Lucid បង្ហាញគំរូរថយន្តអគ្គិសនីក្នុងពេលអនាគតរបស់ខ្លួន ត្រៀមប្រកួតប្រជែងជាមួយ Tesla Roadster

ក្រុមហ៊ុនផលិតរថយន្តអគ្គិសនីម៉ាក Lucid បានធ្វើការសហការជាមួយនឹងនិសិត្សនៃសកលវិទ្យាល័យ Academy of Art University School of Industrial Design ធ្វើការបង្ហាញគំរូឌីស្សាញរថយន្តអគ្គិសនីនាពេលអនាគតរបស់ខ្លួន ដែលមិនធ្លាប់មានពីមុនមក។

 

រូបភាពពាណិជ្ជកម្ម
no-alternative title

គំរូនៃរថយន្តអគ្គិសនីបែបពេលអនាគតរបស់ Lucid នេះ គឺបានបង្ហាញឲ្យឃើញថា វាជារថយន្តដែលដំណើរការដោយប្រព័ន្ធ Four-Wheel Drive (4WD) ដែលមានការឌីស្សាញយកលំនាំរថយន្តនៅខ្សែភាពយន្ត “TRON” ដែលមានតួរខ្លួនស្ទើរតែទាំងមូលរចនាដោយកញ្ចក់ឆ្លុះហៅថា Translucent bodywork, Sleek lines ជាមួយនឹងប្រព័ន្ធទំនើប Holographic dash និងមានទ្វារបើកឡើងទៅលើ ឬហៅថា Pop-Open Door។

 

ទោះជាយ៉ាងណា Lucid ត្រូវបានគេដឹងថា មិនបានបំផុសគំនិតក្នុងការរចនារថយន្តនេះទេ។ ប៉ុន្តែផ្ទុយទៅវិញ ក្រុមហ៊ុនផលិតរថយន្តអគ្គិសនីនេះ បាននឹងកំពុងធ្វើការរៀបចំការប្រកួតប្រជែង ដែលមានការចូលរួមពីក្រុមនិស្សិតផ្នែករចនាមួយចំនួនរបស់សាកលវិទ្យាល័យ Academy of Art University School of Industrial Design ដែលការប្រលងប្រជែងនេះនឹងប្រព្រឹត្តទៅក្នុងរយៈពេល 90 ថ្ងៃ ដែលមានការចូលរួមត្រួតពិនិត្យពីក្រុមអ្នកជំនាញខាងផ្នែករចនារបស់ Lucid ផងដែរ។

 

ដោយពួកគេនឹងផ្តល់មតិត្រឡប់ទៅកាន់ក្រុមនិសិត្សដែលបានចូលរួម។ សម្រាប់គំរូរថយន្តអគ្គិសនីបែបអនាគតដែលបានបង្ហាញមកនេះ ត្រូវបានគេនិយាយថា វាជាស្នាដៃរបស់លោក Jaichen (Justin) Xu។

 

លោក Derek Jenkins ដែលជាអនុប្រធានផ្នែករចនា និងម៉ាកយីហោ Lucid មានប្រសាសន៍ថា៖ "កិច្ចសហការនេះ គឺជាសក្ខីភាពមួយចំពោះការប្តេជ្ញាចិត្តរបស់យើងក្នុងការទាញយកថាមពល និងការច្នៃប្រឌិតនេះ។ តាមរយៈការជំរុញសិស្សនិសិត្សឱ្យស្រមៃមើលអនាគតនៃការរថយន្តឡើងវិញ ហើយយើងអាចស្រាយគំនិតថ្មីដ៏អស្ចារ្យក្នុងការរចនាយានយន្ត និងមុខងារទំនើប ក៏ដូចជានិងនិរន្តរភាព ដោយធានាថា យើងបន្តឈានមុខគេក្នុងការបង្កើតរថយន្តអគ្គិសនីដ៏ប្រណិត និងទំនើបទាន់សម័យ”។ ហើយសម្រាប់គំរូនៃរថយន្តអគ្គិសនីបែបអនាគតដ៏ទំនើបរបស់ Lucid មួយនេះ គឺជាសក្ខីភាពនៃគំនិតច្នៃប្រឌិតថ្មីដ៏គួរឱ្យចាប់អារម្មណ៍ខ្លាំងសម្រាប់ទីផ្សាររថយន្តអគ្គិសនីនាពេលអនាគត៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍