ក្រុមហ៊ុន iQOO ដែលជាក្រុមហ៊ុនផលិតស្មាតហ្វូនដែលមានភាពខ្លាំងក្លាកម្រិតខ្ពស់ក្នុងការប្រើប្រាស់នោះ ទើបតែប្រកាសអំពីការ upgrade ទៅកាន់ស្មាតហ្វូនថ្មីចុងក្រោយបំផុតរបស់ខ្លួន។ ក្រុមហ៊ុននេះ បានបញ្ជាក់នៅលើបណ្តាញ Weibo ថា ស្មាតហ្វូន iQOO 12 និង iQOO Neo 9 series នឹងទ្រទ្រង់ទៅលើបច្ចេកវិទ្យា WIFi 7 នៅក្នុងប្រទេសចិន។
ខណៈពេលដែលស្មាតហ្វូនជាច្រើននៅក្នុងប្រទេសចិន នឹងទទួលបាននូវការ upgrade នេះ គេនៅមិនទាន់មានការបញ្ជាក់នោះទេ ថាតើ ម៉ូដែលសម្រាប់ទីផ្សារសកលរបស់ស្មាតហ្វូន iQOO series នេះ នឹងទទួលបាននូវការទ្រទ្រង់ទៅលើ WiFi 7 នេះដែរឬយ៉ាងណានោះ។ បច្ចេកវិទ្យា WiFi 7 ផ្តល់នូវល្បឿនលឿនក្នុងការប្រើប្រាស់ ការកាត់បន្ថយទៅលើកម្រិត Latency និងការពង្រឹងទៅលើសមត្ថភាព network បើធៀបជាមួយនឹងម៉ូឌែល WiFI ស្តង់ដារចាស់ៗ។ ការនាំមកនូវសេវា គឺផ្តល់នូវភាពរលូនក្នុងការលេងហ្គេមអនឡាញ ការដោនឡូតលឿនជាងមុន និងការជឿជាក់នៅក្នុងការតភ្ជាប់អ៊ីនធឺណិតថែមទៀតផង។
បើនិយាយអំពីលក្ខណៈសម្បត្តិវិញនោះ ស្មាតហ្វូន iQOO 12 នេះមានបន្ទះឈីប Snapdragon 8 Gen 3, e-sports chip Q1 របស់ក្រុមហ៊ុន iQOO និងក្រាហ្វិកកាត Adreno 750 GPU ថែមទៀតផង។ ស្មាតហ្វូននេះដំណើរការនូវ Android 14 ផ្អែកទៅលើ OriginOS 4 ដែលផ្តល់នូវបទពិសោធន៍យ៉ាងអស្ចារ្យបំផុតក្នុងការប្រើប្រាស់។
ស្មាតហ្វូន iQOO 12 នេះ មានអេក្រង់ទំហំ 6.78-អ៊ីង AMOLED ខណៈពេលដែលម៉ូដែល 12 Pro នេះមានអេក្រង់គែមកោង។ ស្មាតហ្វូនទាំងពីរនេះ មានកម្រិត Refresh rate ខ្ពស់ និង resolutions ដ៏អស្ចារ្យថែមទៀត។ បន្ថែមពីនេះ ស្មាតហ្វូននេះមានកាមេរ៉ាដល់ទៅ 3 គ្រាប់ប្រភេទ high-resolution main, ultrawide និង telephoto lenses ផងដែរ។
សម្រាប់ស្មាតហ្វូន iQOO Neo 9 និង Neo 9 Pro នេះមានអេក្រង់ដ៏អស្ចារ្យដែលទ្រទ្រង់នូវមុខងារ HDR10+ និងមានល្បឿន 144Hz refresh rates។ ស្មាតហ្វូន Neo 9 នេះ មានបន្ទះឈីប Snapdragon 8 Gen 2 ខណៈពេលដែលស្មាតហ្វូន Neo 9 Pro នេះមានបន្ទះឈីប Dimensity 9300 ផងដែរ៕
