ការឌីស្សាញរូបរាងខាងក្រៅ និងសមត្ថភាពនៃរថយន្ត GWM Haval H6 ស៊េរីឆ្នាំ 2024 ត្រូវបានបង្ហាញចេញកាន់តែច្បាស់

ថ្មីៗនេះមានការបង្ហាញចេញនូវការឌីស្សាញរូបរាងខាងក្រៅនៃរថយន្តស៊េរីថ្មីរបស់ក្រុមហ៊ុន Haval ដែលជាបុត្រសម្ព័ន្ធរបស់ GWM (Great Wall Motors) ម៉ូដែល Haval H6 ស៊េរីឆ្នាំ 2024។ បើតាមរូបភាពបង្ហាញថា ការឌីស្សាញខាងក្រោយរបស់រថយន្តស៊េរីថ្មីនេះ គឺមានការកែប្រែថ្មីមួយចំនួនកាន់តែមានភាពទំនើប និងទាក់ភ្នែកជាងម៉ូដែលបច្ចុប្បន្ន។

 

រូបភាពពាណិជ្ជកម្ម
no-alternative title

ដោយការឌីស្សាញផ្នែកផ្ទាំងប៉ាណាខាងមុខមានទំហំធំស្ទើរតែពេញក្បាលនៃរថយន្តរំលេចជាមួយអំពូល Daytime running light ប្រភេទ LED រួមជាមួយអំពូលស៊ីញ៉ូបញ្ឈរចុះក្រោម។ ចំនែកចង្កៀងបំភ្លឺផ្លូវនៅពេលរាត្រី (Headlight) ជាប្រភេទ (Starlight) ដែលបង្គុំឡើងដោយអំពូល LED ចំនួន 54 គ្រាប់ដែលអាចជះពន្លឺបានឆ្ងាយពីចន្លោះ 110 ទៅ 190 ម៉ែត្រ។

 

ចំនែកផ្នែកខាងក្រោយរំលេចជាមួយអំពូលភ្លើងប្រភេទ LED ដែលមានការឌីស្សាញរាងអក្សរ Y ភ្លឺច្បាស់ និងរំលេចដោយនិមិត្តសញ្ញា HAVAL នៅកណ្តាល និងមាន Spoiler ស្ថិតនៅខាងលើ។ បើតាមប្រភពបានបញ្ជាក់ថា សម្រាប់កំលាំងម៉ាស៊ីនដែលនឹងប្រើនៅលើ Haval H6 ស៊េរី 2024 គឺដូចគ្នានឹងស៊េរីឆ្នាំ 2023 ដែរ គ្រាន់តែមានប្រសិទ្ធិភាពខ្លាំងប្រសើរជាង។

 

ម៉ាស៊ីនរថយន្តស៊េរីថ្មីនេះ គឺមានទំហំ 1.5-Turbo ដែលបង្កើនកំលាំងខ្លាំងជាងមុខឡើងដល់ 130kW។ ចំនែកម៉ូដែល 2.0T ត្រូវបានបង្កើនកំលាំងពី 155kW ឡើងទៅ 170kW ហើយស៊ីសាំង 8.1L ក្នុងចំងាយផ្លូវ 100km។ Haval H6 ទាំងពីរជម្រើសប្រើប្រាស់ប្រអប់លេខស្វ័យប្រវត្តិ 7 វគ្គ (7-speed wet dual clutch transmission) ដូចគ្នា។ ជាមួយគ្នានេះ Haval ក៏អាចនឹងបញ្ជាក់ម៉ូដែល Haval H6 ជម្រើស Hybrid និង PHEV ក្នុងពេលបន្ទាប់ឆាប់ៗនេះផងដែរ។ 

រថយន្ត SUV ស៊េរីថ្មីឆ្នាំ 2024 របស់ Haval នេះមានប្រវែងបណ្តោយ 4703mm X ទទឹង 1886mm X កម្ពស់ 1730mm និងគម្លាតចន្លោះកង់មុខ និងកង់ក្រោយ 2738 mm។ ហើយបើធៀបនឹង Haval H6 បច្ចុប្បន្ន ម៉ូដែលជំនាន់ថ្មីឆ្នាំ 2024 គឺមានប្រវែងបណ្តោយវែងជាងប្រមាណ 50mm។ Haval H6 គឺជាម៉ូដែលរថយន្តដែលមានទីផ្សារលក់ដាច់ល្អបំផុតរបស់ក្រុមហ៊ុន Great Wall Motors ក្នុងពេលបច្ចុប្បន្ន ហើយក៏ជាងរថយន្ត SUV ដែលលក់ដាច់បំផុតនៅក្នុងទីផ្សារប្រទេសចិនថែមទៀតផង។ GWM Haval H6 ស៊េរីថ្មីឆ្នាំ 2024 នឹងបង្ហាញវត្តមាននៅក្នុងព្រឹត្តិការណ៍ពិព័រណ៌រថយន្តប្រចាំឆ្នាំនៅទីក្រុងប៉េកាំងប្រទេសចិន 2024 Beijing Auto Show ដែលនឹងត្រូវប្រារព្ធធ្វើឡើងនៅខែឧសភាខាងមុខនេះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍