នៅទីបំផុតក្រុមហ៊ុនវិនិយោគទុនរួមគ្នា Dongfeng Nissan បានប្រកាសចេញនូវតម្លៃឡាន Plug-in-hybrid Pick up ដំបូងរបស់ខ្លួនម៉ូដែល Nissan Frontier Pro ជាផ្លូវការណ៍ហើយ។ ដោយ Frontier Pro PHEV មានតម្លៃចាប់ពីខ្ទង់ $23,800 ដល់ $35,000 នៅទីផ្សារប្រទេសចិន ហើយនឹងចេញដាក់លក់មុននៅថ្ងៃទី 30 ខែវិច្ឆិកានេះ។
រថយន្ត PHEV Pick up ស៊េរីថ្មីនេះ គឺជាសមត្ថិផលដំបូងចេញពីការចាប់ដៃសហការគ្នារវាងក្រុមហ៊ុន Dongfeng និង Nissan ហើយក៏ជាម៉ូដែលដំបូងដែលត្រូវបានធ្វើការអភិវឌ្ឍន៍ ការឌីស្សាញ និងការផលិតនៅក្នុងរោងចក្រប្រទេសចិនផ្ទាល់តែម្តង។ ហើយថ្មីៗនេះ Nissan Australia ក៏បានបង្ហើបពីគម្រោងក្នុងការនាំយកម៉ូដែល Frontier Pro PHEV ចូលទៅលក់ក្នុងទីផ្សារអូស្ត្រាលីជាមួយនឹងម៉ូដែល Nissan Navara ជំនាន់ថ្មីផងដែរ។
Nissan Frontier Pro PHEV ត្រូវបានធ្វើការឌីស្សាញឡើងបែបបទ V-Motion របស់ Nissan ជាមួយការប្រើប្រាស់ប្រព័ន្ធគ្រោងឆ្អឹងប្រភេទ body-on-frame។ ឡាន Pick up ស៊េរីថ្មីនេះ មានបណ្តោយតួរខ្លួនប្រវែង 5,520mm/ ទទឹង 1,960mm/ កំពស់ 1,950mm និងមានគម្លាតចន្លោះកង់មុខទៅកង់ក្រោយ 3,300mm ជាមួយទំងន់ចម្លោះពី 2,500kg ទៅ 2,540kg ទៅតាមជម្រើសម៉ូដែល។ គ្រែដឹកខាងក្រោយរបស់ Frontier Pro មានបណ្តោយប្រវែង 1,520mm/ទទឹង 1600mm និងកម្ពស់ 490mm ភ្ជាប់ជាមួយទ្វារក្រោយជាទ្វារអេឡិចត្រូនិច ឬ electric soft-down tailgate។
Frontier Pro Series ប្រើប្រាស់យ៉ាន់កង់ទំហំ 18-inch និងសម្បកកង់ខ្នាត 265/65 tires។ បន្ថែមពីនេះវាក៏មានប្រព័ន្ធគ្រឿងជើងក្រោមដំណើរការឯករាជ្យ ឬ independent double wishbone front suspension, five-link rear layout និងប្រព័ន្ធចាក់សោរប៉ុង electromechanical rear diff lock។ កាប៊ីនខាងក្នុងមានការបំពាក់មកជាមួយអេក្រង់កម្សាន្តទំហំធំដល់ 14.6-inch ជាមួយអេក្រង់បង្ហាញព័ត៌មានទំហំ 10-inch Digital LCD Instrument។
ជាមួយគ្នានេះ សម្រាប់កៅអីជួរមុខ មានមុខងារក្តៅ ត្រជាក់ ហើយនិងម៉ាស្សា, មុខងារ vehicle-to-load (V2L) កំលាំងដល់ 6kW នៅគ្រែដឹងខាងក្រោយសម្រាប់សាកភ្លើងឲ្យឧបករណ៍ប្រើប្រាស់អេឡិចត្រូនិចផ្សេងៗបាន។ បន្ថែមពីនេះ Frontier Pro Series មានដំឡើងមកជាមួយប្រព័ន្ធបំពងសំឡេងចំនួន 12 គ្រាប់ម៉ាក JLA។
Frontier Pro PHEV ដំណើរការដោយម៉ាស៊ីន 1.5-liter turbocharged 4-cylinder engine គូបផ្សំជាមួយប្រព័ន្ធម៉ូទ័រអគ្គិសនីមួយ។ បើសរុបជាកំលាំងសេះរបស់ Frontier Pro PHEV ធ្វើបាន គឺដល់ 402 សេះ និងកំលាំងរមូលដល់ 800Nm ភ្ជាប់ដំណើរការដោយប្រអប់លេខ 4-speed DHT និងមានកញ្ចប់ថ្មដែលសាកភ្លើងពេញម្តងអាចជិះដោយប្រើអគ្គិសនីសុទ្ធបានចម្ងាយ 135km។
ចំនែក Frontier Pro ម៉ូដែលប្រើម៉ាស៊ីនចំហេះក្នុង (ICE) គឺមានជម្រើសប្រើម៉ាស៊ីនសាំង ឬ ម៉ាស៊ីនម៉ាស៊ូត។ ដោយម៉ូដែលប្រើម៉ាស៊ីនសាំង ប្រើប្រាស់នូវម៉ាស៊ីនប្រភេទ 2.0T កម្លាំង 258 សេះ និងកម្លាំងរមួល 400Nm ខណៈម៉ូដែលប្រើម៉ាស៊ីនម៉ាស៊ូត គឺបានប្រើនូវម៉ាស៊ីន 2.3T កម្លាំង 190 សេះ និងកម្លាំងរមួល 500Nm។ ម៉ូដែលប្រើម៉ាស៊ីនទាំងពីរភ្ជាប់ដំណើរការដោយប្រអប់លេខស្វ័យប្រវត្តិ 8 វគ្គ៕
