ក្រុមហ៊ុន Ducati បញ្ចេញនូវកង់អគ្គិសនីរបស់ខ្លួន មើលទៅមានរូបរាងដូចទៅនឹងកង់ Xiaomi e-scooter អញ្ចឹង

ថ្មីៗនេះ ក្រុមហ៊ុន Ducati បានប្រកាសចេញជាផ្លូវការនូវកង់ e-scooter ថ្មីរបស់ខ្លួនមួយទៀត ដែលមានឈ្មោះហៅថា Ducati PRO-I EVO ដែលនេះ គឺជាកង់អគ្គិសនីចុងក្រោយបំផុតរបស់ក្រុមហ៊ុននេះ ដែលមានរូបរាងយ៉ាងស្រស់ស្អាត ប៉ុន្តែវាប្រហែលជាអ្វីដែលអ្នកនឹកស្មានមិនដល់ផងដែរពីក្រុមហ៊ុនដ៏ល្បីល្បាញរបស់ប្រទេសអ៊ីតាលីមួយនេះ។ 

កង់អគ្គិសនី e-scooter នេះ មើលទៅមានរូបរាងដូចគ្នាទៅនឹងកង់ Xiaomi M365 electric scooter ផងដែរលើកលែងតែនៅលើ Logo នៃម៉ាកសញ្ញារបស់កង់នេះតែប៉ុណ្ណោះ។ កង់ Scooter នេះ មានម៉ូទ័រដែលមានកម្លាំងរហូតដល់ទោះ 350W hub motor ជាមួយនឹងថាមពលថ្មដែលមានទំហំ 280Wh។ សម្រាប់ម៉ូទ័រនេះ គឺមានល្បឿន 15.5mph ដែលប្រហាក់ប្រហែលជា 25km/h)។ ក្រុមហ៊ុននេះ មិនបានបញ្ជាក់អំពីចម្ងាយរបស់វាក្រោយការសាកថ្មពេញម្តងនោះទេ។ Ducati PRO-I EVO មិនមែនជាកង់អគ្គិសនីដំបូងរបស់ក្រុមហ៊ុននេះទេ។ 

កាលពីពេលមុននេះ ក្រុមហ៊ុននេះ បានធ្វើការសហការជាមួយនឹងក្រុមហ៊ុនផលិតជាច្រើនក្នុងការបញ្ចេញនូវម៉ូឌែលជាច្រើនទៀតរបស់ខ្លួន។ សូមជំរាបថា កន្លងមក កង់ Xiaomi scooter ត្រូវបានផលិតឡើងដោយក្រុមហ៊ុន Ninebot យើងអាចជឿជាក់ថា សម្រាប់ម៉ូឌែលនេះ គឺមានការផលិតដោយក្រុមហ៊ុន Segway-Ninebot ផងដែរ ប៉ុន្តែយើងនៅមិនទាន់ច្បាស់អំពីរឿងនេះទេ។ 

កាលពីពេលមុននេះ ក្រុមហ៊ុន Ducati បានធ្វើការសហការជាមួយនឹងក្រុមហ៊ុន Thok E-Bikes ក្នុងការប្រកាសចេញនូវកង់អគ្គិសនីឡើងភ្នំដ៏ស្រស់ស្អាតនៅក្រោមម៉ាកយីហោ Ducati ។ ក្រុមហ៊ុននេះ ថែមទាំងបានប្រកាសបង្ហាញនូវកង់អគ្គិសនី e-scooter ម៉ាកយីហោ Ducati ជាមួយនឹងការសហការជាមួយនឹងក្រុមហ៊ុន Super SOCO ផងដែរ។ កង់អគ្គិសនី Ducati PRO-I EVO នេះគឺមានតម្លៃ $477 ៕