នៅក្នុងកំឡងពេលនៃព្រឹត្តិការណ៌ MWC 2024 ដែលប្រារព្ធឡើងនៅទីក្រុងបាសេឡូណា កាលពីខែកុម្ភៈ កន្លងទៅនេះ បានប្រកាសចេញនូវស្មាតហ្វូនជំនាន់ថ្មី Camon 30 series ចំនួន 4 ម៉ូដែល រួមមានដូចជា Camon 30, Camon 30 5G, Camon 30 Pro និងម៉ូដែលចុងក្រោយ Camon 30 Premier។ យោងតាមការបញ្ជាក់ពីព័ត៌មានថ្មីនៅថ្ងៃនេះ បានអោយដឹងថា ក្រុមហ៊ុននេះបានបង្ហាញចេញនូវស្មាតហ្វូនរបស់ខ្លួនចំនួន 3 ម៉ូដែល ខណៈដែលម៉ូដែលប្រណិតចុងក្រោយនេះ គឺនឹងធ្វើឡើងនៅខែមេសា។
ស្មាតហ្វូនជំនាន់ថ្មី Tecno Camon 30 Pro ដំណើរការនៅលើបន្ទះឈីប Dimensity 8200 នឹងមានកាមេរ៉ាក្រោយចំនួន 2 គ្រាប់ ដោយកាមេរ៉ាគោលមានទំហំ 50MP គាំទ្រសិនស័រ 1/1.56" និងមានមុខងារ OIS ខណៈដែលគ្រាប់ទីពីរមានទំហំ 50MP ultrawide។ ចំពោះកាមេរ៉ាមុខវិញ គឺមានទំហំដល់ទៅ 50MP។
ចំពោះស្មាតហ្វូន Camon 30 5G វិញ គឺដំណើរការនៅលើបន្ទះឈីប Dimensity 7020 អេក្រង់ទំហំ 6.78 អ៊ីង កញ្ចក់ AMOLED display បង្ហាញចេញបានកម្រិត Full HD+។ នៅលើស្មាតហ្វូននេះ មានកាមេរ៉ាមុខទំហំ 50MP និងកាមេរ៉ាក្រោយមានទំហំ 50MP គាំទ្រនូវមុខងងារ OIS និងមានការប្រើប្រាស់នូវសិនស័រ 1/1.57” sensor។ រីឯម៉ូដែល Camon 30 គឺមានថ្មទំហំ 5,000mAh គាំទ្រនូវបច្ចេកវិទ្យាសាកកម្លាំង 70W charging ព្រមទាំងបំពាក់នូវបន្ទះឈីប Helio G99។
Tecno Camon 30 Pro, Camon 30 5G និង Camon 30 4G គឺមានការដាក់លក់នៅលើទីផ្សារមួយចំនួននៅតំបន់អាហ្វ្រិកហើយ ដោយគិតមកដល់ពេលនេះ គឺមានចំនួនច្រើនជាង 70+ ទីផ្សារនៅជុំវិញពិភពលោក។ ចំពោះតម្លៃស្មាតហ្វូនថ្មីៗទាំងនេះ គឺមានតម្លៃខុសៗគ្នា នេះបើតាមការបង្ហាញនៅលើទីផ្សារនីមួយៗ។
