នៅពេលនេះ មានលេចលឺដំណឹងថា ក្រុមហ៊ុន Redmi បានត្រៀមខ្លួនប្រកាសបន្ថែមនូវសមាជិកថ្មីនៃ Redmi K70 lineup ថែមទៀតហើយ ដោយម៉ូដែលនេះមានឈ្មោះថា K70 Ultra។ យោងតាមការបែកធ្លាយថ្មីៗនេះបានទម្លាយ ចេញនូវមុខងារថ្មីៗមួយចំនួនដែលនឹងមានការបំពាក់នៅលើស្មាតហ្វូនថ្មីហើយ។
បើមើលទៅលើការបែកធ្លាយខាង លើដោយអ្នកទម្លាយ Smart Pikachu តាមរយ់ការបង្ហោះនៅលើបណ្តាញ Weibo បានអោយដឹងថា ស្មាតហ្វូន Redmi K70 Ultra នឹងមានការតម្លើងនូវថាមពលថ្មទំហំ 5500mAh ដែលធំជាងមុន 500mAh។ ស្មាតហ្វូននេះ នៅតែបន្តប្រើប្រាស់នូវកម្លាំងសា 120W ដដែល។
និយាយពីអេក្រង់វិញ នៅលើស្មាតហ្វូននេះ នឹងមានការបំពាក់នូវអេក្រង់កម្រិត 1.5K resolution display ខណៈ ដែលថ្មីៗនេះ មានការទម្លាយថា ស្មាតហ្វូននេះ ក៏នឹងមានការប្រើប្រាស់បន្ទះឈីបអេក្រង់ផ្តាច់មុខថែមទៀតផង។ ស្មាតហ្វូននេះអាចនឹងប្រើប្រាស់បន្ទះឈីបអេក្រង់ X7 ដូចអ្វីដែលយើងឃើញនៅលើ K60 Ultra អញ្ចឹងដែរហើយ អេក្រង់នេះ នឹងរត់បានជាមួយល្បឿន 144fps ទៀតផង។
ជាមួយគ្នានេះបើតាមការបង្ហោះនៅលើ Weibo ដោយអ្នកទម្លាយ Digital Chat Station និយាយថា ស្មាតហ្វូននេះ នឹងមានការបំពាក់នូវបន្ទះឈីប MediaTek ជំនាន់ថ្មី Dimensity 9300+។ ថ្មីៗនេះជាមួយនិងវត្តមានរបស់ស្មាត ហ្វូន Vivo X100s Pro ក៏នឹងមានប្រើឈីបនេះដែរ។ ស្មាតហ្វូននេះ នឹងមានការប្រើប្រាស់ស៊ុមលោហៈ និងមានខ្នង ក្រោយពីកញ្ចក់។ បន្ថែមពីនេះនៅលើស្មាតហ្វូន K70 Ultra ថ្មីនេះ ក៏នឹងមានការបំពាក់នូវបច្ចេកវិទ្យាការពារការ ជ្រាបទឹក និងធូលីថែមទៀតផង។ ស្មាតហ្វូន Redmi K70 Ultra ត្រូវគេរំពឹងថា នឹងបង្ហាញវត្តមាននៅខែមិថុណ ឬខែកក្កដាខាងមុខនេះហើយ។