ដើម្បីអបអរសារទ័រពិធីបុណ្យចូលឆ្នាំថ្មីប្រពៃណីចិនក្រុមហ៊ុន Huawei បានប្រកាសបញ្ចុះតម្លៃរថយន្តអគ្គីសនីស៊េរីទំនើបរបស់ខ្លួននៅទីផ្សារប្រទេស ចិន។ ដោយក្នុងនោះម៉ូដែល Huawei AITO M5 EV ដែលជាប្រភេទរថយន្តអគ្គិសនីដំណើរការដោយប៉ុងក្រោយ (rear-wheel drive) ដែលមានតម្លៃខ្ទង់ 259,800 យ័នបានធ្វើការបញ្ចុះតម្លៃ 28,800 យ័ន ឬប្រហែល $4,172។
ចំនែក AITO M5 EV ដំណើរការដោយប៉ុងពីរ (Four-Wheel Drive) ដែលមានតម្លៃធ្លាក់ចុះមកនៅត្រឹម 289,800 យ័ន បញ្ចុះតម្លៃរហូតដល់ $4,470។ ដែលតម្លៃរបស់ AITO M5 EV Series ពេលនេះ គឺប្រហាក់ប្រហែលតម្លៃរបស់រថយន្ត Tesla Model Y ម៉ូដែល rear-wheel drive។ ចំនែក Huawei AITO M7 ដែលជា Premium EV គឺមានតម្លៃបច្ចុប្បន្នប្រហែលនឹង Tesla Model Y ដែលជាម៉ូដែលបំពាក់កំលាំងអាគុយខ្លាំងបំផុត។
កាន់តែពិសេសបំផុតជាងនេះទៅទៀតនោះ AITO ដែលជាក្រុមហ៊ុនដៃគូផលិតរថយន្តរបស់ Huawei បានប្រកាសថា សម្រាប់អតិថិជនបច្ចុប្បន្នដែលកំពុងប្រើស្រឡាយរថយន្តអគ្គិសនី AITO M5 ដែលមិនទទួលបានការបញ្ចុះតម្លៃនេះ ក្រុមហ៊ុនក៏បានផ្តល់ជូននូវសេវាថែទាំជាមូលដ្ឋានរយះពេល 2 ឆ្នាំបន្ថែម។ ហើយការបន្ថែមដ៏ពិសេសនេះ គឺទទួលបានទាំងម្ចាស់រថយន្ត AITO M5 និង M7 Series។
ជាងនេះទៅទៀតក្រុមហ៊ុនក៏នឹងផ្តល់ជូននៅបច្ចេកវិទ្យាអេក្រង់កម្សាន្តកាន់តែមានភាពទំនើប បច្ចេកវិទ្យា Smart Car Search និងមុខងារ HUD ដំណើរការស្វ័យប្រវត្តិក៏នឹងផ្តល់ជូនសម្រាប់ស្រឡាយរថយន្តង AITO EV ក្នុងពេលឆាប់ៗនេះតាមរយះការធ្វើបច្ចុប្បន្នភាព Software ថ្មី។ ការធ្វើបច្ចុប្បន្នភាពថ្មីនេះ ក៏នឹងទទួលបានមុខងារ Smart Travel របស់ក្រុមហ៊ុន AITO ផងដែរ។
សូមបញ្ជាក់ថា Huawei-AITO បានផ្តល់នូវការធានាសម្រាប់ស្រឡាយរថយន្តអគ្គិសនីទំនើប AITO M5 និង M7 Series របស់ខ្លួនរយះពេលដល់ទៅ 8 ឆ្នាំ ឬ 16 ម៉ឺនគីឡូម៉ែត្រ។ ក្រុមហ៊ុន AITO បានធ្វើការនាំចេញរថយន្តអគ្គិសនីដែលជាការសហការផលិតដោយ Huawei បានចំនួន 75 ម៉ឺនគ្រឿងកាលពីឆ្នាំទៅមិញ ដែលធ្វើឲ្យម៉ាករថយន្តក្រុមហ៊ុននេះមានសន្ទុះនាំចេញយ៉ាងឆាប់រហ័សសម្រាប់ម៉ាកយីហោថ្មីនៃរថយន្តអគ្គិសនីនេះ។ ហើយជាមួយនឹងការកាត់បន្ថយតម្លៃថ្មីនេះ និងអត្ថប្រយោជន៍បន្ថែមសម្រាប់អតិថិជនដែលមានស្រាប់ ក្រុមហ៊ុន AITO បាននឹងកំពុងបន្ទាបខ្លួនក្នុងប្តូរយុទ្ធសាស្ត្រថ្មីសម្រាប់ប្រកួតប្រជែងខ្លាំងនៅក្នុងទីផ្សាររថយន្តអគ្គិសនី៕
