ - 20 ឆ្នាំទៀតនោះ ក្រុមហ៊ុន Xiaomi ក៏បង្ហាញអំពីការប្តេជ្ញាចិត្តរយៈពេលវែងក្នុងការអភិវឌ្ឍទៅលើបច្ចេកវិទ្យា និងកេរិ៍្តឈ្មោះក្រុមហ៊ុនសម្រាប់ទីផ្សាររថយន្តអគ្គិសនីនេះផងដែរ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Changan E07 រថយន្តអគ្គិសនីប្រភេទ SUV ស៊េរីថ្មីនឹងបង្ហាញវត្តមាននៅក្នុងព្រឹត្តិការណ៍ពិព័រណ៌រថយន្ត Beijing Auto Show

Changan E07 រថយន្តអគ្គិសនីប្រភេទ SUV ស៊េរីថ្មីនឹងបង្ហាញវត្តមាននៅក្នុងព្រឹត្តិការណ៍ពិព័រណ៌រថយន្ត Beijing Auto Show

ដោយ ប៉េងលីន
ការលក់ថ្ងៃដំបូងរបស់ស្មាតហ្វូន Huawei Pura 70 Ultra និង Pro អស់ស្តុករលីង នៅក្នុងពេលតែមួយនាទីប៉ុណ្ណោះ!

ការលក់ថ្ងៃដំបូងរបស់ស្មាតហ្វូន Huawei Pura 70 Ultra និង Pro អស់ស្តុករលីង នៅក្នុងពេលតែមួយនាទីប៉ុណ្ណោះ!

ដោយ ប៉េងលីន
កាមេរ៉ានៅលើ iPhone 16 Pro នឹងមានសមត្ថភាពខ្ពស់អាចដោះស្រាយបានទៅលើបញ្ហា Flare និង Ghosting

កាមេរ៉ានៅលើ iPhone 16 Pro នឹងមានសមត្ថភាពខ្ពស់អាចដោះស្រាយបានទៅលើបញ្ហា Flare និង Ghosting

ដោយ ប៉េងលីន
Huawei Nova 13 Series ក៏អាចនឹងបំពាក់នូវបន្ទះឈីបជំនាន់ថ្មី Kirin 9010 ដូច Pura 70 Series អញ្ចឹងដែរ

Huawei Nova 13 Series ក៏អាចនឹងបំពាក់នូវបន្ទះឈីបជំនាន់ថ្មី Kirin 9010 ដូច Pura 70 Series អញ្ចឹងដែរ

ដោយ ប៉េងលីន
Samsung ឡើងឈរលើកំពូលតារាងនៅក្នុងត្រីមាសទី 1 ឆ្នាំ 2024 បន្ទាប់ពីការនាំចេញទៅលើ iPhone មានការធ្លាក់ចុះ

Samsung ឡើងឈរលើកំពូលតារាងនៅក្នុងត្រីមាសទី 1 ឆ្នាំ 2024 បន្ទាប់ពីការនាំចេញទៅលើ iPhone មានការធ្លាក់ចុះ

ដោយ ប៉េងលីន
បញ្ហាការផលិត Huawei Pura 70 Series អាចនឹងធ្វើអោយការផ្គត់ផ្គង់ទៅលើម៉ូដែល Pro មានការលំបាក

បញ្ហាការផលិត Huawei Pura 70 Series អាចនឹងធ្វើអោយការផ្គត់ផ្គង់ទៅលើម៉ូដែល Pro មានការលំបាក

ដោយ ប៉េងលីន