Mazda CX-30 Turbo ស៊េរីឆ្នាំ 2021 បង្ហាញខ្លួនក្នុងតម្លៃ $29,900 និងមានភ្ជាប់ជាមួយនឹងជម្រើសកង់ជាច្រើនប្រភេទ

ថ្មីៗនេះ យោងតាមការបង្ហាញវព័ត៌មានរបស់រថយន្តស៊េរីថ្មី Mazda CX-30 ឆ្នាំ 2021 បានអោយដឹងថា រថយន្តជំនាន់ថ្មីនេះ គឺទទួលបាននូវការ upgrade យ៉ាងខ្លាំង ជាពិសេសគឺនៅក្នុងផ្នែកម៉ាស៊ីន និងកង់រថយន្តនេះ។ នៅក្នុងទិន្នន័យថ្មីនេះ គឺបានបញ្ជាក់ថា រថយន្តនេះម៉ាស៊ីនប្រភេទ 4 ស៊ីឡាំង ដែលមានទំហំ 2.5-liter និងមានភ្ជាប់នូវបច្ចេកវិទ្យា turbocharged។ 

តាមការបញ្ជាក់នៅក្នុងប្រភពខាងលើនេះ បានអោយដឹងថា សម្រាប់ម៉ាស៊ីនរថ្មីនេះមានកម្លាំង 250 សេះ ដែលអមមកជាមួយកម្លាំងរមួលកម្រិត 320 lb-ft ធៀបជាមួយនឹងជំនាន់មុនដែលកម្លាំងត្រឹតែ 186 សេះ និងមានមកជាមួយនឹងជាមួយកម្លាំងរមួលត្រឹមតែកម្រិត 186 lb-ft ប៉ុណ្ណោះ។ 

ប្រភពដដែលនេះ បានបញ្ជាក់បន្ថែមថា រថយន្ត CX-30 Turbo នេះ ក៏មានការ Upgrades ទៅលើកញ្ចក់ខាងក្រោយ និងទំហំកង់ផងដែរ ដោយប្រភេទកង់ថ្មីនេះ គឺមានទំហំ 18 អ៊ីង ដែលមានការឌីស្សាញជាមួយនិងពណ៍ខ្មៅរលោងស្អាតមែនទែន។ អ្វីដែលរឹតតែអស្ចារ្យនោះ គឺយ៉ាន់ពណ៌ខ្មៅនេះមើលទៅពិតជាស្រស់ស្អាត និងទាក់ភ្នែកខ្លាំងណាស់។ 

ក្រុមហ៊ុន Mazda ក៏មានការបន្ថែមនូវជម្រើសថ្មីមួយទៀតសម្រាប់រថយន្តនេះផងដែរ ដោយជម្រើសនៃការជ្រើសរើសកង់នេះ គឺស្ថិតនៅក្នុងទំព័រ Accessory Page របស់ក្រុមហ៊ុន Mazda ផ្ទាល់តែម្តង។ ជម្រើសថ្មីនោះ គឺមានយ៉ាន់ថ្មីប្រភេទ Matte Black 18-inch wheels ដែលលោកអ្នកត្រូវចំណាយប្រាក់បន្ថែមពីលើតម្លៃឡានចំនួន $1,399.80 ថែមទៀត។

មួយទៀត ក្រុមហ៊ុន Mazda ក៏ផ្តល់នូវជម្រើសកង់ផ្សេងទៀតផងដែរនោះគឺ BBS wheels ដែលកង់នេះ គឺមានទម្ងន់ស្រាលជាងកង់ទំហំ 18-inch ធម្មតា ប៉ុន្តែតម្លៃរបស់កង់នេះ ក៏ថ្លៃជាងផងដែរ។ BBS wheels គឺមានតម្លៃ $918.95 សម្រាប់កង់មួយគ្រាប់ និងសេនស័រ TPMS sensor តម្លៃ $60.99 ក្នុងមួយគ្រាប់។ ដូចនេះ បើប្រើប្រាស់នូវកង់ប្រភេទ BBS wheels នេះ សម្រាប់រថយន្ត CX-30 Turbo គឺត្រូវបន្ថែម  $3,919.76 ។ គួរបញ្ជាក់ផងដែរថា សម្រាប់រថយន្ត CX-30 Turbo ឆ្នាំ 2021 គឺមានតម្លៃចាប់ផ្តើមពី  $29,900៕