Exeed គឺម៉ាករថយន្តប្រណិតមួយរបស់ក្រុមហ៊ុន Chery ហើយនៅពេលនេះ ក្រុមហ៊ុននេះ បានធ្វើការប្រកាសចេញលក់ឡាន mid-size SUV EREV ថ្មីម៉ូដែល Exlantix MX ឬ ET5 នៅក្នុងប្រទេសចិន ជាមួយជម្រើសពីរម៉ូដែលផ្សេងគ្នា ហើយមានតម្លៃចាប់ពីខ្ទង់ប្រហែល $1,9070 ដល់ប្រហែល $2,2600។
Chery Exeed Exlantix MX បំពាក់មកជាមួយម៉ាស៊ីនសាំងប្រភេទ 1.5-liter turbocharged ដែលមានតួរនាទីធ្វើជាម៉ាស៊ីនភ្លើងសាកភ្លើងទៅឲ្យកញ្ចប់ថ្មអំឡុងពេលបើកបរនៅពេលថាមពលថ្មធ្លាក់ចុះ។ រថយន្ត EREV SUV ថ្មីនេះ ដំណើរការដោយប្រព័ន្ធម៉ូទ័រអគ្គិសនីខាងមុខមួយដែលមានកម្លាំង 195kW និងកម្លាំងរមួល 32.66kWh ជាប្រភេទ Lithium-iron-phosphate (LFP) ដែលសាកភ្លើងពេញម្តងអាចជិះដោយប្រើថាមពលអគ្គិសនីសុទ្ធបានចម្ងាយ 210km និងអាចបើកបានចម្ងាយដល់ 1,310km នៅពេលប្រើគូបជាមួយម៉ាស៊ីនចាក់សាំងពេញម្តង។ Exeed Exlantix MX មានបណ្តោយតួរខ្លួនប្រវែង 4,780mm/ ទទឹង 1,890mm/ កំពស់ 1,720mm និងគម្លាតចន្លោះកង់មុខទៅកង់ក្រោយ 2,800mm។
ហើយនៅលើម៉ូដែល Top-Trim របស់ Exlantix MX ឬ ET5 មានបំពាក់នូវប្រព័ន្ធសែនស័រ LiDAR នៅលើដំបូលខាងមុខ សម្រាប់ដំណើរការប្រព័ន្ធជំនួយការបើកបរកម្រិតខ្ពស់។ ចូលមកផ្នែកកាប៊ីនខាងក្នុង មានបំពាក់ដោយអេក្រង់ចំនួន 3 ដោយក្នុងនោះមានអេក្រង់បង្ហាញព័ត៌មានទំហំ 10.25-inch Digital Instrument Panel, អេក្រង់កម្សាន្តនៅកណ្តាលទំហំ 15.6-inch និងអេក្រង់ពីមុខអ្នករួមដំណើរការកៅអីខាងមុខទំហំ 12.3-inch។
ប្រព័ន្ធដំណើរការទូទៅនៅខាងក្នុងកាប៊ីន Exlantix MX គាំទ្រដោយបន្ទះឈីប Qualcomm Snapdragon 8255។ នៅខាងក្នុងក៏មានការបំពាក់ដោយស្បែកប្រភេទ Nappa leather និង Alcantara ជាមួយការឌីស្សាញបែប dual-tone និងមានមុខងារភ្ជាប់ជាមួយស្មាតហ្វូនផងដែរ។
នៅលើម៉ូដែល Exeed Exlantix MX កំពូល គាំទ្រដំណើរការដោយប្រព័ន្ធសុវត្ថិភាពជំនួយការបើកបរកម្រិត Falcon 700 advanced driver-assistance system ដែលគាំទ្រដំណើរការដោយបន្ទះឈីប Horizon Robotics’ “Journey 6P” និង HSD (Horizon SuperDrive) platform។
ប្រព័ន្ធនេះភ្ជាប់ដំណើរការដោយសែនស័រ LiDAR មួយគ្រាប់, សែនស័រ High-precision ចំនួន 27 គ្រាប់, radar និង camera sensor ដែលគាំទ្រដំណើរមុខងារជំនួយការបើកបរ highway និង urban assisted driving ក៏ដូចជាជំនួយការចូលចំណោតស្វ័យប្រវត្តិ multi-scenario automated parking ជាដើម។ Chery Exeed Exlantix MX ឬ ET5 គឺដៃគូប្រជែងទីផ្សាររថយន្តប្រភេទ mid-size EREV ឬក៏ Plug-in-hybrid SUV ក្នុងប្រទេសចិនដូចជា BYD Song L DM-i, Deepal S07 និង Leapmotor C11…ជាដើម៕
