ដើម្បីជាការអបអរនៅក្នុងឱកាសខួបគម្រប់ 50 ឆ្នាំរបស់ខ្លួន ក្រុមហ៊ុន Range Rover បានសម្រេចផលិតចេញនូវសមិទ្ធិផលថ្មីមួយដែលពិតជាទាក់ទាញខ្លាំងមែនទែន។ រថយន្ត Range Rover Special Edition ស៊េរីឆ្នាំ 2021 នឹងត្រូវផលិតឡើងកាន់តែពិសេសជាងស៊េរី Range Rover មុនៗ និងមានចំនួនកំណត់ ត្រឹមតែ 1970 គ្រឿងប៉ុណ្ណោះក្នុងពិភពលោក។
សម្រាប់ម៉ូឌែល Range Rover Autobiography ដែលនឹងផលិតក្នុងឆ្នាំ 2021 នោះ គឺនឹងផ្តល់អោយអតិថិជននូវជម្រើសនឹងការឌីហ្សាញមានចំនួន 4 ពណ៌ គឺពណ៌ខ្មៅ ទឹកប្រាក់ ពណ៌ប្រផេះ និងពណ៌ ក្រហម ខណៈដែលម៉ូឌែល ខួប 50 ឆ្នាំ ផលិតមានចំនួនកំណត់ នឹងបង្ហាញខ្លួនជាមួយជម្រើសពណ៌ គឺពណ៌ មាស ពណ៌ស និងពណ៌ខៀវ។
រថយន្តប្រណិត SUV ទាំងនេះ នឹងផលិតមកជាប្រភេទតួខ្លួនវែង long=wheelbase នឹងមានជម្រើសម៉ាស៊ីនសាំង និងម៉ាស៊ូត រួមទាំងប្រភេទ plug-in hybrid ថែមទៀតផង។ នៅតាមខ្នើយកៅអី ឈ្នាន់ជាន់ និងចំណុចជាច្រើននៃរថយន្ត ផលិតត្រឹមតែ 1970 គ្រឿងនេះ សុទ្ធតែរំលេចនូវពាក្យថា Fifty ដែលតំណាងឲ្យខួប 50 ឆ្នាំ ដែលបានផលិតរថយន្តនេះជាលើកដំបូង ក្នុងឆ្នាំ1970 នោះឯង។ យ៉ាងណាមិញ ចំពោះតម្លៃមិនទាន់មានការបញ្ជាក់ជាផ្លូវការនៅឡើយទេ៕