BYD Seal 06 DM-i ស៊េរីឆ្នាំ 2026 អាចជិះដោយអគ្គិសនីសុទ្ធបាន 128km ចេញលក់ក្នុងតម្លៃជាង 1 ម៉ឺនស្តើងប៉ុណ្ណោះ

ក្រុមហ៊ុន BYD បានប្រកាសចេញលក់ផ្លូវការណ៍រថយន្ត mid-size sedan ស៊េរីថ្មីឆ្នាំ 2026 ម៉ូដែល Seal 06 DM-i នៅទីផ្សារប្រទេសចិនជាមួយតម្លៃចាប់ពី $13,600 និង $15,000។ BYD Seal 06 DM-i ត្រូវបានផលិតឡើងដោយប្រើប្រាស់ភាសារចនា “Ocean Series” ថ្មីចុងក្រោយរបស់ BYD និងមានការប្រើប្រើប្រាស់ប្រព័ន្ធគ្រោងឆ្អឹងដូចគ្នានឹងម៉ូដែល Qin L ដែរ។ 

BYD Seal 06 DM-i 2026 មានបណ្តោយប្រវែង 4,830mm/ ទទឹង 1,875mm/ កំពស់ 1,495mm និងគម្លាតចន្លោះកង់មុខទៅកង់ក្រោយ 2,790mm។ រថយន្តស៊េរីថ្មីឆ្នាំ 2026 ដំណើរការដោយប្រព័ន្ធ Plug-in-hybrid ដែលគាំទ្រដោយប្រព័ន្ធបច្ចេកវិទ្យា DM-Hybrid System ជំនាន់ទី 5 ឬ DM-5 របស់ BYD។

ប្រព័ន្ធបច្ចេកវិទ្យានេះដំណើរការនៅលើម៉ាស៊ីនសាំង 1.5L ជាមួយម៉ូទ័រអគ្គិសនីមួយ។ ដោយម៉ាស៊ីន 1.5L របស់ Seal 06 DM-i 2026 អាចផលិតកម្លាំងបាន 74kW និងកម្លាំងរមួល 126Nm រីឯម៉ូទ័រឡអគ្គិសនីវិញ គឺអាចផលិតកម្លាំងបាន 218 សេះ ហើយរថយន្ត Plug-in-hybrid ថ្មីនេះអាចជិះដោយប្រើថាមពលអគ្គិសនីសុទ្ធបានចម្ងាយ 128km។

នៅផ្នែកខាងក្នុងរបស់ BYD Seal 06 DM-i 2026 នៅតែរក្សាកេរ្តិ៍ដំណែលនៃការឌីស្សាញដូចគ្នានឹងគ្រួសារ “Ocean Family” ដដែល គឺការឌីស្សាញផ្នែកសភាពកោងលើបន្ទះដៃទ្វារ និងផ្ទៃកៅអី។ ជាមួយគ្នានេះក៏ឃើញមានអេក្រង់បង្ហាញព័ត៌មានប្រភេទ Full-digital Instrument cluster និងអេក្រង់កម្សាន្តទំហំធំដល់ទៅ 15.6-inch ហើយនិងមានកន្លែងសាកថ្មទូរស័ព្ទឥតប្រើខ្សែចំនួនពីរស្ថិតនៅផ្នែកខាងក្រោមនៃរន្ធម៉ាស៊ីនត្រជាក់ជាដើម៕