Fang Cheng Bao Ti7 ឬ FCB Ti 7 របស់ BYD បានក្លាយជារថយន្តមួយក្នុងចំនោមរថយន្ត SUV ថ្មី ដែលលក់ដាច់ខ្លាំងបំផុតនៅក្នុងទីផ្សាររថយន្ត Plug-in-bride របស់ប្រទេសចិន។ ឡាន SUV Plug-in-hybrid ស៊េរីថ្មីនេះ លក់បានចំនួនជាង 50,000 គ្រឿងក្នុងរយះពេល 80 ថ្ងៃ។
BYD Fang Cheng Bao Ti7 គឺជាប្រភេទរថយន្ត mid-size SUV ដំណើរការដោយប្រព័ន្ធម៉ាស៊ីន Hybrid ដែលត្រូវបានក្រុមហ៊ុនធ្វើការប្រកាសចេញលក់ផ្លូវការណ៍នៅទីផ្សារប្រទេសចិនកាលពីដើមខែកញ្ញា ឆ្នាំ 2025 ដោយមានជម្រើសចំនួន 4 ម៉ូដែល ដោយក្នុងនោះម៉ូដែល Ti7 Pro RWD 135km មានតម្លៃប្រហែល $25,200, ម៉ូដែល Ti7 Max RWD 200km មានតម្លៃប្រហែល $26,600, ម៉ូដែល Ti7 Max AWD 190km តម្លៃប្រហែល $29,000 និងម៉ូដែល Ti7 Ultra AWD 190km មានតម្លៃប្រហែល $30,800។
FCB Ti7 មានបណ្តោយប្រវែង 4,999mm/ទទឹង 1,995mm/កម្ពស់ 1,865 mm និងគម្លាតកង់មុខទៅកង់ក្រោយ 2,920mm។ ឡាន Plug-in-hybrid SUV ស៊េរីថ្មីនេះប្រើប្រាស់ប្រព័ន្ធជើងក្រោម double-wishbone front suspension និង five-link rear setup, ជាមួយ BYD’s “DiSus-C” intelligent body control system រួមនិងសម្បកកង់ប្រភេទ tire-stability control (TSC) system ដែលអាចជិះបានចម្ងាយ 30km ក្នុងល្បឿន 80km/h នៅពេលសម្បកធ្លុះធ្លាយ។ FCB Ti7 ដំណើរការដោយប្រព័ន្ធ plug-in-hybrid គាំទ្រដោយម៉ាស៊ីន 1.5T កម្លាំង 154 សេះ គូបផ្សំជាមួយប្រព័ន្ធម៉ូទ័រអគ្គិសនីមួយ ឬពីរ។
ម៉ូដែលដំណើរការដោយម៉ូទ័រអគ្គិសនីមួយ ឬ RWD មានកម្លាំង 268 សេះ អាចបើកបរដោយថាមពលអគ្គិសនីសុទ្ធបានចម្ងាយ 135km ឬ 200km អាស្រ័យទៅលើកញ្ចប់ថ្មដែលមានទំហំ 26.6kWh និង 35.6km។ ចំនែកម៉ូដែលដំណើរការដោយម៉ូទ័រអគ្គិសនីពីរ ឬ AWD បានបន្ថែមម៉ូទ័រអគ្គិសនីខាងមុខមួយទៀតដែលមានកម្លាំង 215 សេះ និងមានកញ្ចប់ថ្មទំហំ 35.6kWh ដែលអាចបើកបរដោយអគ្គិសនីសុទ្ធបានចម្ងាយ 190km។
FCB Ti7 អាចជិះបានចម្ងាយសរុបដល់ 1,300km នៅពេលប្រើគូបរវាងម៉ាស៊ីនសាំងពេញ និងសាកអាគុយពេញម្តង។ ម៉ូដែល FCB Ti7 Ultra AWD អាចជាន់ស្ទុះល្បឿនពី 0-100km/h ចាយពេលប្រមាណ 4.5 វិនាទី ហើយនិងមានកម្រិតស៊ីសាំងត្រឹម 4.9L/100km។ នៅលើម៉ូដែល FCB Ti7 Ultra គាំទ្រនូវប្រព័ន្ធជំនួយការសុវត្ថិភាពបើកបរកម្រិតBYD’s “God’s Eye B” ឬDiPilot 300 advanced driver-assist system ដំណើរភ្ជាប់ជាមួយប្រព័ន្ធសែនស័រ LiDAR នៅលើដំបូល មានបន្ថែមជម្រើស vehicle-mounted drone system ដែលមានបំពាក់នូវយ៉ាន់កង់ធំ និងប្រព័ន្ធហ្វ្រាំង enhanced braking។
ផ្នែកខាងក្នុងមានបំពាក់កៅអីចំនួន 5 មានកន្លែងដាករបស់របរចំនួន 45 កន្លែង, អាចដាក់អីវ៉ាន់បានទំងន់ 1,880 លីត្រនៅពេលបត់កៅអីជួរក្រោយ។ នៅលើម៉ូដែល Ti7 Ultra មានបំពាក់ប្រព័ន្ធអេក្រង់ចំនួន 7 ដែលមានដូចជា អេក្រង់កម្សាន្តទំហំ 15.6-inch, អេក្រង់បង្ហាញព័ត៌មានទំហំ 12.3-inch, ប្រព័ន្ធបង្ហាញលើកញ្ចក់ដំបូលមុខ W-HUD ទំហំ 26-inch, អេក្រង់បញ្ជាម៉ាស៊ីនត្រជាក់ចំនួនពីរ Dual A/C Display និងអេក្រង់សម្រាប់អ្នកអង្គុយកៅអីក្រោយ BYD Pad ទំហំ 13-inch ចំនួនពីរ, ទូរទឹកកកចំណុះ 4.5L, ប្រព័ន្ធភ្លើងបំភ្លឺតាមកាប៊ីន ambient lighting, កន្លែងសាកភ្លើងទូរស័ព្ទ Wireless phone charging និងមាន Speaker ចំនួន 20 គ្រាប់ជាដើម៕
