នៅក្នុងព្រឹត្តិការណ៍ពិពរណ៍អន្តរជាតិ International Shanghai Auto Show បានធ្វើឡើងនៅថ្ងៃទី 17 ខែមេសា ឆ្នាំ 2021 កន្លងទៅនេះ ក្រុមហ៊ុន Huawei បានបញ្ចេញនូវបច្ចេកវិទ្យាជាច្រើន ក៏ក្នុងក៏មានរថយន្ត Alpha S ស៊េរីថ្មីដែលមានការផ្លាស់ប្តូរទៅកាន់បច្ចេកវិទ្យាបើកបរដោយស្វ័យប្រវត្តិចុងក្រោយបំផុតរបស់ក្រុមហ៊ុននេះផងដែរ។ ជាមួយនឹងការប្រកាសក្រុមហ៊ុន Huawei នេះ ក្រុមហ៊ុនម៉ាកយីហោអន្តរជាតិ Audi ក៏បានបង្ហាញនូវរថយន្តជាច្រើនម៉ូឌែលដែលមានឈ្មោះហៅថា Q5L, A7L និង A6 e-Tron ដូចគ្នា។
រថយន្ត A6 e-Tron នេះ មានរូបរាងយ៉ាងប្រណិត ហើយនឹងមានថាមពលថ្មដែលអាចប្រើប្រាស់ក្នុងការបើកបរបានចម្ងាយដល់ទៅ 700 គីឡូម៉ែត្រថែមទៀតផង។នៅក្នុងព្រឹត្តិការណ៍ក្នុងការប្រកាសនេះ លោក Michael Hofmann ដែលជាអនុប្រធានផ្នែកស្រាវជ្រាវ និងអភិវឌ្ឍរបស់ក្រុមហ៊ុន Audi នៅក្នុងប្រទេសចិន បានធ្វើបទសម្ភាសន៍ទៅកាន់របាយការណ៍ជាច្រើនផងដែរ។
នៅពេលដែលធ្វើការឆ្លើយតបទៅនឹងបច្ចេកវិទ្យាបើកបរដោយស្វ័យប្រវត្តិនោះ គាត់បាននិយាយថា អនាគតរបស់ក្រុមហ៊ុន Audi ក៏នឹងអាចប្រើប្រាស់នូវបច្ចេកវិទ្យាបើកបរដោយស្វ័យប្រវត្តិរបស់ក្រុមហ៊ុន Huawei ផងដែរ។
លោក Che Dongxi ត្រូវបានអញ្ចើញអោយជិះរថយន្តដែលបំពាក់នូវដំណោះស្រាយបើកបរដោយស្វ័យប្រវត្តិ ADS របស់ក្រុមហ៊ុន Huawei។ គាត់បានធ្វើការកោតសរសើរទៅលើការបើកបររបស់ប្រព័ន្ធនេះ នៅក្នុងផ្លូវជាច្រើននៅក្នុងទីក្រុង។ លោក Su Qing ប្រធានរបស់ផ្នែកបើកបរឆ្លាតវៃរបស់ក្រុមហ៊ុន Huawei ក៏បានធ្វើបទសម្ភាសន៍ដោយលោក Che Dongxi ផងដែរ។
លោកបានជម្រាបថា ម៉ាកយីហោធំៗ ជាច្រើននៅអ៊ឺរ៉ុប បានធ្វើការចុះកិច្ចព្រមព្រៀងជាមួយនឹងក្រុមហ៊ុន Huawei បណ្តើរៗហើយនៅក្នុងការតម្លើងនូវប្រព័ន្ធ ADS របស់ក្រុមហ៊ុន Huawei នៅលើរថយន្តជាច្រើនរបស់ខ្លួនហើយ។ អ្វីដែលគួរអោយសោកស្តាយនោះ គឺថា គាត់មិនទាន់បង្ហាញអំពីឈ្មោះក្រុមហ៊ុននេះទេ។
