កាលពីដើមសប្តាហ៍កន្លងទៅនេះ ក្រុមហ៊ុន Tesla Inc បានប្រឈមមុខទៅនឹងសម្ពាធជាច្រើននៅក្នុងប្រទេសចិន ក្រោមការការដាក់បន្ទុកពីនិយ័តករ និងសារព័ត៌មានក្នុងស្រុកជាច្រើន បន្ទាប់ពីវីដេអូមួយដែលអតិថិជនបានធ្វើការតវ៉ានៅក្នុងព្រឹត្តិការណ៍ Shanghai auto show 2021 ដែលបានរៀបចំឡើងនៅក្នុងប្រទេសនេះកន្លងៅថ្មីៗនេះ។ រឿងនេះ គឺបានបង្ខំអោយក្រុមហ៊ុននេះ ប្រកាសធ្វើការសុំទោសផងដែរ។
តាមការបញ្ជាក់នៅក្នុងរបាយការណ៍របស់ Reuters បានអោយងដឹងថា សម្ពាធទៅលើក្រុមហ៊ុនផលិតរថយន្តនេះ គឺចំពេលដែលពាណិជ្ជកម្មរបស់សហរដ្ឋអាមេរិក និងចិនគឺមានភាពតានតឹងខ្លាំងបំផុតនោះ។ ប្រទេសចិនគឺមានការលក់រថយន្ត Tesla ច្រើនជាង 30% ហើយក្រុមហ៊ុននេះក៏ផលិតរថយន្តជាច្រើននៅក្នុងរោងចក្ររបស់ខ្លួននៅក្នុងទីក្រុងស៊ាងហៃផងដែរ។ នៅក្នុង Global Times នេះ ប្រទេសចិននឹងបន្តក្នុងការពង្រីកទីផ្សារជាមួយនឹងអាជីវកម្មបរទេសផងដែរ ប៉ុន្តែនេះមិនមែនមានន័យថា ក្រុមហ៊ុនបរទេសគឺជាកម្មសិទ្ធិទាំងស្រុងទៅលើអាជីវកម្មនោះទេ។
ប្រភពព័ត៌មានបានបញ្ជាក់ថា កាលពីដើមសប្តាហ៍នេះ អតិថិជនរបស់ក្រុមហ៊ុន Tesla បានឡើងទៅលើឡាននៅក្នុងព្រឹត្តិ ការណ៍នៃការពិរពណ៌រថយន្តនេះ និងបានធ្វើការតវ៉ាទៅនឹងវិ ក្រុមហ៊ុននេះ អោយធ្វើការដោះស្រាយទៅលើបណ្តឹងរបស់នាងទៅលើបញ្ហាហ្វ្រាំង។ រឿងនេះ បានធ្វើអោយនិយ័តករជាច្រើនត្រូវជម្រុញក្រុមហ៊ុនផលិតរថយន្តជាច្រើនអោយធ្វើការធានាទៅលើគុណភាពនៃផលិតផលរបស់ពួកគេនៅក្នុងប្រទេសនេះ។
Global Times បានបន្ថែមថា ភាពក្រអឺតក្រទម និងហួសប្រមាណរបស់ក្រុមហ៊ុន ដែលបង្ហាញវត្តមាននៅមុខសាធារណៈជននោះ គឺពិតជាធ្វើអោយមានភាពធ្ងន់ធ្ងរកើតឡើងទៅលើកេរ្តិ៍ឈ្មោះរបស់ក្រុមហ៊ុន និងអតិថិជននៅក្នុងទីផ្សាររបស់ចិន។ ក្រុមហ៊ុន Tesla បានបដិសេធមិនអធិប្បាយទៅលើបញ្ហានេះទេ ប៉ុន្តែក្រុមហ៊ុននេះ បាននិយាយថា ខ្លួននឹងចែករំលែកនូវទិន្នន័យនៃគ្រោះថ្នាក់ដែលមកពីប្រព័ន្ធហ្វ្រាំងនេះជាមួយនឹងនិយ័តករ។ ខណៈពេលដែលក្រុមហ៊ុននេះ បានធ្វើការសុំទោសរួចហើយក៏ដោយនោះ ក្រុមហ៊ុននេះ ក៏ទទួលបាននូវការរិះគន់ផងដែរ៕
