នាអំឡុងឆមាសទីពីរក្នុងខែសីហាឆ្នាំ 2021 ក្រុមហ៊ុន ebikeGo ដែលជាក្រុមហ៊ុនដំបូងរបស់ប្រទេសឥណ្ឌាបានដាក់បង្ហាញនូវម៉ូតូអគ្គិសនីម៉ាក Rugged G1 និង G1+ ដែលត្រូវបានបង្កើតឡើងសម្រាប់ទីផ្សារឥណ្ឌា។ ខណៈពេលដែលម៉ូតូ e-scooters ទាំងពីរម៉ូដែលនេះមិនទាន់បាននាំចេញពីរោងចក្រផង ដោយក្រុមហ៊ុន ebikeGo បានដាក់ឲ្យធ្វើការកក់ទុកសម្រាប់ម៉ូតូអគ្គិសនីនេះ។
ហើយពេលនេះ ebikeGo បានប្រកាសថាខ្លួនបានទទួលការបញ្ជាទិញមុនសម្រាប់ម៉ូតូអគ្គិសនីថ្មីនេះរហូតដល់ទៅចំនួន 10 ម៉ឺងគ្រឿងរួចទៅហើយ ដែលគិតជាប្រាក់ចំណូលគឺមានចំនួនប្រហែល ₹1,000 លានរ៉ូបពី ឬប្រហែលជាង 13 លានដុល្លាអាមេរិក។
សម្រាប់តម្លៃវិញម៉ូដែល ebikeGo rugged G1 គឺខ្ទង់ $1,079 ចំនែកម៉ូដែល rugged G1+ មានតម្លៃខ្ទង់ $1,241។ ជាមួយតម្លៃខ្ទង់ជាង 1 ពាន់ដុល្លារស្តើងនេះ ebikeGo បានផ្តល់នូវម៉ូតូបែប e-scooter ដែល សាកភ្លើងពេញម្តងជិះបានដល់ 160 គីឡូម៉ែត្រ ជាមួយការបំពាក់នូវអាគុយអគ្គិសនីកំលាំង 2KWh ចំនួនពីរគ្រាប់។ ម៉ូតូអគ្គិសនីទាំងពីរម៉ូដែលនេះប្រើប្រាស់ម៉ូទ័រសម្រាប់បង្វិលកងកំលាំង 3kW ចំនួនបីផ្តល់នូវល្បឿនបើកបរបានលឿនបំផុតដល់ 70 គីឡូម៉ែត្រក្នុងមួយម៉ោង។
ជាងនេះទៅទៀត ebikeGo Rugged G1 និង G1+ មានគាំទ្រជាមួយនឹងការបញ្ជាតាមរយះម្មវិធីស្មាតហ្វូនដែលអាចធ្វើការបញ្ជាដើម្បីចាក់សោរបានថែមទៀតផង។ បន្ថែមពីនេះពួកវាក៏មានភ្ជាប់មកជាមួយឧបករណ៍ចាប់សញ្ញាជាច្រើនដើម្បីផ្តល់ឲ្យការប្រើប្រាស់កាន់តែមានសុវត្ថិភាព និងមានឃ្លប់ដែលអាចផ្ទុកអីវ៉ាន់បានក្នុងចំនុះដល់ 30 លីត្រផងដែរ។ ហើយអ្វីដែលពិសេសគឺ ebikeGo បានផ្តល់ការធានាប្រើប្រាស់លើតួរម៉ាស៊ីនរបស់ Rugged G1 និង G1+ រហូតដល់ទៅ 7 ឆ្នាំឯណោះនៅក្នុងទីផ្សារប្រទេសឥណ្ឌា៕