ទីផ្សារលក់រថយន្តអគ្គិសនីប្រទេសឥណ្ឌាអាចនឹងមានកំណើនដល់ 66% ក្នុងឆ្នាំ 2024

បើតាមរបាយការណ៍ថ្មីចុងក្រោយចេញពីក្រុមហ៊ុនស្រាវជ្រាវទីផ្សារ Counterpoint Research បានធ្វើការព្យាករណ៍ថា ទីផ្សារលក់រថយន្តអគ្គិសនីក្នុងប្រទេសឥណ្ឌានឹងមានការកើនឡើងខ្ពស់ក្នុងឆ្នាំ 2024 នេះ។ ក្នុងរបាយការណ៍បានធ្វើការព្យាករណ៍ថា ការលក់រថយន្តអគ្គិសនីក្នុងប្រទេសឥណ្ឌានឹងកើនឡើងដល់ 66% ក្នុងឆ្នាំ 2024 នេះ បើធៀបនឹងការលក់ក្នុងឆ្នាំ 2023 ដោយក្នុងនោះទីផ្សារលក់រថយន្តអគ្គិសនីប្រភេទដឹកអ្នកដំណើរ (passenger vehicle(PV)នឹងមានការកើនឡើង 4%។

 

រូបភាពពាណិជ្ជកម្ម
no-alternative title

បន្ថែមពី Counterpoint Research ក៏បានធ្វើការព្យាករណ៍ថា នៅឆ្នាំ 2030 ការលក់រថយន្តសម្រាប់ធ្វើដំណើរ (PV) នៅក្នុងទីផ្សារប្រទេសឥណ្ឌានឹងកើនចំនួនមួយភាគបីនៃការលក់រថយន្ត PV ប្រចាំឆ្នាំក្នុងប្រចាំឆ្នាំ។ នៅក្នុងឆ្នាំ 2023 ក្រុមហ៊ុន Tata Motors របស់ប្រទេសឥណ្ឌា គឺជាក្រុមហ៊ុនដែលមានភាពលេចធ្លោរជាងគេក្នុងទីផ្សាររថយន្តអគ្គិសនីប្រទេសឥណ្ឌា ដោយក្តោបបានចំនែកទីផ្សារ ពីរភាគបី ក្នុងទីផ្សារសរុប។ ទោះជាយ៉ាងណាក៏ដោយគម្រោងក្នុងការហក់ចូលទីផ្សាររថយន្តរបស់ក្រុមហ៊ុន Maruti Suzuki នៅឆ្នាំ 2025 អាចនឹងទាញយកចំនែកទីផ្សាររបស់ក្រុមហ៊ុន Tata Motors នៅក្នុងប្រទេសឥណ្ឌា។

 

លើសពីនេះ ម៉ាកយីហោរថយន្តអគ្គិសនី VinFast របស់វៀតណាមក៏បានប្រកាសពីផែនការបង្កើតរោងចក្រផលិតនៅតំបន់ Tamil Nadu ដែលបង្ហាញពីការកើនឡើងនៃការវិនិយោគឧស្សាហកម្មនៅក្នុងវិស័យ យានយន្តអគ្គិសនីរបស់ប្រទេសឥណ្ឌា។ និន្នាការនេះគូសបញ្ជាក់ពីការផ្លាស់ប្តូរឆ្ពោះទៅរកបច្ចេកវិទ្យាប្រកបដោយនិរន្តរភាព និងបរិស្ថាននៅក្នុងឧស្សាហកម្មរថយន្ត ដូចដែលបានកត់សម្គាល់នៅក្នុងរបាយការណ៍របស់ Counterpoint ។ លោក Liz Lee ដែលជានាយករងនៅក្រុមហ៊ុន Counterpoint Research ក៏បានសង្កត់ធ្ងន់លើសារៈសំខាន់នៃការបង្កើនការផលិតអាគុយរថយន្តអគ្គិសនីនៅក្នុងប្រទេសឥណ្ឌា ដើម្បីជំរុញការលក់ផងដែរ។ 

 

ក្រុមហ៊ុនដូចជា Ola, Reliance New Energy និង ACC Energy Storage បានធ្វើការវិនិយោគយ៉ាងសំខាន់នៅក្នុងតំបន់នេះ។ រួមផ្សំជាមួយនឹងគំនិតផ្តួចផ្តើមក្រោមពាក្យស្លោកថា “Make in India” របស់រដ្ឋាភិបាលឥណ្ឌ ត្រូវបានគេរំពឹងថានឹងកាត់បន្ថយថ្លៃដើមផលិតកម្ម និងជំរុញការលក់រថយន្តអគ្គិសនីបន្ថែមទៀត។ រដ្ឋាភិបាលឥណ្ឌាក៏បានប្រកាសពីគំនិតផ្តួចផ្តើមថ្មីដូចជាគម្រោង PLI សម្រាប់កោសិកាគីមីកម្រិតខ្ពស់ Advanced Chemistry Cells ហៅកាត់ថា ACC និងការកាត់បន្ថយពន្ធនាំចូលថ្មីៗសម្រាប់រថយន្ត អគ្គិសនីថ្មីដែលមានតម្លៃក្រោម $35,000។ ទាំងនេះត្រូវបានចាត់ទុកថាជាជំហានដ៏សំខាន់ក្នុងការទាក់ទាញការវិនិយោគក្នុងវិស័យរថយន្តអគ្គិសនីនៅក្នុងប្រទេសឥណ្ឌា។

នៅឆ្នាំ 2023 ក្រុមហ៊ុនផលិតរថយន្ត Mahindra & Mahindra របស់ប្រទេសឥណ្ឌា មានកំណើនការលក់កើនឡើងគួរឱ្យកត់សម្គាល់ដោយមានចំណែកទីផ្សារកើនឡើង 2,476% ដែលភាពជោគជ័យរបស់ក្រុមនហ៊ុននេះ គឺបានមកពីការលក់រថយន្តអគ្គិសនីប្រទេស SUV របស់ខ្លួនជាពិសេសម៉ូដែល XUV400។ ចំនែកម៉ាករថយន្តអគ្គិសនីផ្សេងទៀតដូចជា MG Motor និង BYD ក៏ដំណើរការល្អផងដែរ ដោយ BYD ឈេរនៅក្នុងបញ្ចីនៃម៉ាកយីហោរថយន្តអគ្គិសនីកំពូលទាំងប្រាំរបស់ឥណ្ឌាថែមទៀតផង៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍