no-alternative title
no-alternative title
no-alternative title

Samsung Galaxy Watch FE ត្រូវបានគេប្រទះឃើញបង្ហាញវត្តមាននៅលើបញ្ជីធ្វើតេស្ត One UI

និយាយដល់ស្មាតហ្វូន FE របស់ក្រុមហ៊ុន Samsung ដែលបានប្រកាសសចេញលក់កន្លងមក ត្រូវបានគេមើលឃើញថា បានទទួលជោគជ័យយ៉ាងខ្លាំងនៅលើទីផ្សារក្នុងស្រឡាយស្មាតហ្វូនត្រកូល Galaxy S ដែលមានតម្លៃសមរ្យ តែមានសមត្ថភាពខ្ពស់ដូចម៉ូដែលប្រណិតអញ្ចឹង។ ហើយថ្មីៗនេះ មានពាក្យចចាមអារ៉ាមជាច្រើនបញ្ជាក់ថា ក្រុមហ៊ុននេះ ក៏អាចនឹងពង្រីកបន្ថែមទៅលើស្មាតហ្វូនបត់បានជាច្រើនម៉ូដែលថែមទៀតផង។ តាមដំណឹងដែលទទួលបាននោះ សម្រាប់ FE ប្រហែលជាមិនមែនមានសម្រាប់តែស្មាតហ្វូនប៉ុណ្ណោះទេ។ ក្រុមហ៊ុន Samsung អាចនឹងប្រើប្រាស់ FE នេះ នៅលើស្មាតវ៉ចផងដែរ នោះគឺ  Galaxy Watch FE ផងដែរ។ 

 

រូបភាពពាណិជ្ជកម្ម
no-alternative title

នៅពេលនេះ បើតាមការចែកចែករបស់ Android Headlines បានបង្ហាញនូវ firmware ចុងក្រោយបំផុត ដែលបានធ្វើតេស្តសម្រាប់ Galaxy Watch FE នៅលើបញ្ជី Samsung OTA servers ហើយ។ ស្មាតវ៉ចថ្មីនេះ មានលេខម៉ូដែល SM-R861 ហើយនិងមានការបញ្ជាក់ថា គឺជាប្រភេទ WiFi។ សម្រាប់ software version វិញគឺ R861XXU0AXE5/R8610XM0AXE5 ដែលមានពាក្យថា “A” គឺសម្រាប់ One UI ដំបូងនៅលើឧបករណ៍នេះ ហើយសម្រាប់ “XE” គឺនឹងបង្ហាញខ្លួននៅក្នុងខែឧសភាឆ្នាំ 2024 នេះ។

 

របាយការណ៌ខាងលើនេះ ថែមទាំងមានការបង្ហាញអំពីការតេស្តទៅលើផលិតផលឆ្លាតវៃចំនួន 5 នៅក្នុងបញ្ជីនេះដែរ។ ហើយក្រុមហ៊ុន Samsung ពិតជាធ្វើការនៅលើ Watch FE ពិតមែន។ នៅក្នុងការតេស្តនេះក៏មានការទម្លាយអំពី WiFi version របស់ Watch FE ដែលនឹងមានវត្តមាននៅក្នុងប្រទេសកូរ៉េ អ៊ឺរ៉ុប និងទួរគីផងដែរ។  បើមើលទៅលើលេខម៉ូដែលខាងនេះ សម្រាប់ស្មាតវ៉ច Watch FE (SM-R861) នេះគឺមានភាពស្រដៀងគ្នាទៅនឹង Galaxy Watch4 (SM-R860) អញ្ចឹង។

ទាក់ទងនឹងរឿងនេះ មានពាក្យចចាមអារ៉ាមជាច្រើន បានបបញ្ជាក់ថា ស្មាតវ៉ច Watch FE នេះ នឹងមានលក្ខណៈសម្បត្តិជាច្រើនដូចទៅនឹង Galaxy Watch 4 ផងដែរ។ បន្ថែមពីនេះទៀតនោះ កាលពីពេលមុននេះ ស្មាតវ៉ចដែលមានលេខកូដ SM-R866F, SM-R866U និង SM-R866N ក៏ត្រូវបានគេឃើញមាននៅក្នុងប្រព័ន្ធ IMEI database ដូចគ្នា។ សូមជំរាបថា របាយការណ៍ខាងលើនេះ គឺចេញពី Android Headlines នឹងមានការបញ្ជាក់ថា នាឡិកាឆ្លាតវៃនេះ គឺជាម៉ូដែល LTE របស់ Watch FE នេះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍