នៅក្នុងរយៈពេលប៉ុន្មានឆ្នាំនេះ ប្រព័ន្ធសុវត្ថិភាពនៅក្នុងរថយន្តអេឡិចត្រូនិចជាច្រើន គឺបានបង្ករនូវសំណួរជាច្រើននៅក្នុងប៉ុន្មានត្រីមាសនេះ ជាពិសេសបន្ទាប់ពីរបាយការណ៍ជាច្រើន បានបង្ហាញថារថយន្តអេឡិចត្រូនិចមួយចំនួន គឺមានបញ្ហានឹងបង្ករជាអគ្គិភ័យ។ ថ្មីៗនេះ មានរបាយការណ៍ថ្មីមួយចេញពីប្រទេសចិន បានបង្ហាញអំពីគ្រោះថ្នាក់ថ្មីៗនេះដែលមានការពាក់ព័ន្ធទៅនឹងរថយន្ត Tesla Model 3។
រថយន្ត Tesla Model 3 នេះ ត្រូវបានគេដឹងថា បានឈ្នះពានរង្វាន់ Top Safety Pick+2019 ដែលនេគឺជាការផ្តល់ដោយវិទ្យាស្ថានធានារ៉ាប់រ៉ងសម្រាប់សុវត្ថិភាពនៅលើផ្លូវ Highway បន្ទាប់ពីទទួលបាននូវលទ្ធផលល្អនៅក្នុងការធ្វើតេស្ត IIHS ចំនួន 6 ដង។ ទោះជាយ៉ាងណាក៏ដោយនោះ របាយការណ៍ដំបូងចេញពី Sina News Media បានអះអាងថា គ្រោះថ្នាក់របស់រថយន្ត Model 3 នេះ បានកើតឡើងនៅក្នុងទីក្រុង Jiangxi ដែលរថយន្តនេះ បានបើកបរនៅក្នុងល្បឿន 127 km/h ខណៈពេលដែលអ្នកបើកបរស្ថិតនៅក្នុងរថយន្តនេះ។ គាត់មិនអាចគ្រប់គ្រងទៅលើហ្វ្រាំងរបស់រថយន្តនេះ។ រថយន្តនេះ ក៏បុកយ៉ាងខ្ទេចខ្ទី និងបង្កើតជាអណ្តាតភ្លើងតែម្តង។
ការឆាបឆេះនេះ គឺដោយសារតែវាមានបញ្ហានៅលើម៉ាស៊ីនរបស់វាបន្ទាប់ពីមានការបុក និងបណ្តាលអោយឆាបឆេះដល់ផ្នែកខាងក្រោយនៃរថយន្តនេះផងដែរ ដោយបង្ករជាផ្សែងខ្មៅយ៉ាងច្រើនទៅលើមេឃផងដែរ។ ក្រុមហ៊ុន Tesla ក៏ធ្វើការឆ្លើយតបជាផ្លូវការកាលពីប៉ុន្មានថ្ងៃមុននេះផងដែរ។ ក្រុមហ៊ុនផលិតរថយន្តរបស់សហរដ្ឋអាមេរិកនេះ បានអះអាងថា គ្រោះថ្នាក់នេះស្ថិតនៅក្នុងការស៊ើបអង្កេតនៅក្នុងកិច្ចសហការគ្នាជាមួយនឹងទីភ្នាក់ងាររបស់ចិន។ ចាប់តាំងពីសមាសភាគជាច្រើន មានទំនាក់ទំនងជាមួយគ្នានោះ ទិន្នន័យជាច្រើន ដែលមានវីដេអូអំពីការបុកនេះ នឹងធ្វើការវិភាគដើម្បីកំណត់ថាតើវាមានបញ្ហាអ្វី។
គួរបញ្ជាក់ថា នៅក្នុងខែមករាកន្លងទៅ ក្នុងរបាយការណ៍របស់ The Associated Press ក៏មានការរាយការណ៍នូវគ្រោះថ្នាក់ចំនួន 3 លើកដែលមានការពាក់ព័ន្ធទៅនឹងក្រុមហ៊ុន Tesla នៅក្នុងខែធ្នូនេះ ហើយមនុស្ស 3 នាក់ក៏ស្លាប់បាត់បង់ជីវិតផងដែរ។ គ្រោះថ្នាក់នេះ គឺមានការពិចារណាបន្ថែមទៀតទៅលើប្រព័ន្ធ Autopilot driving system របស់ក្រុមហ៊ុននេះ៕
