គិតមកទល់នឹងពេលនេះ សម្រាប់ការបង្ហាញវត្តមានរបស់ Samsung Galaxy S25 Ultra គឺនៅសល់ពេលជាច្រើន ទៀត ប៉ុន្តែការបែកធ្លាយព័ត៌មាន និងពាក្យចចាមអារ៉ាមជាច្រើនរបស់ស្មាតហ្វូននេះត្រូវបានគេចែកចាយនៅលើអនឡាញហើយ។ ថ្មីៗនេះ ប្រព័ន្ធកាមេរ៉ា ហើយនិងការឌីស្សាញរូបរាងរបស់ស្មាតហ្វូនជំនាន់ថ្មីនេះ ក៏ត្រូវបានគេទម្លាយចេញដូចគ្នា។ យោងតាមការចេញផ្សាយព័ត៌មាននៅថ្ងៃនេះ បានបញ្ជាក់ថា ស្មាតហ្វូនជំនាន់ថ្មីនេះ បានឆ្លងកាត់ការចុះបញ្ជីនៅលើទិន្នន័យ International Mobile Equipment Identity (IMEI) certification website ហើយ។
ទាក់ទងជាមួយនិងព័ត៌មាននេះ អ្នកទម្លាយក៏បានចែកចាយនូវលក្ខណៈសម្បត្តិទូទៅរបស់ស្មាតហ្វូន Samsung Galaxy S25 Ultra នេះដូចគ្នា។ នៅលើបញ្ជីរបស់ IMEI មានការបញ្ជាក់ថា ស្មាតហ្វូនជំនាន់ថ្មីនេះ គឺស្ថិតនៅក្នុងដំណើរការហើយ ដោយនៅលើបញ្ជីនេះ គឺមានការបង្ហាញពីលេខកូដអក្សរ “U”។ ម៉ូដែលនេះត្រូវបានគេជឿជាក់ថា គឺស្មាតហ្វូន Galaxy S25 Ultra ដែលនឹងដាក់លក់នៅលើទីផ្សារអាមេរិក ជាមួយនិងទីផ្សារមួយចំនួនទៀត។ ប៉ុន្តែក្នុងបញ្ជីនេះ គឺនៅមិនទាន់មានការបញ្ជាក់ពីមុខងារសំខាន់ៗដែលនឹងមានការបំពាក់នៅលើស្មាតហ្វូន Samsung Galaxy S25 Ultra នេះនៅឡើយទេ។
សូមជំរាបថា មុននេះក៏មានការទម្លាយពីលក្ខណៈសម្បត្តិរបស់ស្មាតហ្វូនជំនាន់ថ្មី Samsung Galaxy S25 Ultra នេះផងដែរ។ បើតាមអ្នកទម្លាយ BenIt Bruhner Pro ដែលបង្ហោះសារនៅលើបណ្តាញ X នោះ គឺបានបង្ហាញពីមុខងារ និងលក្ខណៈសម្បត្តិរបស់ស្មាតហ្វូននេះជំនាន់ថ្មីរបស់ក្រុមហ៊ុន Samsung នេះផងដែរ។ ខាងក្រោមនេះ គឺព័ត៌មានបែកធ្លាយរបស់ Samsung Galaxy S25 Ultra។
•Display: Samsung Galaxy S25 Ultra ត្រូវគេរំពឹងថា នឹងមានអេក្រង់ទំហំ 6.9-អ៊ីង AMOLED 2x display មានកម្រិតពន្លឺ 3000nits ធំជាងម៉ូដែល Galaxy S24 Ultra មានអេក្រង់ត្រឹមតែ 6.8-អ៊ីងនិងមានកម្រិតត្រឹម 2,600nits។
•Chipset: ផ្អែកតាមអ្នកទម្លាយនេះ! Galaxy S25 Ultra គឺនឹងមានការបំពាក់នូវបន្ទះឈីបជំនាន់ថ្មី Qualcomm Snapdragon 8 Gen 4 SoC
•Rear cameras: ស្មាតហ្វូន Galaxy S25 Ultra នឹងបន្តប្រើប្រាស់ាកាមេរ៉ាគោលទំហំ 200MP និង 50MP ultrawide lens ហើយនិងគ្រាប់ទីបីទំហំ 50MP telephoto lens ហ៊្សូមបាន 3x optical zoom រួមនឹងគ្រាប់ទីបួនទំហំ 50MP telephoto sensor ហ៊្សូម 5x optical zoom។ ប្រៀបធៀបជាមួយនិងម៉ូដែលមុនគឺប្រើប្រាស់កាមេរ៉ា 200MP+50MP+10MP+12MP។
•Storage: ស្មាតហ្វូននេះ នឹងមានរ៉េម 12GB និង 16GB ហើយនិងមានអង្គចងចាំ 256GB, 512GB, និង 1TB។ ប្រៀបធៀជាមួយ Galaxy S24 Ultra គឺមានរ៉េមត្រឹមតែ 12GB ប៉ុណ្ណោះ ខណៈដែលអង្គចងចាំទំហំដូចគ្នា។
•Software: Samsung Galaxy S24 Ultra នឹងដំណើរការនៅលើ Android 15 ផ្អែកជាមួយស្បែកមុខកម្មវិធី One UI 7.1 សម្រាប់ deeper AI integration។ ស្មាតហ្វូននេះត្រូវគេទម្លាយថា នឹងអាចអាប់ដែត 7 ទៅលើកម្មវិធី និងប្រព័ន្ធសុវត្ថិភាព។
•Battery: Galaxy S25 Ultra អាចនឹងមានថ្មចន្លោះពីទំហំ 5,000mAh ទៅ 5,500mAh និងមានកម្លាំងសាក 65W wired fast charging ហើយក៏អាចនឹងមានបច្ចេកវិទ្យាសាក 25W wireless charging រួមនិង reverse wireless charging features ផងដែរ។
