យោងតាមប្រភពព័ត៌មានចេញពីប្រទេសចិន បានអោយដឹយថា ក្រុមហ៊ុន Samsung Electronics ទើបតែលក់នូវភាគហ៊ុនរបស់ខ្លួនចំនួន 1.6% នៅក្នុងក្រុមហ៊ុន BYD របស់ចិន ដែលមានតម្លៃ 1.5 ពាន់ពាន់លានវ៉ុន ដែលប្រហាក់ប្រហែលជា 1.3 ពាន់លានដុល្លារអាមេរិក)។ នៅក្នុងរបាយការណ៍របស់ KedGlobal បានបញ្ជាក់ថា បន្ទាប់ពីការលក់ចេញនេះ ក្រុមហ៊ុនបច្ចេកវិទ្យារបស់ប្រទេសកូរ៉េខាងត្បូងនេះ គឺនៅសល់ភាគហ៊ុនចំនួនត្រឹមតែ 0.35 ប៉ុណ្ណោះ។
សូមជំរាបថា កាលពីពេលមុននេះ ក្រុមហ៊ុន Samsung គឺមានភាគហ៊ុនចំនួន 1.9% ដែលមានតម្លៃ 1.7 ពាន់ពាន់លានវ៉ុន។ ក្រុមហ៊ុនផលិតស្មាតហ្វូនរបស់ប្រទេសកូរ៉េខាងត្បូងនេះ គឺបានទិញភាគហ៊ុននេះនៅក្នុងឆ្នាំ 2016 ដើម្បីពង្រឹងនូវសម្ព័ន្ធភាពរបស់ខ្លួនជាមួយនឹងក្រុមហ៊ុនផលិតរថយន្តរបស់ចិន និងក្រុមហ៊ុនផលិតថាមពលថ្ម។ បន្ថែមពីនេះទៀតនោះ ដៃគូរទាំងពីរ ក៏ជម្រុញអាជីវកម្មផលិតបន្ទះឈីបសម្រាប់រថយន្តផងដែរ។
ប្រភពខាងលើបានបន្តថា ការសម្រេចចិត្តរបស់ក្រុមហ៊ុននេះ នៅក្នុងការទិញនូវភាគហ៊ុនរបស់ក្រុមហ៊ុន BYD នេះដើម្បីរកប្រាក់ចំណេញដោយសារតែភាគហ៊ុនរបស់ក្រុមហ៊ុន BYD នេះ គឺមានការកើនឡើងខ្លាំងមែនទែនកាលពីប៉ុន្មានឆ្នាំមុននេះ។ រហូតល់ដល់ពេលនេះ នៅមិនទាន់ដឹងនោះទេថា តើក្រុមហ៊ុន Samsung មានហេតុផលអ្វីទេនៅក្នុងការលក់នូវភាគហ៊ុនរបស់ក្រុមហ៊ុន BYD នេះ ពីព្រោះថា បើគិតមដល់ពេកនេះ ក្រុមហ៊ុនកូរ៉េខាងត្បូងនេះ គឺមានប្រាក់បម្រុងផ្ទាល់ខ្លួន ដែលមានតម្លៃ 100 ពាន់លានដុល្លារទៅហើយនោះ៕