បែកធ្លាយចំណុចពិសេសៗជាច្រើនដែលបំពាក់នៅលើស្មាតហ្វូនស៊េរីថ្មី Redmi K90 Ultra

យោងតាមពាក្យចចាមអារ៉ាមនាពេលថ្មីៗនេះ បានបង្ហើបថា Redmi នឹងមានការបញ្ចេញនូវសមាជិកថ្មីនៃត្រកូល K90 Series ដែលមានឈ្មោះថា K90 Ultra នាពេលឆាប់ៗនេះហើយ។ ខណៈដែលព័ត៌មានផ្លូវការណ៌ មិនទាន់ត្រួវបានបញ្ចេញនោះ នៅពេលនេះ មាន បែកធ្លាយចំណុចពិសេសៗជាច្រើនដែលបំពាក់នៅលើស្មាតហ្វូនស៊េរីថ្មី Redmi K90 Ultra នេះហើយ។ 

តាមការចែករំលែកចេញពី Digital Chat Station ដែលជាប្រភពជឿជាក់បាននោះ បានអោយដឹងថា Redmi K90 Ultra នឹងមានការបំពាក់នូវបន្ទះឈីបជំនាន់ថ្មី MediaTek Dimensity 9500 SoC ខណៈដែលម៉ូដែល K90 Pro Max បង្ហាញខ្លួនជាមួយនិងបន្ទះឈីបជំនាន់ថ្មី Snapdragon 8 Elite Gen 5។ ស្មាតហ្វូនម៉ូដេល Ultra នេះត្រូវបានគេរំពឹងថា នឹងមានថ្មទំហំធំដល់ទៅ 8,500mAh ហើយនឹងមានការគាំទ្រជាមួយនិងបច្ចេកវិទ្យាសាកកម្លាំង 100W wired fast charging។

អ្នកទម្លាយរូបនេះបានបន្តថា នៅលើស្មាតហ្វូនជំនាន់ថ្មី នឹងមានការនាំមកនូវលក្ខណៈសម្បត្តិខ្លាំងៗជាច្រើនទៀតផងដែរ ក្នុងនោះមានដូចជា ការតម្លើងនូវកង្ហាត្រជាក់នៅលើស្មាតហ្វូននេះ រួមនិងការបង្កើននូវកម្រិត high-refresh rate display នៅលើអេក្រង់ថែមទៀតផង។ គួរបញ្ជាក់ថា Redmi K90 Ultra អាចនឹងបំពាក់នូវអេក្រង់ទំហំ 6.8 អ៊ីង ល្បឿន 165Hz refresh rate ហើយនិងកម្រិតបង្ហាញចេញបាន 1.5K resolution។ បន្ថែមពីនេះ ក៏មានការបញ្ជាក់ថា នៅលើស្មាតហ្វូនេះ ក៏មានការបំពាក់នូវសិនស័រស្កែនម្រាមដៃ ultrasonic លើអេក្រង់ផងដែរ។